ક્રાઈમ / સુરતમાં APK ફાઈલથી મોબાઈલ હેક કરી 6.31 લાખ ઉપાડી લીધાં, મોબાઈલમાં આવી ફાઈલ આવે તો ઓપન ન કરતાં

સુરતમાં APK ફાઈલ મોકલી 6 લાખની છેતરપિંડીનો કિસ્સો પ્રકાશમાં આવ્યો છે. મોબાઈલ હેક કર્યા બાદ બેંક એકાઉન્ટમાંથી ફરિયાદીની જાણ બહાર 8 જેટલા ટ્રાન્જેક્શન કરવામાં આવ્યાં હતા. સાયબર ક્રાઇમ સેલે ભેસ્તાનમાંથી આરોપી દીન મોહમદ શેખની ધરપકડ કરી છે. આરોપી ક્રેડિટ કાર્ડ બિલ સેટલમેન્ટના નામે 10% કમિશન લેતો હતો અને બાકીની રકમ સહઆરોપીને મોકલતો હતો.

પોલીસે શું કરી અપીલ?

પોલીસે લોકોને APK ફાઈલ ડાઉનલોડ ન કરવાની અપીલ કરી છે. સાયબર ફ્રોડનો ભોગ બન્યા હોય તો તાત્કાલિક 1930 પર ફરિયાદ કરવાની પણ અપીલ કરી છે.

વધુ વાંચો : ભચાઉમાં 200 ફૂટ ઊંચા વીજ ટાવર પર યુવકે ગળેફાંસો ખાધો, 3 કલાકની ભારે જહેમત બાદ લાશ નીચે ઉતારાઈ

પોલીસે કાયદેસરની કાર્યવાહી કરી

મોબાઈલમાં શંકાસ્પદ APK ફાઈલ મોકલીને તેના આધારે બેંક ખાતામાંથી મોટી રકમ ચોરી લેવાના આ સમગ્ર બનાવ અંગે પોલીસે કાયદેસરની કાર્યવાહી કરી છે. સુરત સાયબર ક્રાઈમ સેલે આરોપી સામે ગુનો નોંધી આગળની કાનૂની તપાસ હાથ ધરી છે. આ ઉપરાંત આ કૌભાંડમાં સંકળાયેલા અન્ય મુખ્ય સાયબર માફિયાઓ અને ગેંગના મૂળ સુધી પહોંચવા માટે પોલીસે ચક્રો ગતિમાન કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ