OMG / 3 વર્ષથી હાથ ધોઇને આ શખ્સની પાછળ પડ્યા છે કાગડા, કારણ રસપ્રદ

આસપાસના લોકો માટે મનોરંજન 

જો કે, સ્થાનિકો માટે આ ઘટના મનોરંજનનું માધ્યમ બની છે. શિવ કેવટની આસપાસ રહેતા લોકો પોતાના ઘરની છત પર ચઢીને તેની રાહ જોઇ રહ્યા હોય છે જેથી કાગડાઓ શિવ પર હુમલો કરે અને લોકો તે જોઇ શકે. 

3 વર્ષથી કાગડાનું ટોળું લઇ રહ્યું છે બદલો

આ ઘટના અંગે શિવ કહે છે કે, ત્રણ વર્ષ પહેલા કાગડાનું એક બચ્ચુ લોખંડના તારમાં અટવાઈ ગયુ હતું. મેં તેને બચાવવાના પ્રયાસ કર્યા પરંતુ તે મારા હાથમાં જ મરી ગયુ. જોકે, કાગડાઓને એવુ લાગે છે કે, મેં જ તેમના બચ્ચાને મારી નાંખ્યુ હતુ. જેના કારણે હવે હું ઘરની બહાર નિકળુ છું અને કાગડાઓ મને ચાંચ મારવા દોડી આવે છે. 3 વર્ષથી આ સિલસિલો ચાલુ હોવાથી બહાર નીકળતી વખતે મારે જોડે એક લાકડી રાખવી પડે છે.

કાગડા નિભાવી રહ્યા છે દુશ્મની

કાગડા દ્વારા વારંવાર કરવામાં આવેલ કેવટ પર હુમલાને પગલે તેના શરીર પર ઠેર ઠેર કાગડાઓએ મારેલી ચાંચના નિશાન પણ પડી ગયા છે. શિવ કહે છે કે, કાગડાઓ અચાનક હુમલો કરી બેસે છે. મારા માથા પર પણ ઈજાઓ થઈ છે. શરૂઆતમાં તો કાગડા ચાંચ મારતા હતા ત્યારે હું તેના પર બહુ ધ્યાન આપતો નહોતો પરંતુ ધીરે ધીરે મને ખબર પડી કે, કાગડા ખાલી મને જ નિશાન બનાવી રહ્યા છે. આ હુમલા એવી રીતે થાય છે કે, જાણે કોઇ ફિલ્મમાં વિમાન દ્વારા અટેક થતો હોય. 

કાગડો બદલાની ભાવના રાખે છે

નોંધનીય છે કે, ભોપાલની બરકતુલ્લા યુનિવર્સિટીમાં જીનેટિક્સ વિષય ભણાવતા અશોક કુમાર મુંજલ કહે છે કે, કાગડાઓ અન્ય પક્ષીઓ કરતા વધુ બુદ્ધિશાળી હોય છે. તેઓ બદલાની ભાવના રાખે છે અને તે લોકોને યાદ રાખીને તેમની કનડગત કરનારને સમય આવ્યે નિશાન પણ બનાવે છે.