ભરતી 2025 / નોકરી શોધનારા માટે ગુડ ન્યૂઝ, અમદાવાદમાં પડી ₹1.42 લાખ પગારની નોકરીની ભરતી, જાણો ડિટેલ્સ

AMC Job Recruitment 2025: અમદાવાદ મહાનગરપાલિકાએ હેલ્થ અને સોલીડ વેસ્ટ મેનેજમેન્ટ ડિપાર્ટમેન્ટમાં જુદી-જુદી પોસ્ટ પર ભરતી માટેની જાહેરાત કરી છે. ત્યારે અમદાવાદમાં સારા પગારવાળી નોકરીની શોધ કરી રહેલા યુવાનો માટે આ એક સોનેરી તક છે. AMCએ વિવિધ પોસ્ટ પર કુલ 18 જગ્યાઓ માટે ઓનલાઇન અરજી મંગાવી છે. લાયક ઉમેદવારોએ 3 ડિસેમ્બર પહેલા આ પોસ્ટ પર ઓનલાઇન અરજી કરવાની રહેશે.

અમદાવાદ મ્યુનિસિપલ કોર્પોરેશન (AMC)એ હેલ્થ અને સોલીડ વેસ્ટ મેનેજમેન્ટ ડિપાર્ટમેન્ટમાં સેનીટેશન સુપ્રિટેન્ડેન્ટ, સહાયક પબ્લિક હેલ્થ સુપરવાઈઝ, સહાયક સેનેટરી ઈન્સ્પેક્ટરની કુલ 18 જગ્યાઓ માટે ભરતીનું નોટિફિકેશન બહાર પાડ્યું છે. આ માટે જુદી-જુદી જગ્યાઓ પર અરજી કરવા માટે ઉમેદવારની ઉંમર 18થી 45 વર્ષની વચ્ચે હોવી જોઈએ અને અરજી કરવાની છેલ્લી તારીખ 3 ડિસેમ્બર 2025 છે.

AMCમાં ભરતીનું નોટિફિકેશન

માહિતી પ્રમાણે, AMCમાં સેનીટેશન સુપ્રિટેન્ડેન્ટની પોસ્ટ માટે 3 જગ્યા, સહાયક પબ્લિક હેલ્થ સુપરવાઈઝરની પોસ્ટ માટે 5 જગ્યા અને સહાયક સેનેટરી ઈન્સ્પેક્ટરની પોસ્ટ માટે 10 જગ્યા પર ભરતી કરવામાં આવશે.

શૈક્ષણિક લાયકાત અને વય મર્યાદા

• AMCમાં સેનીટેશન સુપ્રિટેન્ડેન્ટની પોસ્ટ માટે અરજી કરનાર ઉમેદવારની ઉંમર 18થી 45 વર્ષ વચ્ચે હોવી જોઈએ. ઉમેદવારે સેનેટરી ઈન્સ્પેક્ટરની પરીક્ષા પાસ કરેલી હોવી જોઈએ. સાથે જ ઉમેદવારને પબ્લિક હેલ્થ અંગેની કામગીરીનો પંદર વર્ષનો અનુભવ અથવા પબ્લિક હેલ્થ સુપરવાઈઝર તરીકે પાંચ વર્ષનો અનુભવ હોવો જોઈએ. ઉમેદવારને કોન્ઝરવન્સી વિભાગની વહીવટી વિભાગની કામગીરીની જાણકારી હોવી જોઈએ.
• સહાયક પબ્લિક હેલ્થ સુપરવાઈઝની પોસ્ટ માટે અરજી કરનાર ઉમેદવારની ઉંમર 18થી 43 વર્ષ વચ્ચે હોવી જોઈએ. ઉમેદવારે સેનેટરી ઈન્સ્પેક્ટરની પરીક્ષા પાસ કરેલી જોઈએ. આ સિવાય પબ્લિક હેલ્થ અંગેની કામગીરીનો 10 વર્ષનો અનુભવ/સેનેટરી ઈન્સ્પેક્ટરની પોસ્ટ પર પાંચ વર્ષનો અનુભવ હોવો જોઈએ.
• સહાયક સેનેટરી ઈન્સ્પેક્ટરની પોસ્ટ પર અરજી કરનાર ઉમેદવારની ઉંમર 18થી 38 વર્ષ વચ્ચે હોવી જોઈએ. ઉમેદવારે સેનેટરી ઈન્સ્પેક્ટર ડિપ્લોમા પરીક્ષા પાસ કરેલી હોવી જોઈએ. સાથે જ પબ્લિક હેલ્થ અંગેની કામગીરીનો પાંચ વર્ષનો અનુભવ હોવો જરૂરી છે.

પગાર ધોરણ

સેનીટેશન સુપ્રિટેન્ડેન્ટની પોસ્ટ પર પસંદગી પામેલા ઉમેદવારનો પગાર માસિક 44,900થી 1,42,400 રૂપિયા હશે. સહાયક પબ્લિક હેલ્થ સુપરવાઈઝનો પગાર માસિક 39,900થી 1,26,600 રૂપિયા હશે. અને સહાયક સેનેટરી ઈન્સ્પેક્ટરની પોસ્ટ પર પસંદગી પામેલા ઉમેદવારનો પગાર માસિક 29,200 રૂપિયાથી 92,300 રૂપિયા જશે.

આ પણ વાંચો: 8મા પગાર પંચ પહેલાં વધશે મોંઘવારી ભથ્થું, DAથી TA સુધી, જાણો શું મળશે ફાયદો

અરજી પ્રક્રિયા

• અરજી કરવા માટે સૌથી પહેલા અમદાવાદ મહાનગરપાલિકાની આધિકારિક વેબસાઇટ https://ahmedabadcity.gov.in/ પર જવું.
• અહીં Public Informationના સેક્શનમાં જઈને Recruitment & Results પર ક્લિક કરો.
• આ પછી જે-તે પોસ્ટ પર Apply પર ક્લિક કરો.
• પછી જે ફોર્મ ખૂલસે તેમાં બધી જ માંગેલી વિગતો ભરો ને જરૂરી ડોક્યુમેન્ટ્સ અપલોડ કરો.
• આ પછી ફાઈનલ સબમિટ કરીને પ્રિન્ટ કાઢી લો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ