ક્રિકેટ / ભારતીય ટીમ T20 વર્લ્ડ કપ માટે રવાના પણ નતાશાથી છૂટાછેડાના અહેવાલો વચ્ચે હાર્દિક પંડ્યા રહ્યો ગાયબ!

મુંબઈ ઈન્ડિયન્સના કેપ્ટન અને ભારતીય ટીમના વાઇસ કેપ્ટન હાર્દિક પંડ્યાની મુશ્કેલીઓનો અંત નથી આવી રહ્યો. ભારતીય ઓલરાઉન્ડરની ઈન્ડિયન પ્રીમિયર લીગ 2024ની સીઝન ખૂબ જ ખરાબ રહી હતી. રોહિત શર્માના સ્થાને મુંબઈ ઈન્ડિયન્સની કપ્તાની સંભાળ્યા બાદ તેને સતત ટીકાનો સામનો કરવો પડ્યો હતો. સાથે જ મેદાન પર હાર્દિકનું પ્રદર્શન પણ અપેક્ષાઓથી ઓછું હતું.

હવે ક્રિકેટર T20 વર્લ્ડ કપ 2024ના અભિયાનની તૈયારી કરી રહ્યો છે, ત્યારે તે યુએસએ અને વેસ્ટ ઈન્ડિઝમાં રમનારી મેચ માટે રવાના થયેલા ખેલાડીઓની પ્રથમ બેચમાં સામેલ થઈ શક્યો નથી. કેપ્ટન રોહિતની આગેવાનીમાં ભારતીય ક્રિકેટરો શોપીસ ઇવેન્ટ માટે યુએસએ અને વેસ્ટ ઇન્ડીઝ જવા માટે એરપોર્ટ પર જોવા મળ્યા હતા. જેમાં રોહિત શર્મા, શિવમ દુબે, રવિન્દ્ર જાડેજા, કુલદીપ યાદવ અને ઋષભ પંત એવા ખેલાડીઓમાં સામેલ હતા પરંતુ હાર્દિક જોવા મળ્યો નહોતો.

છૂટાછેડાના અહેવાલો વચ્ચે હાર્દિક પંડ્યા રહ્યો ગાયબ!

BCCI દ્વારા સોશિયલ મીડિયા પર શેર કરવામાં આવેલી તસવીરોમાં હાર્દિકના મુંબઈ ઈન્ડિયન્સના સાથી સૂર્યકુમાર યાદવ સાથે અક્ષર પટેલ, અર્શદીપ સિંહ અને મોહમ્મદ સિરાજ પણ જોઈ શકાય છે, પરંતુ MI કેપ્ટન ક્યાંય દેખાતા ન હતા. BCCI એ એવા ખેલાડીઓની પ્રથમ બેચ મોકલવાનો નિર્ણય લીધો કે જેઓ IPL 2024 ના પ્લેઓફમાં સામેલ નહતા થયા. ટેક્નિકલ રીતે હાર્દિક આ જૂથનો ભાગ હોવો જોઈતો હતો, પરંતુ તે ત્યાં નહોતો. સોશિયલ મીડિયા પરના ચાહકો આશ્ચર્ય પામી રહ્યા છે કે શું હાર્દિકની વિદાયની પ્રથમ બેચમાં ગેરહાજરીને તેના અંગત જીવન વિશેની અફવાઓ સાથે કોઈ લેવાદેવા છે.

હવે એ તો જાણીતું જ છે કે હાર્દિક પંડ્યા-નતાશા સ્ટેનકોવિક છૂટાછેડાની અફવાઓ એવી અટકળો છે કે કપલ વચ્ચે બધુ બરાબર નથી. અટકળો ત્યારે શરૂ થઈ જ્યારે નતાશાએ તેના ઈન્સ્ટાગ્રામ હેન્ડલ પરથી 'પંડ્યા' સરનેમ હટાવી દીધી. નતાશા અને હાર્દિક અલગ થઈ ગયા પોસ્ટ વાયરલ થયા બાદ લોકોએ IPL 2024ની મેચોમાં તેની ગેરહાજરી પર સવાલ ઉઠાવ્યા હતા. સોશિયલ મીડિયા પર ઘણી બધી અફવાઓ ચાલી રહી છે, પરંતુ હજુ સુધી હાર્દિક કે નતાશા તરફથી કોઈ સત્તાવાર નિવેદન આવ્યું નથી.

વધુ વાંચો: ફાઈનલ મેચમાં વિજેતા ટીમને મળશે કરોડો રૂપિયાની પ્રાઈસ મની, હારનારી ટીમ પર પણ થશે રૂપિયાનો વરસાદ

સાથે જ નતાશાના ઇન્સ્ટાગ્રામ પેજ પર હજુ પણ હાર્દિકના પરિવાર સાથે તેની અને હાર્દિકની તસવીરો છે. પરિણામે નતાશાએ હાર્દિક સાથેની તમામ તસવીરો ડિલીટ કરી હોવાના અહેવાલો સાચા નથી.