VIDEO / આખરે પોલીસ સામે ઝૂકવું જ પડ્યું! ખોટી હીરોગીરી કરનાર રિક્ષાચાલક સાથે થઇ બિફોર-આફ્ટરવાળી

વડોદરામાં ટ્રાફિક નિયમોને જોખમમાં મૂકી રીલ્સ બનાવવાનો એક વીડિયો ઝડપથી વાયરલ થયો હતો. આ વીડિયોમાં રિક્ષાચાલક લક્ષ્મણ પાટીલ પોતાના હાથમાં ધારિયું લઈને રિક્ષા પર બેઠેલો જોવા મળતો હતો અને લોકપ્રિય ફિલ્મ પુષ્પાના ડાયલોગ પર અભિનય કરી રહ્યો હતો. શહેરની વ્યસ્ત રોડ પર આવા સ્ટન્ટ પ્રકારના વીડિયોથી લોકોમાં નારાજગી સાથે ચિંતા પણ ફેલાઈ હતી.

પોલીસે આરોપીની ધરપકડ કરી

વિડિયો વાયરલ થયા બાદ પોલીસ તંત્ર હરકતમાં આવ્યું હતું. લક્ષ્મણ પાટીલને ઓળખી પોલીસે તેને અટકાયત કરી હતી. પૂછપરછ દરમિયાન પાટીલે આ કૃત્ય મજા-મસ્તીમાં કર્યું હોવાનું જણાવ્યું હતું.

View this post on Instagram

A post shared by Sambhaav Nascent LLP (@vtv_gujarati_news)

ટ્રાફિક પોલીસે તેને કડક ચેતવણી આપીને લેખિત માફી માંગી હતી. લક્ષ્મણે સ્વીકાર્યું કે આવી બેદરકારી ભરેલી રીલ્સ ફરી ક્યારેય બનાવશે નહીં. માફીનામા બાદ પોલીસે તેને મુક્ત કર્યો હતો.

આ પણ વાંચોઃ 8ના મોત, 4 ઇજાગ્રસ્ત, જેમાંના એક તો હતા જૈન સાધ્વી, કટરથી કાપીને ઈજાગ્રસ્તોનું રેસ્ક્યૂ કરાયું

ટ્રાફિક પોલીસનો નાગરિકોને અનુરોધ

શહેરની ટ્રાફિક પોલીસે નાગરિકોને અનુરોધ કર્યો છે કે સોશિયલ મીડિયા પર લોકપ્રિય થવાના નામે પોતાનું તેમજ અન્યનું જીવન જોખમમાં ન મૂકે અને નિયમોનું પાલન કરે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ