બિઝનેસ / 2020 પછી ક્રૂડ ઓઇલના ભાવમાં સૌથી મોટો કડાકો, શું હવે પેટ્રોલ-ડીઝલના ભાવ ઘટશે?

ક્રૂડ ઓઈલના ભાવમાં 2020 પછીની સૌથી મોટી સાપ્તાહિક ઘટાડો જોવા મળ્યો છે. ગયા અઠવાડિયે બ્રેન્ટ ક્રૂડની કિંમતમાં 16 ટકાથી વધુનો ઘટાડો થયો અને તે હવે પ્રતિ બેરલ 97 ડોલરની આસપાસ પહોંચી ગયું છે. અમેરિકન ડબ્લ્યુટીઆઈ ક્રૂડ પણ 90 ડોલરની નજીક વેપાર થઈ રહ્યો છે. અમેરિકા-ઈરાન વચ્ચે તણાવ ઘટવાની આશા અને અમેરિકાની મિડટર્મ ચૂંટણીના પરિણામોને કારણે બજારમાં આ ઘટાડો જોવા મળ્યો છે.

જોકે ભારતમાં પેટ્રોલ-ડીઝલના ભાવ હજુ પણ યથાવત છે. જેમાં દિલ્હીમાં પેટ્રોલ 102.12 રૂપિયા અને ડીઝલ 95.20 રૂપિયા પ્રતિ લિટર છે. દિવાળી બાદ પણ કોઈ ફેરફાર થયો નથી.

આનું કારણ એ છે કે ઇન્ટરનેશનલ બજારમાં જે ભાવ ઘટ્યા છે તે ફ્યુચર્સ કોન્ટ્રેક્ટના છે, જેમાં ડિલિવરી જાન્યુઆરીમાં થશે. સરકારી ઓઈલ માર્કેટિંગ કંપનીઓ પહેલા પોતાનું નુકસાન પૂરું કરે છે અને ભાવ પર સરકારનું નિયંત્રણ પણ રહે છે. મે 2026માં કંપનીઓએ ચાર વખત કુલ 7.50 રૂપિયા પ્રતિ લિટરનો વધારો કર્યો હતો.

વધુ વાંચો :મુહૂર્ત ટ્રેડિંગમાં બજાર ગગડવા છતાં રોકાણકારો થયા માલામાલ, દિવાળીના દિવસે થઈ 2 લાખ કરોડ રૂપિયાની કમાણી

પશ્ચિમ એશિયામાં તણાવ હજુ પણ કાયમ છે. હોર્મુઝ સ્ટ્રેટમાં ટેન્કર પર હુમલો અને હૂતી બળવાખોરો દ્વારા સાઉદી અરામકો પર હુમલાની ઘટનાઓ બની છે. છતાં પર્શિયન ગલ્ફમાંથી ક્રૂડ ઓઈલનું નિકાસ યુદ્ધ પહેલાના સ્તરની નજીક પહોંચી ગયું છે અને ઓપેકનું ઉત્પાદન પણ વધ્યું છે. આ સ્થિતિમાં ભારતમાં ભાવ ઘટાડાની રાહ જોતા ગ્રાહકોને હજુ થોડો સમય રાહ જોવી પડી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ