ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / Technology / Samsungના ફોન-ટેબલેટ ખરીદનારા સાવધાન! સપ્ટેમ્બરથી ભાવ વધવાની શક્યતા, મેમરી ચિપના વધતા ભાવની અસર
6 ફોટો ગેલેરી
Last Updated: 07:26 PM, 24 August 2026
FOLLOW ON
શેર કરો
1/6
સેમસંગના ફોન ખરીદનારા ગ્રાહકો માટે આવનારો મહિનો થોડો ભારે પડી શકે છે. રિપોર્ટ્સ અનુસાર કંપની ભારતમાં સપ્ટેમ્બરથી પોતાના અનેક સ્માર્ટફોનની કિંમત વધારવાની તૈયારી કરી રહી છે. આ વખતે માત્ર સસ્તા ફોન જ નહીં પણ પ્રીમિયમ અને ફોલ્ડેબલ મોડલ પણ મોંઘા થઈ શકે છે. નવી કિંમતો સપ્ટેમ્બરના પહેલા અઠવાડિયાથી લાગુ થવાની શક્યતા છે, જોકે કંપનીએ હજુ સુધી કોઈ ઓફીશીયલ જાહેરાત કરી નથી.
આ તસવીર શેર કરો
2/6
તાજેતરમાં લોન્ચ થયેલા Galaxy Z Fold8 Ultra, Galaxy Z Fold8 અને Galaxy Z Flip8ની કિંમતમાં નોંધપાત્ર વધારાની ચર્ચા છે. આ ફોનની વર્તમાન કિંમત આશરે 1.25 લાખથી 2.60 લાખ રૂપિયા વચ્ચે છે. મીડિયા રિપોર્ટ્સ મુજબ આ ફોલ્ડેબલ મોડલની કિંમતમાં 8થી 20 ટકા સુધીનો વધારો થઈ શકે છે. જો આવું થાય તો કેટલાક મોડલ ખરીદવા માટે ગ્રાહકોએ નોંધપાત્ર વધુ રકમ ખર્ચવી પડી શકે છે. સાથે જ Galaxy A અને M સિરીઝ જેવા બજેટ અને મિડ-રેન્જ ફોન પણ મોંઘા થવાની શક્યતા છે. એટલે કે કંપનીના સસ્તા ફોનથી લઈને મોંઘા ફોલ્ડેબલ સુધી ઘણા ડીવાઈઝની કિંમત બદલાઈ શકે છે.
આ તસવીર શેર કરો
3/6
કિંમત વધારાની પાછળ સૌથી મોટું કારણ સ્માર્ટફોનમાં વપરાતી મેમરી ચિપની વધતી કિંમત માનવામાં આવી રહ્યું છે. તે સિવાય ડોલર સામે રૂપિયાની કમજોરીએ પણ કંપનીઓની કિંમત વધારી છે. સેમસંગ પોતે મેમરી ચિપ બનાવતી મોટી કંપનીઓમાંની એક છે છતાં વધતી કિંમતનો અસર તેના પર પણ પડ્યો છે. અત્યાર સુધી કંપનીએ વધેલી કિંમતનો થોડો ભાગ પોતે ઉપાડવાનો પ્રયાસ કર્યો છે, પણ હવે આ દબાણનો અમુક હિસ્સો ગ્રાહકો પર પણ પડી શકે છે.
આ તસવીર શેર કરો
4/6
સેમસંગની કિંમત વધારાની ચર્ચા એવા સમયે આવી છે જ્યારે બજેટ સ્માર્ટફોનનું બજાર પહેલેથી જ દબાણ હેઠળ છે. રિપોર્ટ્સ અનુસાર ભારતમાં 15 હજાર રૂપિયાથી ઓછી કિંમતવાળા ફોનની માર્કેટ શેર ઝડપથી ઘટી રહી છે. બીજી કંપનીઓ પણ કિંમત વધારી ચૂકી છે. OnePlusએ છેલ્લા અમુક મહિનામાં અનેક વાર પોતાના ફોન મોંઘા કર્યા છે અને OPPOએ પણ કેટલીક સિરીઝની કિંમતમાં ફેરફાર કર્યા છે.
આ તસવીર શેર કરો
5/6
એક તરફ સસ્તા ફોનની વેચાણ પર દબાણ છે, તો બીજી તરફ પ્રીમિયમ સ્માર્ટફોનની માંગ સારી રહી છે. સેમસંગના નવા ફોલ્ડેબલ ફોનની લોન્ચિંગ પછી માત્ર 75 કલાકમાં આશરે 2.71 લાખ યુનિટની પ્રી-બુકિંગ થઈ હતી. જેમાં ગ્રાહકો હવે ઓછા ફોન ખરીદવાને બદલે વધુ સારા અને મોંઘા મોડલ પર વધુ પૈસા ખર્ચી રહ્યા છે. તેથી જ કુલ વેચાણ ઘટવા છતાં સ્માર્ટફોનની સરેરાશ કિંમત વધી રહી છે.
આ તસવીર શેર કરો
6/6
સપ્ટેમ્બર બાદ ભારતમાં ફેસ્ટિવ સીઝન શરૂ થશે. સામાન્ય રીતે આ સમયે કંપનીઓ મોટા ડિસ્કાઉન્ટ અને ઓફર આપે છે. પણ જો મેમરી ચિપ અને બીજા કોમ્પોનન્ટની કિંમત ઊંચી રહે તો આ વર્ષે વધુ છૂટ આપવાની ગુંજાઇશ ઓછી રહી શકે છે. હાલમાં સેમસંગે નવી કિંમતોની ઓફિશિયલ પુષ્ટિ કરી નથી. તેથી સપ્ટેમ્બરમાં કેટલો વધારો થશે તેની સ્પષ્ટ માહિતી કંપનીની જાહેરાત પછી જ જાણવા મળશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
