Chandra Grahan / VIDEO : વર્ષ 2026નું પહેલું ચંદ્ર ગ્રહણ શરુ, 6.48 સુધી મોક્ષ, ભારતમાં 25 મિનિટ દેખાયો બ્લડ મૂન

Chandra Grahan 2026 Live Updates: ભારતીય સમય મુજબ આજે બપોરે 3:20 થી 6:46 વાગ્યા સુધી ચંદ્રગ્રહણ રહેવાનું છે. આ ચંદ્રગ્રહણનો કુલ સમયગાળો આશરે 3 કલાક અને 26 મિનિટનો રહેશે. ભારતમાં ચંદ્રોદયનો સમય સાંજે 6:26 વાગ્યાની આસપાસ છે. ચંદ્રોદય થતાં ભારતના ઘણા ભાગોમાં ચંદ્રગ્રહણ દેખાશે.

વર્ષનું પહેલું ચંદ્રગ્રહણ શરૂ થઈ ગયું છે. ભારતીય સમય મુજબ આ ચંદ્રગ્રહણ બપોરે 3:20 વાગ્યાથી 6:46 વાગ્યા સુધી ચાલશે. ભારતમાં પણ ચંદ્રગ્રહણ દેખાશે. તેથી સૂતક કાળ પણ ચાલી રહ્યો છે, જે ગ્રહણ સાથે સમાપ્ત થશે. ચંદ્રગ્રહણ સિંહ રાશિ અને પૂર્વા ફાલ્ગુની નક્ષત્રમાં થઈ રહ્યું છે. ભારતમાં આ ચંદ્રગ્રહણ 'ગ્રસ્તોડિત' ના સ્વરૂપમાં દેખાશે. આનો અર્થ એ છે કે ભારતમાં ચંદ્રોદય પહેલા ચંદ્રગ્રહણ ચંદ્રને ઘેરી લેશે. આજે સાંજે 6:26 થી 6:46 વાગ્યા સુધી ભારતમાં ચંદ્રગ્રહણ દેખાવાની અપેક્ષા છે.

સૂતક કાળ કેટલા વાગ્યે સમાપ્ત થશે?

ચંદ્રગ્રહણના 9 કલાક પહેલા સૂતક કાળ શરૂ થાય છે. આ ચંદ્રગ્રહણ માટે સૂતક કાળ આજે સવારે 6:20 વાગ્યે શરૂ થયો હતો. આ સૂતક કાળ ગ્રહણ સાથે જ સમાપ્ત થશે. આનો અર્થ એ છે કે સૂતક કાળ સાંજે 6:46 વાગ્યે સમાપ્ત થશે.

ચંદ્રગ્રહણની આર્થિક પરિસ્થિતિ પર અસર

જ્યોતિષિઓના મત્તે ચંદ્રગ્રહણ સમયે મંગળ અને રાહુનો અંગારક યોગ એક મોટા યુદ્ધનો સંકેત આપે છે. બ્રહ્માંડનો સૌથી મોટો ગ્રહ ગુરુ પણ ગોચર કરી રહ્યો છે. પરિણામે શેરબજારમાં મોટો કડાકો શક્ય છે. સોના- ચાંદી અને તાંબાના ભાવમાં ઉછાળો શક્ય છે. ક્રિપ્ટોકરન્સીમાં પણ ઘટાડો થઈ શકે છે.

બ્લડ મૂન કેટલા વાગ્યે દેખાશે?

પૂર્ણ ચંદ્રગ્રહણ ત્યારે થાય છે જ્યારે ચંદ્ર સંપૂર્ણપણે પૃથ્વીના પડછાયામાં હોય છે. આ દરમિયાન ચંદ્ર પૃથ્વી પરથી લાલ દેખાય છે. વૈજ્ઞાનિક રીતે આને બ્લડ મૂન કહેવામાં આવે છે. આજે વિશ્વના ઘણા ભાગોમાં આકાશમાં બ્લડ મૂન દેખાશે. સાંજે 4:34 વાગ્યાથી 5:33 વાગ્યા સુધી આખો અથવા મોટાભાગનો ચંદ્ર પૃથ્વીના પડછાયાથી ઢંકાયેલો રહેશે. આ સમયે લોકો બ્લડ મૂન જોશે.

ચંદ્રગ્રહણ પછી શું કરવું?

જ્યોતિષી કહે છે કે 3 માર્ચે ચંદ્રગ્રહણ ભારતમાં પણ દેખાય છે. તેથી, દરેક વ્યક્તિએ પોતાનું ધ્યાન રાખવાની જરૂર છે. જોકે સિંહ રાશિ અને પૂર્વા ફાલ્ગુની નક્ષત્ર હેઠળ જન્મેલા લોકોએ ખાસ કાળજી લેવાની જરૂર છે. ગ્રહણ દરમિયાન બારીઓ અને દરવાજા બંધ રાખો. બહાર જવાનું ટાળો. સૂર્ય સિંહ રાશિનો શાસક ગ્રહ હોવાથી તેમણે સૂર્ય દેવની પૂજા કરવી જોઈએ અને આદિત્ય હૃદય સ્તોત્રમનો પાઠ કરવો જોઈએ.

ભારતમાં ચંદ્રગ્રહણ કેટલા વાગ્યે દેખાશે?

3 માર્ચે ભારતમાં ચંદ્રઉદયનો સમય સાંજે 6:26 વાગ્યે થવાની શક્યતા છે. ચંદ્રઉદય થતાં જ ભારતના ઘણા ભાગોમાં ચંદ્રગ્રહણ દેખાશે. આ પછી ચંદ્રગ્રહણ સાંજે 6:46 વાગ્યા સુધી દેખાશે.

ચંદ્રગ્રહણનો સમય

ચંદ્રગ્રહણ શરૂ થાય છે - 3:20 બપોરે

ચંદ્રગ્રહણ સમાપ્ત થાય છે - 6:46 વાગ્યે

પૂર્ણ ચંદ્રગ્રહણ (કુલ): 4:34 વાગ્યે થી 5:33 વાગ્યા સુધી

સુતક કાળ શરૂ- 6:20 સવારે

સુતક કાળ સમાપ્ત - 6:46 વાગ્યે.

આ પણ વાંચોઃ ઈઝરાયલના હુમલા વચ્ચે ઈરાનમાં તીવ્રશાળી ભૂકંપ, પરમાણુ પરીક્ષણ તો નથી ને જવાબદાર?

ગ્રહણ અને યુદ્ધ વચ્ચે શું સંબંધ છે?

જ્યોતિષિઓના મત્તે ગ્રહણ ચોક્કસપણે તે દેશ પર અસર કરે છે જ્યાં તે દેખાય છે. જે વ્યક્તિઓની કુંડળીમાં પ્રતિકૂળ ગ્રહોની સ્થિતિ અથવા દુ:ખ હોય છે તેઓ વધુ પ્રભાવિત થાય છે. તેમણે વધુમાં સમજાવ્યું કે યુએસ પ્રમુખ ડોનાલ્ડ ટ્રમ્પનો જન્મ પણ ચંદ્રગ્રહણ દરમિયાન થયો હતો. સંયોગથી અમેરિકાએ ગ્રહણ દરમિયાન ઈરાન પર હુમલો કર્યો હતો. વધુમાં ગ્રહણ પ્રકૃતિને પણ અસર કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ