બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / 1 ઓગસ્ટથી બદલાઈ જશે આ 6 મોટા નિયમો, LPGથી લઈને ક્રેડિટ કાર્ડ અને તત્કાલ ટિકિટના નિયમો બદલાયા
11 ફોટો ગેલેરી
Last Updated: 12:20 AM, 1 August 2026
FOLLOW ON
શેર કરો
1/11
જુલાઈ મહિનાના અંત સાથે જ 1 ઓગસ્ટ 2026 થી દેશભરમાં 10 મહત્વપૂર્ણ નિયમોમાં મોટો ફેરફાર થવા જઈ રહ્યો છે. રસોડાના બજેટથી લઈને ટ્રેનની મુસાફરી, બેંકિંગ સુવિધાઓ અને દૈનિક ઉપયોગની વસ્તુઓની કિંમતો પર આ ફેરફારોની સીધી અસર જોવા મળશે.
આ તસવીર શેર કરો
2/11
દર મહિનાની પહેલી તારીખે ઓઈલ માર્કેટિંગ કંપનીઓ એલપીજી સિલિન્ડરના નવા ભાવ જારી કરે છે. 1 ઓગસ્ટે 19 કિલોના કોમર્શિયલ સિલિન્ડર અને 14 કિલોના રસોઈ ગેસ સિલિન્ડરના નવા દરો સામે આવશે.
આ તસવીર શેર કરો
3/11
ઓઈલ કંપનીઓ દર મહિનાની શરૂઆતમાં એર ટર્બાઈન ફ્યુઅલ (ATF) ના નવા ભાવ જાહેર કરે છે. એટીએફના દરો બદલાવાથી એરલાઈન્સના ઓપરેશનલ કોસ્ટ પર અસર પડે છે, જેનાથી હવાઈ મુસાફરી મોંઘી કે સસ્તી થઈ શકે છે.
આ તસવીર શેર કરો
4/11
ભારતીય રેલ્વે સ્ટેશનના રિઝર્વેશન કાઉન્ટર પર ભીડ ઘટાડવા તત્કાલ ટિકિટ નિયમમાં ફેરફાર કરી રહી છે. હવે ટોકન આપવાનો સમય તત્કાલ બુકિંગ શરૂ થવાના સમયની સાથે જ રહેશે, જેથી મુસાફરોએ અલગ-અલગ સમયે કાઉન્ટર પર ધક્કા નહીં ખાવા પડે.
આ તસવીર શેર કરો
5/11
બેંકિંગ સેવાઓ પરના ચાર્જિસ બદલાઈ રહ્યા છે. ઉજ્જીવન સ્મોલ ફાઈનાન્સ બેંક પોતાના ગ્રાહકો માટે એસએમએસ એલર્ટ ચાર્જ બદલી રહી છે, જેમાં માસિક મર્યાદા સાથે પ્રતિ SMS 30 પૈસાનો ચાર્જ લાગુ થશે.
આ તસવીર શેર કરો
6/11
તહેવારોની સીઝન પહેલાં વિવિધ ક્ષેત્રોમાં ભાવવધારો જોવા મળી શકે છે. FMCG પ્રોડક્ટ્સ જેવી કે ચા, હેર ઓઈલ અને સાબુના ભાવ 6% થી 8% વધી શકે છે. ટીવી, ફ્રિજ અને વોશિંગ મશીન જેવા ઈલેક્ટ્રોનિક્સ ઉત્પાદનો 4% થી 6% મોંઘા થઈ શકે છે. તેમજ ઓટોમોબાઈલ કંપનીઓ પણ કારની કિંમતો વધારી શકે છે.
આ તસવીર શેર કરો
7/11
આવકવેરા રિટર્ન (ITR) ફાઈલ કરવાની છેલ્લી તારીખ 31 જુલાઈ પૂરી થઈ ગઈ છે. 1 ઓગસ્ટથી લેટ આઈટીઆર (બીલેટેડ રિટર્ન) ભરવા પર કરદાતાઓને આવકના હિસાબે ₹1,000 થી લઈને ₹5,000 સુધીનો દંડ ચૂકવવો પડશે.
આ તસવીર શેર કરો
8/11
બેંકો ક્રેડિટ કાર્ડના રિવોર્ડ પોઈન્ટ્સ અને એન્યુઅલ મેન્ટેનન્સ ચાર્જિસમાં સુધારો કરી રહી છે. આ ઉપરાંત, રિઝર્વ બેંક ઓફ ઈન્ડિયા (RBI) ના નવા નિર્દેશો અનુસાર, ચક્રવૃદ્ધિ ફાઈનાન્સ ચાર્જની ગણતરી કરતી વખતે લેટ પેનલ્ટી કે અન્ય ચાર્જિસ ઉમેરી શકાશે નહીં, જેથી બિલિંગમાં વધુ પારદર્શિતા આવશે.
આ તસવીર શેર કરો
9/11
બેંકિંગ, વીમા અને મ્યુચ્યુઅલ ફંડ ક્ષેત્રમાં એડવાન્સ્ડ સેન્ટ્રલ કેવાયસી (CKYC 2.0) લાગુ થઈ રહ્યું છે. ગ્રાહકની ડિજિટલ મંજૂરી બાદ સેન્ટ્રલ ડેટાબેઝ દ્વારા વેરિફાઈડ વિગતો મેળવી શકાશે, જેથી ગ્રાહકે દર વખતે બેંક ખાતું ખોલાવતી વખતે કે પોલિસી લેતી વખતે નવા કાગળો જમા કરાવવા નહીં પડે.
આ તસવીર શેર કરો
10/11
વેપારીઓ માટે ઈ-ઈનવોઈસ અને ઈ-વે બિલ સિસ્ટમ વધુ પારદર્શક બનાવવામાં આવી છે. બિલ-ટુ-શિપ-ટુ ટ્રાન્ઝેક્શનમાં શિપ-ટુ GSTIN આપવું ફરજિયાત બનશે. આ સાથે વેપારીઓ ઈચ્છે તો ઈ-વે બિલ સ્વેચ્છાએ બંધ પણ કરી શકશે.
આ તસવીર શેર કરો
11/11
ઓગસ્ટ મહિનામાં રક્ષાબંધન, સ્વતંત્રતા દિવસ, ઈદ-એ-મિલાદ જેવા તહેવારો અને સ્થાનિક રજાઓના કારણે વિવિધ રાજ્યોમાં બેંકો બંધ રહેશે. તેથી બેંકના કામકાજ માટે બહાર નીકળતા પહેલાં RBI ની બેંક હોલિડે લિસ્ટ ચકાસવી સલાહભર્યું છે. ઓનલાઈન બેંકિંગ સેવાઓ યથાવત ચાલુ રહેશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
