ક્રિકેટ / આવતીકાલે ભારત-પાકિસ્તાન વચ્ચે કાંટે કી ટક્કર, અહીં ક્લિક કરીને જુઓ LIVE મેચ

ગયા વર્ષે ODI વર્લ્ડ કપ જીતીને ચેમ્પિયન બન્યા બાદ, ભારતીય મહિલા ક્રિકેટ ટીમ હવે ઈંગ્લેન્ડ અને વેલ્સમાં T20 ટાઇટલ જીતવાનું ઇરાદો રાખે છે. ટીમ 12 જૂનથી 5 જુલાઈ દરમિયાન યોજાનાર મહિલા T20 વર્લ્ડ કપ 2026 જીતીને ઇતિહાસ રચવા માંગે છે. બધાની નજર કેપ્ટન હરમનપ્રીત કૌર અને ઉપ-કેપ્ટન સ્મૃતિ મંધાના પર રહેશે.

ભારતીય ટીમ પાકિસ્તાન સામેની મેચથી પોતાના અભિયાનની શરૂઆત કરવા માટે તૈયાર છે. 14 જૂન, રવિવાર ક્રિકેટ ચાહકો માટે ખૂબ જ ખાસ દિવસ હશે, એક એવો પ્રસંગ જેની દરેક આતુરતાથી રાહ જોઈ રહ્યા છે. હરમનપ્રીત કૌરની ટીમ પાકિસ્તાનને હરાવીને વિશ્વ ચેમ્પિયન બનવા તરફ પ્રથમ પગલું ભરવાનું લક્ષ્ય રાખશે. આવો મહિલા T20 વર્લ્ડ કપ 2026 માટે ભારતના શેડ્યૂલ અને લાઇવ સ્ટ્રીમિંગ વિશે જાણીએ....

આ ટુર્નામેન્ટની 10માં એડિશનમાં કુલ 12 ટીમો ભાગ લઈ રહી છે. અગાઉની ટૂર્નામેન્ટમાં 10 ટીમો હતી. ટીમોને બે ગ્રુપમાં વહેંચવામાં આવી છે, દરેક ગ્રુપમાં છ ટીમો છે. ભારતીય મહિલા ક્રિકેટ ટીમ અત્યાર સુધીમાં પાંચ વખત મહિલા T20 વર્લ્ડ કપની સેમિફાઇનલમાં પહોંચી છે. ટીમ 2020 માં રનર્સ-અપ રહી હતી. ભારતને પાકિસ્તાન, ઓસ્ટ્રેલિયા, દક્ષિણ આફ્રિકા, બાંગ્લાદેશ અને નેધરલેન્ડ્સ સાથે ગ્રુપ 1 માં મૂકવામાં આવ્યું છે. ટીમ રવિવારે બર્મિંગહામમાં પાકિસ્તાન સામે તેના અભિયાનની શરૂઆત કરશે.

Women's #T20WorldCup 2026

Team India Schedule -

🏏 🇮🇳 India vs 🇵🇰 Pakistan
📅 14 June | 7:30 PM IST
📍 Edgbaston, Birmingham

🏏 🇮🇳 India vs 🇳🇱 Netherlands
📅 17 June | 7:30 PM IST
📍 Headingley, Leeds

🏏 🇮🇳 India vs 🇿🇦 South Africa
📅 21 June | 7:30 PM IST
📍 Old Trafford,… pic.twitter.com/pHEx9JjC70

— Infino Sports (@infinosports) June 12, 2026

ભારતનો મહિલા T20 વર્લ્ડ કપ 2026 શેડ્યૂલ (ભારતીય સમય)

• 14 જૂન, રવિવાર: ભારત વિરુદ્ધ પાકિસ્તાન (બર્મિંઘમ) – સાંજે 7:00 વાગે
• 17 જૂન, બુધવાર: ભારત વિરુદ્ધ નેધરલેન્ડ્સ (લીડ્સ) – સાંજે 7:00 વાગે
• 21 જૂન, રવિવાર: દક્ષિણ આફ્રિકા વિરુદ્ધ ભારત (માન્ચેસ્ટર) – સાંજે 7:00 વાગે
• 25 જૂન, ગુરુવાર: ભારત વિરુદ્ધ બાંગ્લાદેશ (માન્ચેસ્ટર) – સાંજે 7:00 વાગે
• 28 જૂન, રવિવાર: ઓસ્ટ્રેલિયા વિરુદ્ધ ભારત (લોર્ડ્સ, લંડન) – સાંજે 7:00 વાગે

24 દિવસમાં કુલ 33 મેચ સાત અલગ અલગ સ્થળોએ રમાશે. ટુર્નામેન્ટ ફોર્મેટ મુજબ, દરેક ટીમ તેના ગ્રુપની દરેક બીજી ટીમ સામે એક મેચ રમશે. ગ્રુપ સ્ટેજ પછી, દરેક ગ્રુપમાંથી ટોચની બે ટીમો સેમિફાઇનલમાં પહોંચશે. ગ્રુપ 1 ના વિજેતાનો મુકાબલો ગ્રુપ 2 ના રનર-અપ સાથે થશે, જ્યારે ગ્રુપ 2 ના વિજેતાનો મુકાબલો ગ્રુપ 1 ના રનર-અપ સાથે થશે.

𝐎𝐧𝐞 𝐝𝐫𝐞𝐚𝐦 𝐟𝐮𝐥𝐟𝐢𝐥𝐥𝐞𝐝. 𝐀𝐧𝐨𝐭𝐡𝐞𝐫 𝐚𝐰𝐚𝐢𝐭𝐬. 🏆

Having conquered the world on home soil, #TeamIndia now turns its focus to the next big prize - the T20 World Cup! 💪

ICC Women’s #T20WorldCup 2026 starts 12th June & #INDvPAK on SUN, 14th June! pic.twitter.com/oGutYCstZy

— Star Sports (@StarSportsIndia) June 13, 2026

સેમિફાઇનલ અને ફાઇનલ બંને લંડનમાં રમાશે. સેમિફાઇનલ ઓવલ ખાતે યોજાશે, જ્યારે ફાઇનલ ઐતિહાસિક લોર્ડ્સ ક્રિકેટ ગ્રાઉન્ડ પર રમાશે. ઓસ્ટ્રેલિયા મહિલા T20 વર્લ્ડ કપના ઇતિહાસમાં સૌથી સફળ ટીમ છે, જેણે છ વખત ટાઇટલ જીત્યું છે. ઇંગ્લેન્ડ, વેસ્ટ ઇન્ડીઝ અને ડિફેન્ડિંગ ચેમ્પિયન ન્યુઝીલેન્ડે પણ ટ્રોફી જીતી છે.

આ પણ વાંચોઃ એજબેસ્ટનમાં રંગારંગ ઓપનિંગ સેરેમની સાથે મહિલા ટી20 વર્લ્ડ કપ 2026 નો શંખનાદ

ભારતમાં મહિલા T20 વર્લ્ડ કપ 2026 લાઈવ ક્યાં જોશો

મહિલા T20 વર્લ્ડ કપ 2026 ની ક્રિકેટ મેચો JioHotstar પર લાઈવ સ્ટ્રીમિંગ દ્વારા જોઈ શકાય છે. સાથે જ આ મેચોનું સ્ટાર સ્પોર્ટ્સ 1, સ્ટાર સ્પોર્ટ્સ 1 HD, સ્ટાર સ્પોર્ટ્સ 2, સ્ટાર સ્પોર્ટ્સ 2 HD, સ્ટાર સ્પોર્ટ્સ 3 અને સ્ટાર સ્પોર્ટ્સ 3 HD જેવા ટીવી ચેનલો પર લાઈવ પ્રસારણ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ