જવાનોના જિગરી / VIDEO : જન સુરક્ષાના પ્રહરીની દેશભક્તિ! જિલ્લા પોલીસ વડાએ બોર્ડર પર જઈને જવાનો સાથે દિવાળી મનાવી

જન સુરક્ષાના પ્રહરી ગણાતી પોલીસની દેશભક્તિ પણ પ્રગટ થતી હોય છે. વાવ થરાદ પોલીસ વડા ચિંતન તેરૈયાએ પરિવાર સાથે નહીં પરંતુ સરદહે જઈને જવાનો સાથે દિવાળી મનાવી હતી. જિલ્લા પોલીસ વડા ચિંતન તેરૈયા ભારત-પાકિસ્તાન સરહદ પર આવેલા સુપ્રસિદ્ધ નડાબેટ ઝીરો પોઇન્ટ ખાતે પહોંચ્યાં હતા અને સરહદની રખેવાળી કરી રહેલા જવાનો સાથે દિવાળી મનાવી હતી. આ શુભ પ્રસંગે તેમણે ત્યાં ફરજ બજાવતા જવાનોને પોતાના હસ્તે મીઠાઈ ખવડાવી હતી અને હૂંફાળી આલિંગન આપીને દિવાળીની હાર્દિક શુભેચ્છાઓ પાઠવી હતી. પોલીસ વડાની આ અણધારી મુલાકાત અને સન્માનથી સરહદના પ્રહરીઓ અને સૈનિકોના ચહેરા પર ખુશીની લહેર છવાઈ ગઈ હતી. એસીપીએ બીએસએફ જવાનોને દિવાળી અને નવવર્ષની પાઠવી શુભેચ્છાઓ.

વાવ-થરાદની ભારત-પાકિસ્તાન ઝીરો પોઈન્ટ બોર્ડર પર જિલ્લા પોલીસ વડા ચિંતન તેરૈયાએ પોતાના પરિવારથી દૂર રહીને દેશની રક્ષા કરતા BSFના જવાનો સાથે દિવાળીની અનોખી ઉજવણી કરી હતી. #VavTharad #BSF #BorderDiwali #ChintanTeraiya #VTVDigital https://t.co/EGX9zKklHp

— VTV Gujarati News and Beyond (@VtvGujarati) November 8, 2026

જવાનોને મીઠાઈ ખવડાવી રહેલા પોલીસ વડાનો વીડિયો આવ્યો

એસપી ચિંતન તેરૈયાનો એક વીડિયો પણ સામે આવ્યો છે જેમાં તેઓ લાઈનમાં ઊભેલા જવાનોને વારાફરતી મીઠાઈ આપી રહ્યાં હતા અને તેમની સાથે હાથ મિલાવીને શુભેચ્છાઓ આપી રહ્યાં હતા.

વધુ વાંચો : કોણ છે અર્જુન રાજપૂત? જેણે પાકિસ્તાન સામે સદી ફટકારીને મચાવ્યો તહેલકો, ભાવુક કરી દેશે કહાની

પોલીસ વડાએ શું કહ્યું?

એક તરફ દેશની સરહદની મજબૂત સુરક્ષા છે અને બીજી તરફ દિવાળીની દિવ્ય રોશની છે. આખી રાત જાગીને દેશની રક્ષા કરતા જવાનો પોતાના પરિવારથી દૂર હોવા છતાં, દેશને જ પોતાનો પરિવાર માનીને ફરજ બજાવે છે. પોલીસ વડા દ્વારા જવાનોના ઉત્સાહમાં વધારો કરવાનો આ સરાહનીય પ્રયાસ સમગ્ર વાવ-થરાદ વિસ્તારમાં ચર્ચાનો વિષય બન્યો છે અને દેશભક્તિની ભાવનાને વધુ ઉજાગર કરી ગયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ