Kalki 2898 AD / પ્રભાસની ફિલ્મમાં અશ્વસ્થામા હશે અમિતાબ બચ્ચન, નવા પોસ્ટર બિગ બીનો જલવો

Amitabh Bachchan New Look Poster Out: બોલીવુડ પર વર્ષો સુધી જેનું રાજ ચાલ્યુ હોય અને કરોડો જેમના પ્રસંશકો હોય તેવા અભિનેતા એટલે અમિતાભ બચ્ચન. અમિતાભ બચ્ચને તેના ઇન્સ્ટાગ્રામ પર આગામી ફિલ્મ 'કલ્કી 2898 એડી'ના તેમના દેખાવનું પોસ્ટર ચાહકો માટે શેર કર્યું હતું અને માહિતી આપી હતી કે રવિવારે તેમનું પાત્ર જાહેર કરવામાં આવશે. આ દરમિયાન બિગ બીએ વધુ એક પોસ્ટર રિલીઝ કર્યું છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Amitabh Bachchan (@amitabhbachchan)

સદીના મેગાસ્ટાર અમિતાભ બચ્ચન આ દિવસોમાં તેમની બહુપ્રતિક્ષિત આગામી મેગા બજેટ ફિલ્મ 'કલ્કી 2898' માટે ચર્ચામાં છે, જેમાં દક્ષિણના સુપરસ્ટાર પ્રભાસ અને દીપિકા પાદુકોણ મુખ્ય ભૂમિકામાં જોવા મળશે. ફિલ્મના ઘણા પોસ્ટર સતત રિલીઝ થઈ રહ્યા છે. ગઈકાલે ફિલ્મનું બિગ બીનું પોસ્ટર શેર કરતી વખતે જણાવવામાં આવ્યું હતું કે રવિવારે તેમના પાત્ર વિશે માહિતી આપવામાં આવશે.

 

Big B @SrBachchan as Ashwatthama 🔥#Prabhas’s #Kalki2898AD pic.twitter.com/MX5HemxJha

— :) ͏ (@NeneNaaDarling) April 21, 2024

ચાહકો પણ ઉત્સાહ

દરમિયાન ફરી એકવાર અમિતાભ બચ્ચને તેમની ફિલ્મ 'કલ્કી 2898 AD' નું બીજું નવું પોસ્ટર તેમના ઇન્સ્ટાગ્રામ પર રિલીઝ કર્યું છે, જેમાં તેમની તીક્ષ્ણ આંખો જોવા મળે છે અને તેમનું આખું મોં કપડાથી ઢંકાયેલું જોવા મળે છે. આ સાથે એવું કહેવામાં આવ્યું છે કે સ્ટાર સ્પોર્ટ્સ પર તેના પાત્રને થોડા સમય પછી જાહેર કરવામાં આવશે, જેને લઈને ચાહકો પણ ખૂબ જ ઉત્સાહિત છે અને તેના પાત્ર વિશે જાણવા માટે અધીરા બની રહ્યા છે.

બિગ બીનું વધુ એક નવું પોસ્ટર રિલીઝ

આ દરમિયાન સોશિયલ મીડિયા પર એક ટીઝર પણ વાયરલ થઈ રહ્યું છે. 21 સેકન્ડના ટીઝરની શરૂઆત બિગ બીથી થાય છે, જે માટીથી રંગાયેલા કપડા પહેરીને ગુફામાં બેસીને શિવલિંગની પૂજા કરે છે. દરમિયાન એક બાળકનો અવાજ સંભળાય છે જે તેને પૂછે છે, 'શું તમે અમર છો?' શું તમે દૈવી છો? તમે કોણ છો?', જેના પર અમિતાભ બચ્ચનનો ઊંડો, ભારે અવાજ જવાબ આપે છે, 'પ્રાચીન સમયથી હું અવતારના આગમનની રાહ જોઈ રહ્યો છું. હું ગુરુ દ્રોણનો પુત્ર છું. અશ્વત્થામા'. ટીઝરને ખૂબ પસંદ કરવામાં આવી રહ્યું છે.

આ પણ વાંચોઃ ઈશા દેઓલને આ શું થયું વળી! નવો લૂક જોઈને લોકો ભડક્યા, અજીબ હોઠે જગાવી ચર્ચા

આ વર્ષે થ્રિયેટરોમાં આવશે

નાગ અશ્વિન દ્વારા નિર્દેશિત અને વૈજયંતી મૂવીઝ દ્વારા નિર્મિત 'કલ્કી 2898 એડી'માં પ્રભાસ, અમિતાભ બચ્ચન, દીપિકા પાદુકોણ, કમલ હસન અને દિશા પટણી જેવા કલાકારો જોવા મળશે. આ વર્ષની સૌથી મોટી ફિલ્મ ગણાતી 'કલ્કી 2898 એડી' એક સાયન્સ-ફિક્શન ફિલ્મ છે. ઘણા સમય પહેલા પ્રભાસે તેની ફિલ્મની એક પોસ્ટ રિલીઝ કરી હતી, જેની સાથે તેણે ફિલ્મની રિલીઝ ડેટ પણ જાહેર કરી હતી, જેમાં કહેવામાં આવ્યું હતું કે ફિલ્મ આ વર્ષે 9 મે, 2024ના રોજ સિનેમાઘરોમાં રિલીઝ થઈ શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો