ટેક્નોલોજી / તાત્કાલિક ધોરણે તમારો Gmail પાસવર્ડ ચેન્જ કરી નાખજો! Googleની વૉર્નિંગ આવી છે

ગૂગલે વિશ્વભરના તેના 2.5 અબજ Gmail યુઝર્સ માટે એક મોટું સેફ્ટી એલર્ટ જાહેર કર્યું છે. આ એલર્ટ તાજેતરના Salesforce ડેટાબેઝ હેકિંગ અને અનેક ફિશિંગ હુમલાઓ પછી આવ્યું છે, જેમાં લાખો એકાઉન્ટ્સ સંભવિત રીતે જોખમમાં હતા. સાયબર સુરક્ષા એક્સપર્ટ માને છે કે આ તાજેતરના વર્ષોમાં જારી કરાયેલ સૌથી મોટી એલર્ટમાનું એક છે.

• હેકર્સ Gmail એકાઉન્ટ્સ સુધી આ રીતે પહોંચ્યા

હેકર્સે યુઝર્સને લક્ષ્ય બનાવવા માટે બે મુખ્ય પદ્ધતિઓનો ઉપયોગ કર્યો હતો. જેમાં ફિશિંગ ઇમેઇલ્સ અને Salesforce ડેટાબેઝ બ્રીચનો સમાવેશ થાય છે. ચાલો આ બે રીત વિશે જાણીએ.

• ફિશિંગ ઇમેઇલ્સ

હેકર્સે નકલી ઇમેઇલ્સ મોકલ્યા જે અસલી જેવા દેખાતા હતા અને તેમાં લિંક્સ હતી જે યુઝર્સને નકલી લોગિન પેજ પર લઈ જતા હતા. ઘણા યૂઝર્સે ભૂલથી તેમના Gmail ક્રેડેંશિયલ્સ અને 2FA કોડ દાખલ કર્યા હતા, જેનાથી હેકર્સને એકાઉન્ટ પર સંપૂર્ણ કંટ્રોલ મળી ગયુ હતું.

• Salesforce ડેટાબેઝ બ્રીચ

ગુગલે કન્ફર્મ કર્યુ છે કે Salesforce ડેટાબેઝ બ્રીચ થયુ છે. આ હુમલા પાછળ ShinyHunters નામનું ગૃપ હોવાનું કહેવાય છે, જેને અગાઉ AT&T અને માઇક્રોસોફ્ટ જેવા મોટા ગૃપને હેક કર્યા હતા. એક્સપર્ટ અનુસાર, આ ગૃપ ચોરાયેલ ડેટા લીક કરી શકે છે અથવા તેનો ઉપયોગ બ્લેકમેલ માટે કરી શકે છે.

• હવે શું કરવું જોઈએ યુઝર્સે?

ગૂગલે Gmail યુઝર્સને તાત્કાલિક કેટલાક મહત્વપૂર્ણ પગલાં લેવાની સલાહ આપી છે. જેમાં સૌ પ્રથમ તમારો પાસવર્ડ અપડેટ કરો, એક મજબૂત અને યુનિક પાસવર્ડ બનાવો જેનો ઉપયોગ અન્ય કોઈપણ પ્લેટફોર્મ પર ન થાય. આ સિવાય ટુ-ફેક્ટર ઓથેન્ટિકેશન એક્ટિવ કરો જેથી પાસવર્ડ લીક થયા બાદ પણ એકાઉન્ટ સુરક્ષિત રહે. અજાણ્યા ઇમેઇલ્સ અથવા શંકાસ્પદ લિંક્સ પર ક્લિક કરવાનું ટાળો. આ સાથે એકાઉન્ટ એક્ટિવિટી પણ તપાસો. તમે Gmailના લોગિન હિસ્ટ્રીમાં અજાણી ડિવાઈસ અથવા લોકેશનમાંથી લોગિન ચકાસી શકો છો.

વધુ વાંચો : ઘરે બેઠાં Facebook તમને માલામાલ કરી દેશે! એ કઇ રીતે, જાણો ટિપ્સ

• કેમ છે મોટો ખતરો?

ઘણા લોકો માને છે કે તેમનું ઇમેઇલ એકાઉન્ટ મહત્વનું નથી, પરંતુ લોકોની આ સૌથી મોટી ભૂલ હોય છે. Gmailમાં ફક્ત પર્સનલ ડેટા જ નહીં પરંતુ બેંકિંગ ડિટૈલ, કાર્ય સંબંધિત ડોક્યુમેન્ટ અને કોન્ટેક્ટ જેવી માહિતી પણ હોય છે. આ સ્થિતિમાં જો એકાઉન્ટ હેક થાય તો ડેટા ચોરી થઈ શકે છે. તમારા નામે નકલી ઇમેઇલ્સ મોકલી શકાય છે અને આઈડેંટિટી થેપ્ટનું જોખમ પણ વધી જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ