આક્ષેપ / એવું શું થયું કે, રાજકોટમાં બે મહિલા ઇન્ફ્લુએન્સરો ફિનાઇલ ગટગટાવી ગઇ, કર્યો જીવન ટૂંકાવવાનો પ્રયાસ

રાજકોટ શહેરના રેસકોર્સ રિંગ રોડ વિસ્તારમાં રહેતા અને સોશિયલ મીડિયા પર ઈન્ફ્લુએન્સરો દ્વારા સજોડે ફિનાઈલ પી આપઘાતનો પ્રયાસ કરી લેતા ચકચાર મચી જવા પામી હતી. બંનેએ સોશિયલ મીડિયા ઈન્ફ્લુએન્સર અન્ય ત્રણ યુવતીઓના ત્રાસથી કંટાશી આ પગલું ભર્યું હોવાનો આક્ષેપ કર્યો છે.

કોની પર કર્યા આક્ષેપ

ફિનાઈલ પીતી વખતે ઈન્ફ્લુએન્સર દ્વારા વિડિયો ઉતારવામાં આવ્યો હતો. વીડિયોમાં ઈન્ફ્લુએન્સરે આક્ષેપ કર્યો હતો કે, સોશિયલ મીડિયા ઈન્ફ્લુએન્સર માધાપર ચોકડી પાસે રહેતી સોનલ ઉર્ફે દીદું, રિદ્ધિ શુક્લા અને અંકિતા પટેલ (સુરત) કેટલાક દિવસથી તેમના વિરૂદ્ધ વીડિયો બનાવીને બદનામ કરતી હોવાનો આક્ષેપ કરી કંટાળીને આ પગલું ભર્યું હોવાનો આક્ષેપ કર્યો હતો.

આ પણ વાંચોઃ સુરતમાં બેફામ ટેમ્પોચાલકે 5 લોકોને હવામાં ફંગોળ્યા, તો ઈડરમાં રીક્ષા અને ઈકો ટકરાતા 3ના મોત

સોશિયલ મીડિયામાં અપશબ્દો બોલતા લાગી આવ્યું

આપઘાત કરનાર ઈન્ફ્લુએન્સરના પતિએ જણાવ્યું હતું કે, તા. 9 ના રોજ મારી પત્નિ સહિત તેની બહેનપણીઓ મુંબઈ ગયા હતા અને ત્રણ દિવસ બાદ પરત આવ્યા હતા. જે બાદ મારી પત્નિ અને તેની મિત્રએ સોશિયલ મીડિયામાં વીડિયો અપલોડ કર્યો હતો અને કહ્યું કે મુંબઈના લોકો એની મોજમાં રહે છે અને ગુજરાતના લોકો પંચાતિયા છે. જેને લઈ સોનલ અને તેના ગ્રુપની અન્ય યુવતીઓએ કહેલ કે તમે પાકિસ્તાની છો તેમ કહી અપશબ્દો બોલતી હતી. સોનલ ઉર્ફે દીદું, રિદ્ધિ શુક્લા અને અંકિતા પટેલ (સુરત) ના ત્રાસથી કંટાળી મહિલાએ આ પગલું ભર્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ