મનોરંજન / આવી ગઇ ફિલ્મ ‘Golmaal 5’ ની રિલીઝ ડેટ, આ દિવસે દેખાશે સિનેમાઘરોમાં

'ગોલમાલ' ફ્રેન્ચાઇઝી અત્યંત લોકપ્રિય છે. અત્યાર સુધી તેના ચાર ભાગ રિલીઝ થયા છે અને તે તમામનું પ્રદર્શન સારું રહ્યું છે. ચાહકો પણ પાંચમા ભાગની આતુરતાથી રાહ જોઈ રહ્યા છે. આખરે, નિર્માતાઓએ આજે ​​શનિવારે 'ગોલમાલ 5'ની રિલીઝ તારીખ જાહેર કરી છે. આવો જાણીએ કે અજય દેવગન અભિનીત આ ફિલ્મ ક્યારે થિયેટરરમાં રિલીઝ થશે.

'ગોલમાલ 5' ની રિલીઝ ડેટ થઇ જાહેર

કોમેડી ફ્રેન્ચાઇઝી 'ગોલમાલ'નો પાંચમો ભાગ ફરી એકવાર મજા, હાસ્ય અને ધમાલ પીરસવા માટે તૈયાર છે. નિર્માતાઓએ શનિવારે 'ગોલમાલ 5'ની રિલીઝ તારીખની ઓફિશિયલ જાહેરાત કરી હતી. દિગ્દર્શક રોહિત શેટ્ટીએ તેમના ઇન્સ્ટાગ્રામ એકાઉન્ટ પર ફિલ્મનું ઓફિશિયલ પોસ્ટર શેર કરીને રિલીઝ તારીખ જાહેર કરી હતી.

View this post on Instagram

A post shared by Rohit Shetty (@itsrohitshetty)

પોસ્ટરમાં અરશદ વારસી, શ્રેયસ તલપડે, તુષાર કપૂર અને કુણાલ ખેમુને અજય દેવગન સાથે બાઇક પર મસ્તી કરતા જોઈ શકાય છે. તેના કેપ્શનમાં લખ્યું છે, "હાસ્ય, મજા, આનંદ અને પરિવાર... બસ આટલું જ, બીજું કંઈ નહીં. 8 જાન્યુઆરી, 2027." આનો અર્થ એ છે કે આ ફિલ્મ જાન્યુઆરી 2027માં રિલીઝ થવાની છે.

ફરી સાથે આવી રહી છે અજય દેવગન અને રોહિત શેટ્ટીની જોડી

અજય દેવગન અને રોહિત શેટ્ટી શરૂઆતથી જ 'ગોલમાલ' ફ્રેન્ચાઇઝીનો અભિન્ન હિસ્સો રહ્યા છે. અભિનેતા-દિગ્દર્શકની આ જોડી હવે આ સીરિઝની પાંચમી ફિલ્મ માટે પરત ફરી રહી છે. વર્તમાન અહેવાલો અનુસાર, આ ફ્રેન્ચાઇઝી સાથે સંકળાયેલા સ્ટાર્સ જેમ કે અરશદ વારસી, શ્રેયસ તલપડે, કુણાલ ખેમુ, શરમન જોશી અને તુષાર કપૂર કમબેક કરી રહ્યા છે.

આ પણ વાંચોઃ પીરિયડ્સ પર પુરુષોને લઇ આ શું કહી દીધું એક્ટ્રેસ શ્રુતિ હાસને? સોશિ. મીડિયામાં જાગી ચર્ચા

'ગોલમાલ' ફિલ્મોએ તેમના વિશાળ કલાકાર-સમૂહ, હાસ્યસ્પદ ગેરસમજો અને ઉત્તરોત્તર અંધાધૂંધીમાં પરિણમતી પરિસ્થિતિઓને કારણે પોતાની એક આગવી ઓળખ ઊભી કરી છે. એવી આશા છે કે નિર્માતાઓ પાંચમી કડીમાં આ ભરપૂર હાસ્યને જાળવી રાખશે અને સાથે સાથે પરત ફરતા પાત્રો માટે એક નવી વાર્તા પણ રજૂ કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ