Health Tips / હવાના પ્રદૂષણથી ફેફસાને બચાવવા માટે ઉપયોગી છે આ ટિપ્સ

• પ્રદૂષણ બન્યું ચિંતાનો વિષય
• ફેફસાના રોગથી બચવાના વિવિધ ઉપાય
• ફેફસાને પ્રદૂષણથી બચાવવા નાસ અને ગ્રીન ટી છે ઉપયોગી 

જોકે હવાના પ્રદુષણની સૌથી પહેલી અસર આપણા ફેફસા પર થાય છે. પ્રદુષિત હવાથી બચી ન શકાય તો કેટલાક એવા ઉપાયો છે જેનાથી ફેફસાને કલિન કરવામાં અને પ્રદુષણની માઠી અસરથી ફેફસાને બચાવામાં મદદ મળે છે.કેટલાક દિવસોમાં પ્રદુષણ એટલું વધારે હોય છે જયારે એક સાથે અનેક સિગારેટ પીધી હોય એટલી પ્રદુષિત હવા આપણા ફેફસામાં જાય છે. ફેફસાને કલિન કરવા માટે સ્ટિમ થેરાપી બહુ ઉપયોગી છે.

નાસ લેવાથી થાય છે ફાયદો 

જેને આપણે નાસ લેવો કહીએ છીએ. સામાન્ય રીતે શરદી થાય અને નાક બંઘ થાય ત્યારે પાણીની વરાળનો નાસ લેવાની ડોકટર સલાહ આપે છે. પરંતુ હવામાં પ્રદુષણ વધારે હોય ત્યારે નાસ લેવાથી ફેફસામાં ફાસાયેલા કણો નીકળી જાય છે અને શ્વાસ લેવાનું આસાન બને છે. ફેફસાનો હવા લઇ જતો માર્ગ પણ વધુ ખુલ્લો થાય છે.

ગ્રીન ટી છે ઉપયોગી 

પ્રદુષિત વાતાવરણમાં થોડો કફ હોય તો તે સારી બાબત છે કેમકે કફની સાથે નાક અને શરીરના પ્રદુષિત કણો બહાર ફેંકાય છે.તેથી સાવ ડ્રાય કફ (સુકો કફ)ની સમસ્યા ન થાય તે જોવું
જોઇએ. ગ્રીન ટી પણ પ્રદુષિત વાતાવરણમાં બહુ ઉપયોગી છે.તેમાં એન્ટિઓકસિડન્ટ સારા એવા પ્રમાણમાં હોય છે. તે ફેફસાના ટીશ્યુને હાનિકારક કણોથી બચાવે છે. 

પ્રદુષણના ખતરા સમયે પ્રોસેસ્ડ ફુડથી દુર રહેવું 

દક્ષિણ કોરિયામાં થયેલા એક સંશોધનમાં જણાયું હતું કે જેઓ દરરોજ ઓછામાં ઓછી બે કપ ગ્રીન ટી પીતા હતા તેમના ફેફસા ગ્રીન ટી નહીં પીનારા લોકો કરતા વધુ સારી રીતે કામ કરતાં હતા.એન્ટિઇન્ફલેમેટરી ગણાતા કેટલીક વસ્તુઓ નિયમિત ખાવાથી ફેફસાની હેલ્થ સારી રહે છે.જેમકે હળદર,ફલાવર,કોબી,ઓલિવ,એખરોટ,વટાણા વગેરે ફેફસા માટે સારા છે.પ્રદુષણનો ખતરો હોય ત્યારે પ્રોસેસ્ડ ફુડથી દુર રહેવું જોઇએ.

મધ પણ બહુ ગુણકારી છે.મધમાં બેકટેરિયાને મારવાની ક્ષમતા છે.આ ઉપરાંત મધમાં પણ એન્ટિઇન્ફલેમેટરી, એન્ટિઓકસિડન્ટ તત્વો ભરપુર માત્રામાં હોય છે.દરરોજ એક ચમચી મધ ફેફસાના
આરોગ્ય માટે લાભદાયી છે.