ટેક્નોલોજી / ત્રણ-ત્રણ બેટરી સાથે લૉન્ચ થઇ શકે છે આ ન્યૂ ફોન, લોન્ચિંગ પહેલા જ ડિટેલ્સ લીક

સેમસંગનો નવો ટ્રાઇફોલ્ડ સ્માર્ટફોન 2025 માં લોન્ચ થઇ શકે છે. પરંતુ સેમસંગે હજુ સુધી તેની સત્તાવાર જાહેરાત નથી કરી. તાજેતરમાં ફાઇલ કરાયેલ આ ફોનની પેટન્ટમાં તેની ડિઝાઇનની મહત્વની જાણકારીઓ સામે આવી છે. આ Samsung Galaxy Z TriFold ના નામે આવી શકે છે. તેમાં G- સ્ટાઇલ ઇનવર્ડ ફોલ્ડિંગ મિકેનિઝમ હોઈ શકે છે. આ Samsung Galaxy Z TriFold ફોનને આખો ખોલવા પર તેની સ્ક્રીન 9.96 ઇંચની દેખાશે. આ ફોનમાં ત્રણ કનેક્ટેડ પેનલ હશે, જેમાં દરેકમાં તેની પોતાની બેટરી હશે. કેમેરા પેનલમાં સૌથી નાની બેટરી હશે કેમ કે કેમેરા મોડ્યુલ વધુ જગ્યા રોકે છે.

• Galaxy Z TriFold માં ત્રણ બેટરી સેટઅપ
  
  Samsung Galaxy Z TriFold ની પેટન્ટ KIPRIS (Korea Intellectual Property Rights Information Service) પર જોવામાં આવી છે. પેટન્ટની ડ્રોઇંગ બહારથી Galaxy Z Fold 7 જેવી લાગે છે, પરંતુ તેની ઇન્ટરનલ ડિઝાઇન સંપૂર્ણ રીતે અલગ છે. આ ફોનમાં બેટરી રિબન કેબલથી જોડાયેલ હશે. બેટરીની સાઈઝ પહેલાથી ત્રીજા નંબર વધતી જશે. જેના કારણે કુલ બેટરી કેપેસિટી હાલના Foldables કરતા વધારે હોઈ શકે છે.
  

આ ફોનમાં કેમેરા પેનલમાં સૌથી નાની બેટરી હશે, જ્યારે ત્રીજી પેનલમાં સૌથી મોટી બેટરી હશે. પેટન્ટમાં બેટરીની વાસ્તવિક ક્ષમતાનો ઉલ્લેખ કરાયો નથી તેમ છતાં તે Galaxy Z Fold 7 ની 4400mAh બેટરી કરતા મોટી હોવાનો અંદાજ છે. કેમ કે TriFold ની મોટી ડિસ્પ્લે વધુ પાવર વાપરે છે.

• ક્યારે થશે Galaxy Z TriFold લોન્ચ ?
  

સેમસંગ 31 ઓક્ટોબરથી 1 નવેમ્બર દરમિયાન દક્ષિણ કોરિયાના Gyeongjuમાં યોજાનારી APEC Asia-Pacific Economic Cooperation) સમિટમાં Galaxy Z TriFold રજૂ થશે તેવી સંભાવના છે. તેના શરૂઆતના પ્રોડક્શનમાં આશરે 50,000 યુનિટ સુધી મર્યાદિત રહેવાની શક્યતા છે. આ ફોન શરૂઆતમાં માત્ર દક્ષિણ કોરિયા અને ચીનમાં જ ઉપલબ્ધ થઈ શકે છે.

વધુ વાંચો : હવે ChatGPTથી થઇ જશે ડાયરેક્ટ UPI પેમેન્ટ? મેળવો જાણકારી

• Galaxy Z TriFold ના સંભવિત ફીચર્સ  
  આ Galaxy Z TriFoldના ફીચરમાં સંપૂર્ણ રીતે ફોલ્ડ કરવા પર  9.96-ઇંચની ડિસ્પ્લે જોવા મળશે. તેમાં Snapdragon 8 Elite પ્રોસેસર મળી શકે છે.  જેમાં સિલિકોન-કાર્બન બેસ્ડ બેટરી પણ હશે. જો તેના કેમેરા સેટઅપની વાત કરીએ તો તેમાં 200MP પ્રાઈમરી સેન્સર સાથે ટ્રિપલ કેમેરા સેટઅપ હોઈ શકે છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ