બિઝનેસ / 3.25 ફિટમેન્ટ ફેક્ટરથી કેટલો વધશે તમારો પગાર? જાણો લેવલ વાઇઝ ગણતરી

કેન્દ્રીય સરકારી કર્મચારીઓ અને પેન્શનરો માટે 8મા પગાર પંચને લઈને ચર્ચા ચરમસીમાએ પહોંચી છે. ચંડીગઢ ખાતે 8મા કેન્દ્રીય પગાર પંચનો પ્રવાસ પૂર્ણ થયો છે, જ્યાં વિવિધ સરકારી સંસ્થાઓ અને કર્મચારી યુનિયનોએ પોતાના સુચનો અને માંગણીઓ રજૂ કરી હતી. આ બેઠકમાં સૌથી મોટો ચર્ચાનો વિષય 3.25 નો ફિટમેન્ટ ફેક્ટર રહ્યો છે. ચંડીગઢ બાદ હવે પગાર પંચની ટીમ આગામી 7 અને 8 ઓક્ટોબરે બેંગલુરુના પ્રવાસે જશે, જ્યાં તમામ હિતધારકો સાથે પગાર, ભથ્થાં અને પેન્શન અંગે વિસ્તૃત વાટાઘાટો થશે.

3.25 ફિટમેન્ટ ફેક્ટરની મજબૂત દાવેદારી

ચંડીગઢની બેઠકમાં નર્સીસ વેલ્ફેર એસોસિએશન (NWA) અને પોસ્ટ ગ્રેજ્યુએટ ઈન્સ્ટિટ્યૂટ ઓફ મેડિકલ એજ્યુકેશન એન્ડ રિસર્ચ (PGIMER) દ્વારા પોતાના પક્ષમાં રજૂઆતો કરાઈ હતી. PGIMER ના પ્રતિનિધિઓએ ભારપૂર્વક માંગ કરી છે કે 7મા પગાર પંચમાં જે ફિટમેન્ટ ફેક્ટર 2.57 હતું, તેને 8મા પગાર પંચમાં વધારીને 3.25 કરવામાં આવે. સતત વધતી મોંઘવારી, ઘરખર્ચ, શિક્ષણ અને હેલ્થકેરના ખર્ચને ધ્યાનમાં રાખીને આ વધારો સમયની માંગ છે.

જો 3.25 ફિટમેન્ટ ફેક્ટર મંજૂર થાય તો કેટલો વધશે પગાર?

લેવલ 10 એન્ટ્રી પે અને લશ્કરી ધોરણોની માંગ

નર્સીસ વેલ્ફેર એસોસિએશને નર્સિંગ ઓફિસરો માટે પ્રારંભિક લેવલ 10 પે-સ્કેલની માંગણી કરી છે. તેઓની દલીલ છે કે શૈક્ષણિક લાયકાત GNM થી વધારીને B.Sc નર્સિંગ કરવામાં આવી હોવાથી આ નિર્ણય વ્યાજબી છે. આ ઉપરાંત સ્વાસ્થ્ય અને પરિવાર કલ્યાણ મંત્રાલયની ભલામણો મુજબ નર્સિંગ ઓફિસરોને મિલિટ્રી નર્સિંગ સર્વિસ (MNS) ના સ્તર સમકક્ષ લાવવાનો પણ પ્રસ્તાવ મૂકાયો છે.

આ પણ વાંચોઃ ''સરકારી કર્મચારીને 3 મહિનાથી વધારે...'', હાઇકોર્ટનો સૌથી મોટો ચુકાદો

10 મહિનાથી વધુ સમયથી કામગીરી ચાલુ

8મા પગાર પંચની રચનાને 10 મહિનાથી વધુ સમય વિતી ચૂક્યો છે. આ સમયગાળા દરમિયાન પંચ પેનલે દેશના વિવિધ રાજ્યો અને કેન્દ્રશાસિત પ્રદેશો જેમ કે દિલ્હી, લદ્દાખ, પશ્ચિમ બંગાળ, ઓડિશા અને ઉત્તર પ્રદેશમાં સ્થાનિક પ્રતિનિધિઓ સાથે ચર્ચાઓ કરી છે. હવે બેંગલુરુ બેઠક બાદ પંચ પોતાનો આખરી અહેવાલ તૈયાર કરવાની દિશામાં આગળ વધશે.

(ડિસ્ક્લેમર: આ લેખ 8મા પગાર પંચ સમક્ષ રજૂ કરાયેલી માંગણીઓ અને સૂચિત 3.25 ફિટમેન્ટ ફેક્ટરના આધારે તૈયાર કરાયેલા સંભવિત નાણાકીય વિશ્લેષણ પર આધારિત છે.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ