હિટ વેવ / ગરમીમાં રાહતની આશા છોડી દેજો, હવામાન વિભાગે કરી ભૂકકા કાઢી નાખે તેવી આગાહી

રાજ્યમાં હાલ તો ગરમીથી રાહત મળવાના કોઇ અણસાર જણાતા નથી. બે દિવસ બાદ પણ ગરમીમાં માત્ર નજીવો ઘટાડો થશે, તાપમાન 40ની નીચે જવાની હાલ કોઇ સંભાવના નથી

બે દિવસ પછી બે થી ત્રણ ડિગ્રી જેટલો ગરમીમાં ઘટાડો થઇ શકે

રાજ્યમાં કાળઝાળ ગરમી પડી રહી છે. હવામાન વિભાગનું માનીએ તો હજુ બે દિવસ હિટ વેવ યથાવત રહેશે.. હવામાન વિભાગે જણાવ્યું છે કે રાજ્યમાં આગામી પાંચ દિવસ સુધી હવામાન સુકુ રહેશે.હજુ બે દિવસ ગરમી યથાવત રહેશે અને બે દિવસ પછી બે થી ત્રણ ડિગ્રી જેટલો ગરમીમાં ઘટાડો થઇ શકે છે. અમદાવાદમાં છેલ્લા 24 કલાકમાં મહત્તમ તાપમાન 44.4 ડિગ્રી નોંધાયું હતું જ્યારે ગાંધીનગરમાં 44.2 ડિગ્રી નોંધાયું હતું. દિવસના તો ઠીક રાત્રિના તાપમાનમાં પણ વધારો થયો છે.. જેથી લઘુત્તમ તાપમાન પણ ઉંચું ગયું છે.

કચ્છ, સુરેન્દ્રનગર અને બોટાદમાં પણ હિટવેવની આગાહી

આ ઉપરાંત બનાસકાંઠા, સાબરકાંઠામાં પણ હિટ વેવની આગાહી કરવામાં આવી છે. કચ્છ, સુરેન્દ્રનગર અને બોટાદમાં પણ હિટવેવની આગાહી છે. આમ રાજ્યમાં હાલ તો ગરમીથી રાહત મળવાના કોઇ અણસાર જણાતા નથી.

બે દિવસ બાદ પણ ગરમીમાં નજીવો ઘટાડો થવાની આગાહી છે.. પરંતુ જે રીતે આકાશમાંથી અગનવર્ષા થઇ રહી છે , તે જોતા બે-ત્રણ ડિગ્રીનો ઘટાડો હાલ ખાસ કોઇ રાહત આપી શકે તેમ જણાતું નથી.

ગરમીથી બચવા એટલું અવશ્ય કરો

તરસ ન લાગે તો પણ જ્યારે પણ શક્ય હોય ત્યારે પૂરતું પાણી પીવા જોઈએ. આ સાથે, નાગરિકોને ઓરલ રીહાઇડ્રેશન સોલ્યુશન (ઓઆરએસ)નો ઉપયોગ કરવું અને લીંબુ શરબત, છાશ / લસ્સી, ફળોના રસ સાથે મિશ્રિત થોડું મીઠું જેવા ઘરે બનાવેલા પીણાં પીવા જોઈએ. પાતળા, ઢીલા, સુતરાઉ કપડાં, આછા રંગના કપડાં પહેરવાની અને સીધા સૂર્યપ્રકાશના સંપર્કમાં આવે ત્યારે છત્રીઓ, ટોપીઓ ટુવાલ અને અન્ય પરંપરાગત માથાના આવરણનો ઉપયોગ કરવું. હવામાનના સમાચારો માટે ટીવી જોતા રહેવું.

આ પણ વાંચોઃ ગુજરાતમાં હજુય 3 દિવસ રહેશે અગનવર્ષા, સાથે અપાઇ હીટવેવની ચેતવણી, જાણો તાપમાનમાં ઘટાડો ક્યારે?

આ રીતે કરો 'હીટવેવ'થી પોતાનો બચાવ

1. ભીષણ ગરમી દરમિયાન વધુ પડતા પ્રોટીન યુક્ત ખોરાક ખાવાનું અને રાંધવાનું ટાળવું જોઈએ.
2. ગરમીમાં ખાસ કરીને બપોરે 12 થી 3 વાગ્યા વચ્ચે ઘરેથી બહાર જવાનું ટાળો.
3. ભલે તમને તરસ ન લાગી હો તો પણ પર્યાપ્ત માત્રામાં પાણી પીવાનું ભૂલશો નહીં.

4 ગરમીમાં ડિહાઈડ્રેશનથી બચવા માટે લીંબુ પાણી, દહી, લસ્સી, છાસ સાથે-સાથે ફળોના જ્યૂસ પ

1. તાજા ફળો જેમ કે કાકડી, તરબૂચ, લીંબુ, નારંગીનું સેવન કરો.
2. હળવા રંગના પાતળા અને ઢીલા સુતરાઉ કપડાં પહેરો.
3. બહાર ખુલ્લા પગે જવાનું ટાળો. બહાર જતી વખતે કે ખુલ્લા તડકામાં જતી વખતે છત્રી, ટોપી, ટુવાલ અથવા કોઈપણ વસ્તુથી તમારા માથાને ઢાંકવાનું રાખો.
4. હીટ સ્ટ્રેસના લક્ષણો પર વિશેષ ધ્યાન આપો, જેમ કે ચક્કર, બેભાન, ઉબકા કે ઉલટી, માથાનો દુખાવો, વધુ પડતી તરસ લાગવી, એકદમ પીળો પેશાબ, પેશાબ ઓછો થવો, શ્વાસ લેવાની ગતિ અને હ્રદયમાં ધબકારા વધવા.
5. બાળકો અને પાલતુ પ્રાણીઓને કારમાં એકલા છોડવાથી બચો, કારણ કે વાહનની અંદરનું તાપમાન વધી શકે છે જેનાથી ખતરનાક સ્થિતિ ઉત્પન્ન થવાની સંભાવના વધી શકે છે.
6. તડકામાં જતા પહેલા સનસ્ક્રીનનો ઉપયોગ કરવાનું રાખો અને નિયમિતપણે તેન લગાવતા રહો.