મનોરંજન / બિગ બોસ 20 માં સલમાન ખાનનો આક્રોશ, સ્ટેજ પર જેકેટ અને હેટ ઉતારી ટ્રોલર્સને આપ્યો મુહતોડ જવાબ

લોકપ્રિય રિયાલિટી શો 'બિગ બોસ 20' નો બીજો 'વીકેન્ડ કા વાર' ભારે હાઇ-વોલ્ટેજ ડ્રામા અને ધમાકેદાર મોમેન્ટ્સથી ભરપૂર રહેવાનો છે. આ અઠવાડિયે શોના ઘરમાં કન્ટેસ્ટન્ટ્સ વચ્ચે ઉગ્ર બોલાચાલી, કડક નિયમોનું ઉલ્લંઘન અને નોમિનેશનમાં મોટા ટ્વિસ્ટ જોવા મળ્યા હતા. ઘરમાં સર્જાયેલા આ તણાવપૂર્ણ માહોલ વચ્ચે શોના હોસ્ટ અને બોલિવૂડ સુપરસ્ટાર સલમાન ખાને સ્ટેજ પર આવીને ઘરના સભ્યોની આકરી ક્લાસ લીધી હતી.

સ્કાઉટ અને આસિફ ખાનને સલમાનનો સણસણતો જવાબ

આ અઠવાડિયે કન્ટેસ્ટન્ટ સ્કાઉટ અને આસિફ ખાન શોના નિયમો અને મેકર્સના નિર્ણયો પર સતત ટીકાટિપ્પણી કરવાને કારણે વિવાદના કેન્દ્રમાં રહ્યા હતા. સામે આવેલા નવા પ્રોમોમાં સલમાન ખાનનો ગુસ્સો સાતમા આસમાને જોવા મળી રહ્યો છે. સલમાન ખાને સ્કાઉટને સીધો જ ખુલ્લો પડકાર ફેંકતા કહ્યું કે, તે પોતાની યૂટ્યુબ કમ્યુનિટીને કહી દે કે આવીને તેમને ટ્રોલ કરે. સલમાનના આ આકરા વલણે ઘરના અન્ય સભ્યોને પણ સ્તબ્ધ કરી દીધા હતા.

સ્ટેજ પર જેકેટ ઉતારીને ટ્રોલર્સની બોલતી બંધ કરી

પોતાની હેલ્થ, શરીર અને હેર ટ્રાન્સપ્લાન્ટને લઈને ચાલતી અફવાઓ પર વિરામ મૂકતાં સલમાને ખાસ બેબાક અંદાજ અપનાવ્યો હતો. પ્રોમોમાં સલમાન ખાને ટ્રોલ કરનારાઓને રોકડું પરખાવતા પોતાની હેટ અને કોટ-જેકેટ ઉતારી ફેંકી દીધા હતા. તેમણે સ્ટેજ પર પોતાની ટી-શર્ટ ખેંચીને ફિટનેસ બતાવી અને સ્પષ્ટ સંભળાવી દીધું કે, જેને ટ્રોલ કરવું હોય તે કરી લો.

આ પણ વાંચોઃ ''સરકારી કર્મચારીને 3 મહિનાથી વધારે...'', હાઇકોર્ટનો સૌથી મોટો ચુકાદો

સોશિયલ મીડિયા પર આ પ્રોમો વાયરલ

સલમાન ખાનના આ બોલ્ડ પગલાંથી તેમની તંદુરસ્તી અને હેર ટ્રાન્સપ્લાન્ટ અંગે ફેલાવવામાં આવતી તમામ ખોટી વાતો પર પૂર્ણવિરામ મુકાઈ ગયું છે અને સોશિયલ મીડિયા પર આ પ્રોમો વાયરલ થઈ રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ