હોબાળો / બોટાદાના બંધ જીમમાં સંચાલક અને મહિલા વાંધાજનક હાલતમાં મળ્યાં, લવ જેહાદની આશંકાને પગલે ચકચાર

બોટાદના પાળીયાદ રોડ પર આવેલા આનંદધામ કોમ્પ્લેક્સ સ્થિત 'ધ ફિક્સ ફિટનેસ ઝોન' જીમમાં વિધર્મી સંચાલક અને એક મહિલા વાંધાજનક હાલતમાં મળી આવતાં મામલો ગરમાયો હતો. જીમ સંચાલક વસીમ પર હિન્દુ મહિલાઓને વિવિધ સ્કીમોની લાલચ આપી પ્રેમજાળમાં ફસાવવા અને રજાના દિવસે બંધ જીમમાં બોલાવી શોષણ કરવાનો ગંભીર આરોપ લાગ્યો છે.

વિહિપે જીમ સામે કર્યું પ્રદર્શન

ઘટનાની જાણ થતાં જ વિશ્વ હિન્દુ પરિષદ (VHP) ના હોદ્દેદારો ઘટનાસ્થળે પહોંચ્યા હતા અને જીમ સામે વિરોધ પ્રદર્શન કરી આરોપી સામે કડક કાર્યવાહીની માંગ કરી હતી. બોટાદ પોલીસને જાણ કરાતાં પોલીસ કાફલો સ્થળ પર દોડી ગયો હતો. તપાસ દરમિયાન જીમના સીસીટીવી કેમેરા બંધ અને પડદા ઢાંકેલા માલૂમ પડ્યા હતા. પોલીસે સંચાલક અને મહિલાને પોલીસ સ્ટેશને લઈ જઈ તપાસ શરૂ કરી છે.

વધુ વાંચો : વડોદરામાં બિઝનેસમેનની 15 વર્ષીય પુત્રીએ સ્કૂલેથી ઘરે આવી બિલ્ડીંગના પાંચમા માળેથી છલાંગ લગાવી

ઉગ્ર આંદોલનની VHPની ચેતવણી

VHP એ આરોપ લગાવ્યો છે કે બોટાદમાં વિધર્મીઓ દ્વારા ચલાવવામાં આવતા જીમમાં મહિલાઓને નિશાન બનાવવામાં આવી રહી છે. સંગઠને પોલીસ અને પ્રશાસનને અલ્ટીમેટમ આપતાં ચેતવણી આપી છે કે જો આગામી 10 દિવસમાં આરોપી સામે યોગ્ય કાનૂની કાર્યવાહી નહીં કરવામાં આવે તો હિંદુ દ્વારા ઉગ્ર આંદોલન કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ