ન્યૂઝ અપડેટ્સ
ન્યૂઝ અપડેટ્સ
VTV / ધર્મ / બોલિવૂડમાં ધામધૂમથી ઉજવાઈ દિવાળી: અક્ષય કુમારે કરી પૂજા, તો સોનમ-સોનાક્ષીએ પતિ સાથે મનાવ્યો ઉત્સવ
9 ફોટો ગેલેરી
Last Updated: 12:53 AM, 9 November 2026
FOLLOW ON
શેર કરો
1/9
રોશની અને ઉત્સવનો પાવન મહાપર્વ દિવાળી સમગ્ર દેશમાં અત્યંત હર્ષોલ્લાસ અને ધામધૂમથી ઉજવાઈ રહી છે. ચારેય બાજુ દીવાઓની ઝળહળતી રોશની અને રંગબેરંગી લાઈટોનો પ્રકાશ જોવા મળી રહ્યો છે. આ તરફ બોલિવૂડના નામી સિતારાઓ પણ પોતાના પરિવારજનો અને કરીબીઓ સાથે પૂરા જોશ અને ઉત્સાહ સાથે દિવાળીની ઉજવણી કરી રહ્યા છે. સોશિયલ મીડિયા પર સેલેબ્સની દિવાળી સેલિબ્રેશનની તસવીરો અને વીડિયો અત્યારે ભારે વાયરલ થઈ રહ્યા છે. ચાલો જાણીએ કે આ વખતે કયા સ્ટારે કઈ રીતે પોતાની દિવાળીની ઉજવણી કરી છે.
આ તસવીર શેર કરો
2/9
દિવાળીના ખાસ અવસરે બોલિવૂડના ખેલાડી એટલે કે એક્શન કિંગ અક્ષય કુમારનો એકદમ ખાસ અને પરંપરાગત અંદાજ જોવા મળ્યો. અક્ષય કુમારે દિવાળીના પર્વ પર વિધિવત પૂજા-અર્ચના કરી હતી. તેમણે પોતાના વીડિયો સાથે કેપ્શનમાં લખ્યું હતું કે, દિવાળી એ ખુશીઓ વહેંચવાનો, પોતાના સ્વજનો સાથે ઉત્તમ સમય વિતાવવાનો અને જીવનની નાની-નાની ખુશીઓ મનાવવાનો તહેવાર છે. આ અત્યંત સુંદર તહેવાર દરેકના ઘરમાં ખુશહાલી, ઉત્તમ સ્વાસ્થ્ય અને સુખ-સમૃદ્ધિ લઈને આવે. આપ સૌને અને તમારા પરિવારને મારી તથા મારા પરિવાર તરફથી દિવાળીની હાર્દિક શુભકામનાઓ.
આ તસવીર શેર કરો
ADVERTISEMENT
3/9
બોલિવૂડના લોકપ્રિય યુગલ સોનાક્ષી સિંહા અને જહીર ઇકબાલ દ્વારા ખૂબ જ અલગ અંદાજમાં દિવાળીનો ઉત્સવ મનાવવામાં આવ્યો હતો. આ દંપતીએ પોતાના ચાહકોને પણ દિવાળીની ખૂબ-ખૂબ વધામણી પાઠવી હતી. દિવાળી સેલિબ્રેશનની સુંદર તસવીરો શેર કરતાં સોનાક્ષીએ કેપ્શનમાં લખ્યું હતું કે, પ્રેમ અને રોશનીથી ભરેલી આ દિવાળી અમારી તો આવી જ રહી છે. અમને સંપૂર્ણ આશા છે કે તમારી દિવાળી પણ ખૂબ જ અદભુત રહી હશે. બધાને અઢળક પ્રેમ અને મિત્રોને દિવાળીની શુભકામનાઓ.
આ તસવીર શેર કરો
4/9
ગ્લોબલ સ્ટાર પ્રિયંકા ચોપરા વિદેશમાં વસવાટ કરવા છતાં ભારતના દરેક તહેવારને પૂરા ઉત્સાહ અને પરંપરા સાથે ઉજવે છે. દિવાળી પર પણ તેમણે ખાસ અંદાજમાં જશ્ન મનાવ્યો હતો. પ્રિયંકાએ પોતાની દિવાળી પાર્ટીની આકર્ષક તસવીરો શેર કરીને ચાહકોને દીપોત્સવની શુભેચ્છાઓ પાઠવી હતી. પ્રિયંકાની સાથે તેમના પતિ નિક જોનસ અને વ્હાલી દીકરી માલતી પણ દિવાળીના રંગોમાં રંગાયેલા નજરે પડ્યા હતા.
આ તસવીર શેર કરો
ADVERTISEMENT
5/9
અભિનેતા વરુણ ધવનની દિવાળીની ઉજવણી સંપૂર્ણપણે પરિવારને સમર્પિત રહી હતી. અભિનેતાએ પોતાની પત્ની નતાશા દલાલ અને નાની દીકરી લારા સાથે મળીને પર્વની ઉજવણી કરી હતી. વરુણ દ્વારા પત્ની અને દીકરી સાથેની કેટલીક મનમોહક તસવીરો પણ સોશિયલ મીડિયા પર શેર કરવામાં આવી છે.
આ તસવીર શેર કરો
6/9
દિવાળીના પાવન અવસરે સોનમ કપૂરનો અનોખો અંદાજ જોવા મળ્યો હતો, જ્યાં તે પોતાના પતિ સાથે રોમેન્ટિક ક્ષણો માણતી નજરે પડી હતી. ટ્રેડિશનલ સૂટમાં સોનમનો લૂક પણ જોવાલાયક હતો. અભિનેત્રીએ દિવાળી સેલિબ્રેશનની તસવીરો શેર કરતા લખ્યું હતું કે, દિવાળીની ઝળહળતી રોશની, થોડોક સ્પાર્કલ અને તે ખાસ વ્યક્તિ... જે આજે પણ મારા ગાલ પર શરમની લાલી લાવી દે છે.
આ તસવીર શેર કરો
ADVERTISEMENT
7/9
શનાયા કપૂરના માતા મહીપ કપૂર દ્વારા પણ દિવાળી સેલિબ્રેશનની તસવીરો સોશિયલ મીડિયા પર મૂકવામાં આવી છે. મહીપ પોતાના સમગ્ર પરિવાર સાથે ઘરમાં જ દિવાળીની વિધિવત પૂજા કરતી નજરે પડી હતી. તેમણે આ અવસરે સૌ કોઈને દિવાળીની શુભકામનાઓ પાઠવી હતી.
આ તસવીર શેર કરો
8/9
સારા અલી ખાન દ્વારા પણ પોતાના દિવાળી સેલિબ્રેશનની સુંદર ઝાંખી ચાહકો સાથે શેર કરવામાં આવી છે. સારાએ દિવાળીના દિવસે પોતાની માતા અમૃતા સિંહ, ભાઈ ઇબ્રાહિમ અલી ખાન અને મિત્રો સાથે જબરદસ્ત પાર્ટી કરી હતી. દિવાળી પાર્ટી દરમિયાન સારા અને ઇબ્રાહિમે મિત્રો સાથે ખૂબ મસ્તી કરી હતી અને અનેક રમતો પણ રમી હતી.
આ તસવીર શેર કરો
ADVERTISEMENT
9/9
કરીના કપૂરે પોતાના દિવાળી સેલિબ્રેશનની અ અનેક તસવીરો પોતાના સત્તાવાર ઇન્સ્ટાગ્રામ હેન્ડલ પર શેર કરી છે. કપૂર સિસ્ટર્સ કરીના અને કરિશ્મા પોતાની માતા બબીતા કપૂર અને પિતા રણધીર કપૂર સાથે એકદમ આનંદિત મુદ્રામાં નજરે પડી હતી.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
