ટેક્નોલોજી / iPhone 17 Pro Max માં થશે 5 મોટા ફેરફાર, જાણો 16 Proથી કઇ રીતે અલગ પડશે

એપલ કંપની આગામી 9 સપ્ટેમ્બરે મેગા ઇવેન્ટનું આયોજન કરવા જઈ રહી છે. આ ઇવેન્ટમાં ટેક જાયન્ટ નેક્સ્ટ GEN iPhones લોન્ચ થઈ શકે છે, જેમાં આ વખતે iPhone 17, iPhone 17 Pro, iPhone 17 Pro Max અને નવા iPhone 17 Airનો સમાવેશ થઈ શકે છે, જે પ્લસ મોડેલની જગ્યા લેશે.

જોકે એપલે હજુ સુધી આ વિશે કોઈ માહિતી આપી નથી. પરંતુ રિપોર્ટ અનુસાર, આ વખતે આગામી iPhone 17 સીરીઝમાં ડિઝાઇનથી લઈને હાર્ડવેર સુધી ઘણા મોટા ફેરફારો થશે. આ વખતે બધાની નજર iPhone 17 Pro Max પર છે, જેમાં સૌથી મોટા ફેરફારો થઈ શકે છે. ચાલો જાણીએ તેના વિશે.

• iPhone 17 Pro Maxની ડિઝાઇન
  

આ વખતે iPhone 17 Pro Maxમાં સૌથી મોટો ફેરફાર તેની ડિઝાઇનમાં થશે. જ્યાં કંપની આ વખતે કેમેરા આઇલેન્ડને મોટો બનાવવા જઈ રહી છે. ટેક જાયન્ટ આખરે વર્ટિકલી સ્ટેક્ડ ટ્રિપલ-કેમેરા લેઆઉટ બદલી શકે છે. ડિવાઇસમાં એક નવો લંબચોરસ કેમેરા આઇલેન્ડ હોઈ શકે છે જે ગૂગલ પિક્સેલ ડિવાઇસ જેવો દેખાઈ શકે છે પરંતુ એવું લાગી રહ્યું છે કે કેમેરા પ્લેસમેન્ટ બદલાશે નહીં.

• iPhone 17 Pro Maxની ડિસ્પ્લે
  

iPhone 17 Pro Maxમાં તેના પાછલા મોડેલની તુલનામાં કોઈ મોટા ફેરફારો થવાની શક્યતા નથી પરંતુ આ વખતે ડાયનેમિક આઇલેન્ડ કટઆઉટ વધારે પાતળું હોઈ શકે છે અને સેમસંગનું M14 OLED પેનલ મળી શકે છે. ફોનની પીક બ્રાઇટનેસ પણ 2000 nits થી વધારી 3000 nits સુધી કરી શકાય છે.

• iPhone 17 Pro Maxનું પ્રોસેસર
  આ વખતે નવા iPhone 17 Pro Max માં વધુ પાવરફુલ A19 Pro ચિપસેટ મળી શકે છે જે 3nm ચિપસેટ હોઈ શકે છે. આ સિવાય નવા ડિવાઇસમાં iPhone 16 Pro Max ની 8GB RAMની તુલનામાં 12GB RAM હોવાની અપેક્ષા છે.
  
• iPhone 17 Pro Maxમાં કેમેરા
  

iPhone 17 Pro Maxને 48MP પેરિસ્કોપ કેમેરા સાથે અપગ્રેડ કરી શકાય છે, જે iPhone 16 Pro Maxના વર્તમાન 12MP સેન્સર કરતા વધુ સારું હશે. મતલબ કે, હવે નવા મોડેલમાં દરેક કેમેરા 48MP હશે. જ્યારે સેલ્ફી લવર માટે આ વખતે 24MP સેલ્ફી કેમેરા મળી શકે છે જે પાછલા 12MP કેમેરાને રિપ્લેસ કરશે. iPhone 17 Pro Maxને 8K વીડિયો રેકોર્ડિંગ માટે પણ સપોર્ટ મળી શકે છે.

વધુ વાંચો : તાત્કાલિક ધોરણે તમારો Gmail પાસવર્ડ ચેન્જ કરી નાખજો! Googleની વૉર્નિંગ આવી છે

• iPhone 17 Pro Maxમાં બેટરી

આ વખતે Apple તેના iPhone 17 Pro Maxમાં બેટરી પણ અપગ્રેડ કરવા જઈ રહ્યું છે જ્યાં તમને આ વખતે 5000 mAh બેટરી મળી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ