કવાયત / સૌથી ઉપર શ્રી હરિ અને નીચે હિન્દીમાં દવાઓના નામ...: મુસ્લિમ ડૉક્ટરની ચિઠ્ઠી થઈ વાયરલ

• મધ્યપ્રદેશના સાગરમાં એક ડૉક્ટરનું પ્રિસ્ક્રિપ્શન સોશિયલ મીડિયા પર વાયરલ 
• ડૉક્ટર ઓસફ અલી દર્દીઓના પ્રિસ્ક્રિપ્શન પર સૌથી પહેલા 'શ્રીહરિ' લખ્યું 
• દવાઓ, દર્દીના રોગ અને લક્ષણો બધું હિન્દીમાં જ લખ્યું 

મધ્યપ્રદેશના સાગરના એક મુસ્લિમ ડોક્ટરનું પ્રિસ્ક્રિપ્શન સોશિયલ મીડિયા પર ખૂબ વાયરલ થઈ રહ્યું છે. ડૉક્ટર ઓસફ અલી દર્દીઓના પ્રિસ્ક્રિપ્શન પર સૌથી પહેલા 'શ્રીહરિ' લખે છે. દવાઓ, દર્દીના રોગ અને લક્ષણો બધું હિન્દીમાં જ લખવું ગમે છે. ડૉ. ઓસફ અલી ડેન્ટલ સર્જન છે અને ખાનગીમાં પ્રેક્ટિસ કરે છે.

તાજેતરમાં હિન્દીમાં એમબીબીએસનો અભ્યાસ શરૂ કરવા સાથે સીએમ શિવરાજ સિંહ ચૌહાણે એક કાર્યક્રમમાં જાહેર મંચ પરથી ડોક્ટરોને અપીલ કરી હતી કે તમે પ્રિસ્ક્રિપ્શન પર RXને બદલે 'શ્રીહરિ' લખો અને પછી દવા. 

સીએમની અપીલથી ડો. ઓસફ અલીએ હિન્દીમાં ફોર્મ લખવાનું શરૂ કર્યું અને તેઓ શરૂઆતમાં 'શ્રીહરિ' લખી રહ્યા છે, જેમાં દર્દીની બીમારી અને સારવાર અને દવાઓની વિગતો છે. તેમની આ ચિઠ્ઠી સોશિયલ મીડિયા પર ખૂબ જ વાયરલ થઈ રહ્યું છે. લોકો ડૉ. ઓસાફના આ પગલાની જોરદાર પ્રશંસા કરી રહ્યા છે. ડૉ. ઓસફ અલીનું ક્લિનિક સાગરમાં રાહતગઢ બસ સ્ટેન્ડ પાસે છે. તેમની પત્ની પણ ડેન્ટલ સર્જન છે અને તેઓ સાથે મળીને સના ડેન્ટલ ક્લિનિક ચલાવે છે.

આ સાથે ડૉ. ઔસફ અલી કહે છે કે, ડૉક્ટરનું કામ પ્રિસ્ક્રિપ્શન લખવાનું અને રોગને દૂર કરવાનું છે. દવાની સાથે દર્દીને પ્રાર્થનાની પણ જરૂર હોય છે. હિન્દી એક બોલચાલની ભાષા છે, તે દરેક વ્યક્તિ સરળતાથી લખી અને વાંચી શકે છે. ડોક્ટરો પણ ઈચ્છે છે કે હિન્દીનો પ્રચાર થાય. દર્દી પણ તેનો રોગ સરળતાથી સમજી જાય છે.