સ્પોર્ટ્સ / ફોન વાગતા જ નીતિશ કુમાર રેડ્ડીએ ઈન્ટરવ્યૂ રોકી દીધું, અને પછી...! જુઓ Video

ભારતે અફઘાનિસ્તાનને પ્રથમ વનડેમાં 7 વિકેટે હરાવીને ત્રણ મેચની સિરીઝમાં 1-0ની લીડ મેળવી હતી. વરસાદના કારણે 25-25 ઓવરની બનેલી આ મેચમાં શુભમન ગિલે 84 રનની શાનદાર ઇનિંગ્સ રમી હતી, જ્યારે નીતિશ કુમાર રેડ્ડીએ બોલિંગમાં 2 વિકેટ ઝડપી હતી. મેચ બાદ જ્યારે નીતિશ મીડિયા સાથે વાતચીત કરી રહ્યા હતા ત્યારે તેમની માતાનો ફોન આવ્યો. આ સમયે તેમણે ફોન કાપી નાખવાને બદલે પ્રેસ કોન્ફરન્સ થોડીવાર માટે રોકી અને માતા સાથે વાત કરી. તેમના આ નમ્ર સ્વભાવ અને માતા પ્રત્યેના સન્માનની સૌએ પ્રશંસા કરી છે.

નીતિશ રેડ્ડીએ ફોન પર પોતાની માતાને કહ્યું, "અંમ્મા, હું તમને પાંચ મિનિટ પછી ફરી ફોન કરું છું." ત્યારબાદ તેમણે ફરી પ્રેસ કોન્ફરન્સ શરૂ કરી અને પત્રકારોના પ્રશ્નોના જવાબ આપ્યા. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

મેચની વાત કરીએ તો અફઘાનિસ્તાને રહમાનુલ્લાહ ગુરબાઝની 102 રનની તોફાની સદીની મદદથી 195 રનનો લક્ષ્યાંક આપ્યો હતો. જોકે ભારતીય ટીમે શુભમન ગિલની અણનમ 84 રનની ઇનિંગ્સના આધારે 13 બોલ બાકી રાખીને મેચ જીતી લીધી હતી.

આ પણ વાંચોઃ 16000 રન…રોહિત શર્માએ પહેલા રચ્યો ઇતિહાસ, પછી છોડવુ પડ્યુ મેદાન

નીતિશ કુમાર રેડ્ડીનું આ સાદગીભર્યું વર્તન દર્શાવે છે કે ખેલાડીઓ માત્ર મેદાનમાં જ નહીં પરંતુ વ્યક્તિગત જીવનમાં પણ પોતાના સંસ્કારો અને પરિવાર પ્રત્યેના પ્રેમથી લોકોના દિલ જીતી લેતા હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ