મોટા સમાચાર / 18 વર્ષથી ઉપરના લોકો રસી લેવા માટે 24 એપ્રિલથી કરાવી શકશે રજિસ્ટ્રેશન, આ રીતે કરાવો

• રસીકરણને લઈને મોટા સમાચાર 
• 18 વર્ષથી ઉપરના લોકોને રસી માટે ઓનલાઇન કરી શકશે રજીસ્ટ્રેશન 
• વેબસાઈટની લિંક : cowin.gov.in

કોરોનાના બીજી લહેર દરમિયાન દરરોજ ભારતમાં આવતા રેકોર્ડ કેસોને ધ્યાનમાં રાખીને કેન્દ્ર સરકારે 1 મેથી 18 વર્ષથી વધુ ઉંમરના તમામ નાગરિકો માટે રસીકરણ શરૂ કર્યું છે. નવા નિયમો અનુસાર રાજ્ય અને ખાનગી હોસ્પિટલો હવે સીધી રસી ખરીદી શકે છે.

કોવાક્સિનનો ઉપયોગ થઇ રહ્યો છે ભારતમાં

ભારતના સીરમ ઇન્સ્ટિટ્યૂટના કોવશીલ્ડ અને ભારત બાયોટેક દ્વારા બનાવવામાં આવેલા કોવાક્સિનનો ઉપયોગ ભારતમાં કરવામાં આવી રહ્યો છે. આ સિવાય રશિયાની કોવિડ રસી સ્પુટનિક-વીને ટૂંક સમયમાં દેશમાં કટોકટીના ઉપયોગ માટે મંજૂરી મળી શકે છે.

અત્યાર સુધીમાં 13 કરોડથી વધુ ડોઝ અપાયા 

ઉલ્લેખનીય છે કે ગઈ કાલે એટલે કે બુધવારે સીરમ ઈન્સ્ટિટ્યૂટે જાહેરાત કરી હતી કે તેની રસી રાજ્ય સરકારને 400 રૂપિયામાં વેચશે, જ્યારે ખાનગી હોસ્પિટલોએ તેના માટે 600 રૂપિયા ચૂકવવા પડશે.કેન્દ્રીય આરોગ્ય મંત્રાલયના આંકડા અનુસાર, અત્યાર સુધીમાં દેશભરમાં કોરોના રસીના 13 કરોડથી વધુ ડોઝ આપવામાં આવ્યાં છે.