બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / ગુજરાતમાં ચોમાસાની દસ્તક હવે નજીક, દક્ષિણ ગુજરાતમાં આગામી 24થી 48 કલાકમાં મેઘરાજાની એન્ટ્રીની શક્યતા
6 ફોટો ગેલેરી
Last Updated: 06:38 AM, 23 June 2026
FOLLOW ON
શેર કરો
1/6
ગુજરાતમાં ચોમાસાની એન્ટ્રી હવે ખૂબ નજીક આવી પહોંચી છે. છેલ્લા કેટલાક દિવસોથી રાજ્યના દરિયાકાંઠાના વિસ્તારોમાં વાતાવરણમાં નોંધપાત્ર ફેરફાર જોવા મળી રહ્યો છે. ખાસ કરીને દક્ષિણ ગુજરાતમાં ગત દિવસે અનેક વિસ્તારોમાં ધોધમાર વરસાદ વરસ્યો હતો. હવામાન વિભાગે 23 જૂન 2026 માટે કરેલી આગાહી અનુસાર આજે સૌરાષ્ટ્ર, દક્ષિણ ગુજરાત અને મધ્ય ગુજરાતના વિવિધ વિસ્તારોમાં હળવાથી મધ્યમ વરસાદની શક્યતા છે. અમદાવાદ, રાજકોટ, જૂનાગઢ, સુરત અને વડોદરા સહિતના શહેરોમાં દિવસ દરમિયાન વરસાદી માહોલ સર્જાઈ શકે છે.
આ તસવીર શેર કરો
2/6
હવામાન વિભાગના જણાવ્યા અનુસાર આજે જૂનાગઢ, ગીર સોમનાથ, રાજકોટ, અમરેલી, બોટાદ, ભાવનગર, અમદાવાદ, આણંદ, ખેડા, પંચમહાલ અને દાહોદ જિલ્લામાં છૂટાછવાયા સ્થળોએ હળવાથી મધ્યમ વરસાદ પડી શકે છે. બીજી તરફ વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં મોટાભાગના વિસ્તારોમાં ગાજવીજ સાથે વરસાદની સંભાવના વ્યક્ત કરવામાં આવી છે. કેટલાક વિસ્તારોમાં પવનની ગતિમાં પણ વધારો થઈ શકે છે.
આ તસવીર શેર કરો
3/6
ગુજરાતમાં ચોમાસું ક્યારે પ્રવેશ કરશે તે અંગે લોકોમાં ભારે ઉત્સુકતા જોવા મળી રહી છે. છેલ્લા બે અઠવાડિયાથી અટકેલું ચોમાસું હવે ફરી આગળ વધ્યું છે અને મુંબઈ સુધી પહોંચી ગયું છે. હાલની ગતિને જોતા હવામાન નિષ્ણાતોનું માનવું છે કે આગામી 24થી 48 કલાકમાં મેઘરાજા વિધિવત રીતે ગુજરાતમાં પ્રવેશ કરી શકે છે. નેશનલ સેન્ટર ફોર મીડિયમ રેન્જ વેધર ફોરકાસ્ટિંગના અનુમાન અનુસાર 23 જૂનથી દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારોમાં ભારે વરસાદની શક્યતા છે. મહારાષ્ટ્રના ગુજરાતને અડીને આવેલા વિસ્તારોમાં પણ સારો વરસાદ થવાની આગાહી છે, જેની સીધી અસર ગુજરાતના હવામાન પર પડી શકે છે.
આ તસવીર શેર કરો
4/6
અમદાવાદના હવામાનની વાત કરીએ તો આજે શહેરમાં ભારે પવન સાથે હળવાથી મધ્યમ વરસાદ થઈ શકે છે. શહેરનું મહત્તમ તાપમાન આશરે 41 ડિગ્રી સેલ્સિયસ અને લઘુત્તમ તાપમાન 29 ડિગ્રી સેલ્સિયસની આસપાસ રહેવાની શક્યતા છે. રાજકોટમાં પણ આજે હળવાથી મધ્યમ વરસાદની આગાહી કરવામાં આવી છે. રાજકોટનું મહત્તમ તાપમાન 39 ડિગ્રી અને લઘુત્તમ તાપમાન 26 ડિગ્રી આસપાસ રહી શકે છે. હવામાનમાં ભેજનું પ્રમાણ વધતા લોકોને ગરમી અને ઉકળાટનો પણ અનુભવ થઈ શકે છે.
આ તસવીર શેર કરો
5/6
સુરત અને વડોદરામાં આજે વરસાદની શક્યતા વધુ જોવા મળી રહી છે. સુરતમાં ભારે પવન સાથે હળવાથી મધ્યમ વરસાદ પડી શકે છે. શહેરનું મહત્તમ તાપમાન 34 ડિગ્રી અને લઘુત્તમ તાપમાન 29 ડિગ્રી આસપાસ રહેવાની સંભાવના છે. વડોદરામાં પણ ભારે પવન સાથે વરસાદી ઝાપટાં પડી શકે છે. અહીં મહત્તમ તાપમાન 40 ડિગ્રી અને લઘુત્તમ તાપમાન 29 ડિગ્રીની આસપાસ નોંધાઈ શકે છે. દક્ષિણ ગુજરાતના વિસ્તારોમાં આગામી બે દિવસ દરમિયાન વરસાદની તીવ્રતા વધે તેવી શક્યતા છે.
આ તસવીર શેર કરો
6/6
હાલની સ્થિતિ અનુસાર દક્ષિણ પશ્ચિમ ચોમાસું મધ્ય અરબી સમુદ્ર, મહારાષ્ટ્ર, તેલંગાણા, કર્ણાટકના બાકીના ભાગો, છત્તીસગઢના કેટલાક વિસ્તારો, ઓડિશા, ઝારખંડ અને બિહારના કેટલાક ભાગોમાં આગળ વધી ગયું છે. ચોમાસાની ઉત્તરીય મર્યાદા અલીબાગ, પુણે, નિઝામાબાદ, દાંતેવાડા, બાલનગીર, સુંદરગઢ, ચતરા, ગયા અને મુઝફ્ફરપુરમાંથી પસાર થઈ રહી છે. હવામાન વિભાગના જણાવ્યા મુજબ આગામી દિવસોમાં મુંબઈ સહિત મહારાષ્ટ્રના વધુ વિસ્તારો, તેલંગાણા, ઓડિશા તેમજ પૂર્વ અને મધ્ય ભારતના અન્ય ભાગોમાં પણ ચોમાસું આગળ વધવા માટે પરિસ્થિતિ અનુકૂળ બની રહી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
5 ફોટોઝ
Fifa World Cup 2026 / લિયોનેલ મેસીએ તડ્યો વર્લ્ડ રેકોર્ડ, ફૂટબોલ વર્લ્ડ કપમાં કર્યા સૌથી વધુ ગોલ
ટોપ સ્ટોરીઝ
