ઓટો / 3.5 લાખ કિંમત, 32/KMની માઈલેજ- અચાનક વધ્યું આ કારનું વેચાણ

જ્યારે એન્ટ્રી-લેવલ નાની અને હેચબેક કારની વાત આવે છે ત્યારે મારુતિ સુઝુકીનું નામ પહેલા લેવાય છે. આ સેગમેન્ટમાં મારુતિનો પોર્ટફોલિયો સૌથી મોટી છે. જેમાં મે મહિનામાં ઘણી મારુતિ કારોએ સારું પર્ફોમ કર્યું હતું. આ સાથે દેશની સૌથી સસ્તી કારના વેચાણમાં અચાનક 254%નો ઉછાળો જોવા મળ્યો.

અમે મારુતિ S-Presso વિશે વાત કરી રહ્યા છીએ જેની શરૂઆતની કિંમત માત્ર 3.50 લાખ રૂપિયા છે જે દેશની સૌથી સસ્તી કાર છે. જેમાં મે મહિનામાં આ કંપનીએ આ નાની ફેમિલી કારના કુલ 6,388 યુનિટ વેચ્યા છે, જે ગયા વર્ષે મે મહિનામાં વેચાયેલા 1806 યુનિટની સરખામણીમાં 254% વધુ છે.

ગયા વર્ષે સપ્ટેમ્બરમાં લાગુ કરાયેલા નવા GST સુધારા બાદ, S-પ્રેસોએ બ્રાન્ડની Alto K10 ને પાછળ છોડી દેશની સૌથી સસ્તી કાર બની છે. S-Presso ની શરૂઆત 3.50 લાખ રૂપિયાથી થાય છે, જેનું ઓટોમેટિક વેરિઅન્ટ 4.75 લાખ રૂપિયાથી શરૂ થાય છે, અને CNG વેરિઅન્ટ 4.62 લાખ રૂપિયાથી શરૂ થાય છે.

• ફીચર્સ અને સ્પેસિફિકેશન

મારુતિ S-Presso 1.0-લિટર K-સિરીઝ પેટ્રોલ એન્જિન દ્વારા ચાલે છે જે 67 PS પાવર અને 89 Nm ટોર્ક પેદા કરે છે. તેમાં 7-ઇંચ ટચસ્ક્રીન ઇન્ફોટેનમેન્ટ સિસ્ટમ, એન્ડ્રોઇડ ઓટો, એપલ કારપ્લે અને ડિજિટલ ઇન્સ્ટ્રુમેન્ટ ક્લસ્ટર જેવી સુવિધાઓ સાથે આવે છે. આ નાની કારનું પેટ્રોલ વેરિઅન્ટ 24.76 kmpl સુધીનું માઇલેજ આપે છે અને CNG વેરિઅન્ટ 32.73 km/kg સુધીનું માઇલેજ આપે છે.

વધુ વાંચો : આ કાર ભારતમાં હંમેશા માટે બંધ, વધેલા સ્ટોક પર આવ્યું 4 લાખનું ડિસ્કાઉન્ટ

આ મારુતિ S-Presso ની લંબાઈ 3,565 mm, પહોળાઈ 1,520 mm અને વ્હીલબેઝ 2,380 mm છે. તે 180 મીમીનું ગ્રાઉન્ડ ક્લિયરન્સ આપે છે. આ કાર ડ્યુઅલ એરબેગ્સ, EBD સાથે ABS, રીઅર પાર્કિંગ સેન્સર, ESP અને હિલ હોલ્ડ આસિસ્ટ જેવી સેફટી સુવિધાઓ સાથે આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ