ટેક / હવે યુટ્યુબથી યુટ્યુબ પર વીડિયો શેર કરી શકશો, જલદી જ આવશે ગજબનું ફિચર, જાણો તમને કેટલો ફાયદો થશે

યુટ્યુબ પોતાના કરોડો યુઝર્સ માટે એક અદ્ભુત અને સમય બચાવનાર ફીચર લઈને આવવાની તૈયારીમાં છે. અત્યાર સુધી યુઝર્સ પોતાના મિત્રોને કોઈ વીડિયો મોકલવા માટે થર્ડ-પાર્ટી એપ્લિકેશનોનો સહારો લેતા હતા, પરંતુ હવે આ ઝંઝટથી મુક્તિ મળશે. યુટ્યુબ ટૂંક સમયમાં એવું ફીચર લાવવાની તૈયારીમાં છે જેમાં યુઝર્સ સીધા એપ્લિકેશનની અંદર જ વીડિયો અને શૉર્ટ્સ શેર કરી શકશે. આ ફીચર યુટ્યુબ અનુભવને વધુ સરળ, ઝડપી અને આધુનિક બનાવશે.

ગૂગલ તરફથી મળતી માહિતી અનુસાર કંપની યુટ્યુબ એપ્લિકેશનમાં ડાયરેક્ટ મેસેજિંગ ફીચર પર કામ કરી રહી છે. એન્ડ્રોઇડ ઓથોરિટી દ્વારા આપવામાં આવેલી માહિતી મુજબ આ ફીચરના કારણે યુઝર્સ પોતાના મિત્રો સાથે વિડિઓઝ વોટ્સએપ કે મેસેન્જર દ્વારા મોકલવાના બદલે સીધા યુટ્યુબની અંદર જ મોકલી શકશે. આ સુવિધા યુટ્યુબ શૉર્ટ્સ, લાઇવ સ્ટ્રીમ્સ સહિતના તમામ પ્રકારના વિડિઓઝને સપોર્ટ કરે છે અને એપ્લિકેશનના ઉપયોગને વધુ ઈન્ટિગ્રેટેડ બનાવે છે.

આ ફીચર માત્ર વિડિઓ શેરિંગ સુધી સિમિત નથી, પરંતુ તેમાં ચેટિંગની સુવિધા પણ સામેલ કરવામાં આવી રહી છે. યુઝર્સ પોતપોતામાં લખાણ દ્વારા વાતચીત કરી શકશે અને આ સંપૂર્ણ અનુભવ બિલકુલ ઇન્સ્ટાગ્રામના ડાયરેક્ટ મેસેજિંગ જેવી સરળતા આપે છે. યુઝર્સને કોઇ વીડિયો વિશે ચર્ચા કરવી હોય અથવા કોઈ મજેદાર શૉર્ટ્સ મોકલવી હોય, ત્યારે હવે તેમને એક જ પ્લેટફોર્મ પર તમામ સુવિધાઓ મળશે.

હાલ મળેલી માહિતી પ્રમાણે યુટ્યુબ આ નવી સુવિધાને મુખ્યત્વે મોબાઇલ એપ્લિકેશનમાં પરીક્ષણ કરી રહ્યું છે. આશા રાખવામાં આવે છે કે ભવિષ્યમાં આ સુવિધા યુટ્યુબની વેબસાઇટ પર પણ ઉપલબ્ધ થશે, પરંતુ હાલમાં માત્ર મોબાઇલ એપ પર જ તેનો ટેસ્ટિંગ વર્ઝન જોવા મળે છે. પરીક્ષણ માટે પસંદ કરવામાં આવેલા યુઝર્સની ઉંમર 18 વર્ષથી વધુ હોવી આવશ્યક છે એટલે શક્ય છે કે આ સુવિધા માત્ર એડલ્ટ યુઝર્સ માટે જ શરૂ કરી શકાય.

ટેસ્ટિંગમાં સામેલ યુઝર્સ માટે એક અગત્યનું નિયમ લગાડવામાં આવ્યું છે — યુઝરને યુટ્યુબમાં લોગિન થયેલું હોવું જરૂરી છે. વિડિઓ શેરિંગ માટે યુઝર્સને પ્રથમ સંબંધિત વીડિયોના શેર બટન પર ટેપ કરવું પડશે, જેના પછી કનેક્ટેડ કોન્ટેક્ટ્સની યાદી દેખાશે. તેના પર ટેપ કરીને યુઝર સીધો વીડિયો શેર કરી શકે છે. આ પ્રોસેસને સરળ અને ઝડપી બનાવવા યુટ્યુબ ખાસ ધ્યાન આપી રહ્યું છે.

આ પણ વાંચો : નોકરી શોધનારા માટે ગુડ ન્યૂઝ, અમદાવાદમાં પડી ₹1.42 લાખ પગારની નોકરીની ભરતી, જાણો ડિટેલ્સ

આ સુવિધા શરૂ થયા પછી યુટ્યુબ યુઝર્સનો અનુભવ અગાઉ કરતા વધુ સુવ્યવસ્થિત અને ઇન્ટરેક્ટિવ બનશે. ખાસ કરીને તે લોકો માટે લાભદાયક બનશે જે વારંવાર મિત્રો સાથે વીડિયો શેર કરે છે. સોશિયલ મીડિયા પ્લેટફોર્મ્સ વચ્ચે કન્ટેન્ટને આગળ-પાછળ મોકલવાનું ઓછું થશે અને યુટ્યુબ વધુ ઇન્ટિગ્રેટેડ સોશ્યલ પ્લેટફોર્મ તરીકે વિકસશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ