7 ફોટો ગેલેરી

ધર્મ / વાંસળીના સૂર સાંભળી શ્રીકૃષ્ણમાં લીન થયા હતા રાધા, જાણો દ્વારકામાં રાધા-કૃષ્ણના અંતિમ મિલનની પૌરાણિક કથા

Last Updated: 04:53 PM, 18 September 2026

FOLLOW ON

શેર કરો

ભાદરવા સુદ આઠમના દિવસે મનાવવામાં આવતી રાધાષ્ટમી પર રાધારાણી અને ભગવાન શ્રીકૃષ્ણના અલૌકિક પ્રેમની કથા વિશેષ મહત્વ ધરાવે છે. પૌરાણિક કથાઓ અનુસાર, કુરુક્ષેત્ર અને દ્વારકામાં રાધા-કૃષ્ણનું અંતિમ મિલન થયું હતું.

1/7

1. વાંસળીના સૂર સાંભળી શ્રીકૃષ્ણમાં લીન થયા હતા રાધા, જાણો દ્વારકામાં રાધા-કૃષ્ણના અંતિમ મિલનની પૌરાણિક કથા

ભારતીય ભક્તિ પરંપરામાં ભગવાન શ્રીકૃષ્ણ અને રાધારાણીનો પ્રેમ માત્ર સંસારી સંબંધ નથી, પરંતુ આત્મા અને પરમાત્માના મિલનનું અલૌકિક પ્રતીક છે. કૃષ્ણ જન્માષ્ટમીના બરાબર 15 દિવસ પછી, ભાદરવા માસના શુક્લ પક્ષની આઠમ તિથિએ રાધાષ્ટમીનો પવિત્ર તહેવાર ઉજવવામાં આવે છે. બરસાનામાં જન્મેલા રાધારાણીનો ઉછેર અને બાળપણ વૃંદાવનની પવિત્ર ભૂમિ સાથે જોડાયેલું હતું, જ્યાં શ્રીકૃષ્ણની વાંસળીના સૂર સાંભળીને રાધાજી અને ગોપીઓ ઘેલી થઈ જતી હતી.

આ તસવીર શેર કરો

2/7

2. બ્રહ્મવૈવર્ત પુરાણ અને રાધા-કૃષ્ણ વિવાહ

સામાન્ય રીતે રાધા-કૃષ્ણના વિવાહ ન થવાની કથાઓ પ્રચલિત છે, પરંતુ બ્રહ્મવૈવર્ત પુરાણ મુજબ વૃંદાવન નજીક આવેલા ભાંડીર વનમાં બ્રહ્માજીએ પોતે ઉપસ્થિત રહીને રાધા અને કૃષ્ણના વિવાહ કરાવ્યા હતા. આ ભાંડીર વન આજે પણ વૈષ્ણવ પરંપરાનું અત્યંત શ્રદ્ધાસ્પદ સ્થાન ગણાય છે.

આ તસવીર શેર કરો

3/7

3. વૃંદાવન છોડ્યા પછી કુરુક્ષેત્ર અને દ્વારકામાં અંતિમ મિલન

શ્રીકૃષ્ણ જ્યારે વૃંદાવન છોડીને મથુરા અને ત્યારબાદ દ્વારકા ચાલ્યા ગયા, ત્યારે રાધારાણી બરસાના અને વૃંદાવનમાં જ રહ્યા. વર્ષો પછી સૂર્યગ્રહણના અવસરે કુરુક્ષેત્રમાં બંનેનું પુનઃમિલન થયું હતું. ત્યારબાદ, પોતાના જીવનના તમામ સંસારી દાયિત્વો પૂર્ણ કર્યા પછી રાધારાણી કૃષ્ણને મળવા દ્વારકાધીશના મહેલમાં પહોંચ્યા હતા.

આ તસવીર શેર કરો

4/7

4. કૃષ્ણ ભક્તિમાં લીન થઈ ગયા

શ્રીકૃષ્ણે રાધાજીનું ઉષ્માભેર સ્વાગત કર્યું અને મહેલમાં એક જવાબદારી સોંપી. પરંતુ દ્વારકાનું વૈભવી અને રાજસી વાતાવરણ રાધારાણીને વૃંદાવન જેવો દિવ્ય આનંદ આપી શક્યું નહીં. જેથી તેઓ મહેલ છોડીને એકાંત સ્થળે ચાલ્યા ગયા અને કૃષ્ણ ભક્તિમાં લીન થઈ ગયા.

આ તસવીર શેર કરો

5/7

5. વાંસળીના સૂર અને દિવ્ય આત્માનું વિલીનીકરણ

પૌરાણિક કથા અનુસાર, જીવનના અંતિમ સમયે જ્યારે રાધારાણીએ કૃષ્ણનું સ્મરણ કર્યું, ત્યારે ભગવાન તેમની સામે પ્રગટ થયા. શ્રીકૃષ્ણે તેમને કોઈ ઈચ્છા માંગવા કહ્યું. રાધારાણીએ માત્ર એટલી જ વિનંતી કરી કે તેઓ વૃંદાવનમાં જે રીતે વાંસળી વગાડતા હતા, તે જ ધૂન તેમને સંભળાવે.

આ તસવીર શેર કરો

6/7

6. આત્મા ભગવાન શ્રીકૃષ્ણમાં લીન થઈ ગયો

શ્રીકૃષ્ણે પોતાની વાંસળી ઉઠાવી અને તે જ મધુર સૂર છેડ્યા. વાંસળીના આ દિવ્ય સૂરો સાંભળતાં સાંભળતાં રાધારાણીએ પોતાના ભૌતિક શરીરનો ત્યાગ કર્યો અને તેમનો આત્મા ભગવાન શ્રીકૃષ્ણમાં લીન થઈ ગયો. આ જ કારણ છે કે રાધા અને કૃષ્ણ બે અલગ સ્વરૂપ નહીં પરંતુ એક જ ચૈતન્ય અને પ્રેમના બે ભાગ માનવામાં આવે છે.

આ તસવીર શેર કરો

7/7

7. ડિસ્ક્લેમર

ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

આ તસવીર શેર કરો

સંકળાયેલા મુદ્દાઓ

Vrindavan RadhaAshtami RadhaKrishna