ક્રિકેટ / IPL 2024 પછી બ્રેક પર વિરાટ કોહલી, નહીં રમે T20 વર્લ્ડ કપની પ્રેક્ટિસ મેચ!

ICC T20 વર્લ્ડ કપ 2024 માટે ભારતીય ટીમનો પ્રથમ બેચ 25 મેની રાત્રે અમેરિકા જવા રવાના થયો હતો. કેપ્ટન રોહિત શર્માની સાથે જસપ્રિત બુમરાહ, ઋષભ પંત, મોહમ્મદ સિરાજ, સૂર્યકુમાર યાદવ અને શિવમ દુબે સહિત ઘણા ખેલાડીઓ અમેરિકા માટે રવાના થયા છે, પરંતુ સ્ટાર ક્રિકેટર વિરાટ કોહલી, વાઇસ કેપ્ટન હાર્દિક પંડ્યા અને સંજુ સેમસન હજુ સુધી અમેરિકા ગયા નથી.

ICC T20 વર્લ્ડ કપ 2024ની શરૂઆત પહેલા ભારતીય ક્રિકેટ ટીમે બાંગ્લાદેશ સામે એક વોર્મ-અપ મેચ રમવાની છે અને વિરાટ કોહલી તેનો ભાગ નહીં હોય. IPL 2024માં જોરદાર ફોર્મમાં જોવા મળતા વિરાટે થોડો બ્રેક લીધો છે અને તે 5 જૂને આયર્લેન્ડ સામે ભારતીય ટીમ માટે T20 વર્લ્ડ કપની પ્રથમ મેચ રમતા જોવા મળી શકે છે.

રાજસ્થાન રોયલ્સનો કેપ્ટન સંજુ સેમસન પણ ICC T20વર્લ્ડ કપ2024 માટે ભારતીય ટીમનો ભાગ છે. તેણે પહેલાથી જ ભારતીય ક્રિકેટ કંટ્રોલ બોર્ડ (BCCI)ને જાણ કરી દીધી હતી કે તે દુબઈમાં કોઈ અંગત કામના કારણે થોડા સમય પછી અમેરિકા જવા રવાના થશે. રિપોર્ટ અનુસાર કોહલીએ અમને ઘણા સમય પહેલા જાણ કરી હતી કે તે ટીમ સાથે થોડો મોડો જોડાશે. તેથી બીસીસીઆઈએ તેની વિઝા એપોઈન્ટમેન્ટ પછીની તારીખ માટે રાખી હતી. વિરાટ કોહલી 30મી મેના વહેલી સવારે અમેરિકા જવા રવાના થશે. બીસીસીઆઈએ તેની વિનંતી સ્વીકારી હતી.

વધુ વાંચો: KKR Vs SRH: જો ફાઈનલ મેચ વરસાદને કારણે રદ્દ થાય તો કઈ ટીમ વિજેતા બનશે? જાણો નિયમ

રોહિત શર્મા, જસપ્રિત બુમરાહ, રવિન્દ્ર જાડેજા, શિવમ દુબે, કુલદીપ યાદવ, શુભમન ગિલ, મોહમ્મદ સિરાજ, અક્ષર પટેલ, સૂર્યકુમાર યાદવ, ઋષભ પંત અને ટીમ ઈન્ડિયાનો સપોર્ટ સ્ટાફ 25મી મેની રાત્રે અમેરિકા જવા રવાના થઈ ગયો છે. ભારતીય ટીમ ICC T20 વર્લ્ડ કપ 2024ના ગ્રુપ Aમાં છે. ભારતની સાથે પાકિસ્તાન, આયર્લેન્ડ, યજમાન અમેરિકા અને કેનેડા આ ગ્રુપમાં છે. ટીમ ઈન્ડિયાએ 9 જૂને પાકિસ્તાન સામે મેચ રમવાની છે, જે ન્યૂયોર્કમાં રમાશે.