ન્યૂઝ અપડેટ્સ
ન્યૂઝ અપડેટ્સ
VTV / મનોરંજન / રોમાન્સ બાદ કરણ જોહર બનાવશે રાધા-કૃષ્ણની પ્રેમકથાની ફિલ્મ, કૃષ્ણ જન્મથી કંસ વધ સુધીની કહાની મોટા પડદા પર દેખાડશે!
6 ફોટો ગેલેરી
Last Updated: 01:33 PM, 4 September 2026
FOLLOW ON
શેર કરો
1/6
રોમાન્સ, સંબંધો અને ફેમિલી ડ્રામા જેવી ફિલ્મો માટે જાણીતા કરણ જોહર હવે ભગવાન શ્રીકૃષ્ણ સાથે જોડાયેલી ભવ્ય કહાની પર કામ કરી રહ્યા છે. અહેવાલો અનુસાર ધર્મા પ્રોડક્શન્સના બેનર હેઠળ બનનારી આ ફિલ્મનું નામ ‘રાધા કૃષ્ણ’ રાખવામાં આવ્યું છે. આ પ્રોજેક્ટ હાલમાં ડેવલપમેન્ટના એડવાન્સ સ્ટેજમાં હોવાનું કહેવાય છે.જન્માષ્ટમીના અવસર વચ્ચે સામે આવેલા આ સમાચારથી ફિલ્મપ્રેમીઓમાં ઉત્સુકતા વધી છે. ફિલ્મમાં રાધા અને કૃષ્ણની પ્રેમકથા મુખ્ય ભાવનાત્મક કેન્દ્રમાં રહેશે. જોકે કહાની માત્ર તેમના પ્રેમ સુધી સીમિત નહીં રહે અને કૃષ્ણના જન્મથી લઈને કંસ વધ સુધીની સફર પણ દર્શાવવામાં આવશે.
આ તસવીર શેર કરો
2/6
રિપોર્ટ્સ અનુસાર કરણ જોહર લાંબા સમયથી રાધા-કૃષ્ણની કહાની પર ફિલ્મ બનાવવા માંગતા હતા. જોકે આ વિષય ખૂબ જ સંવેદનશીલ અને ધાર્મિક રીતે મહત્વપૂર્ણ હોવાથી તેઓ ઉતાવળમાં આ પ્રોજેક્ટ શરૂ કરવા માંગતા નહોતા. તેઓ એવી સ્ક્રિપ્ટની રાહ જોઈ રહ્યા હતા જે આ કહાની સાથે સંપૂર્ણ ન્યાય કરી શકે.હવે માનવામાં આવી રહ્યું છે કે કરણ જોહરને આખરે એવી સ્ક્રિપ્ટ મળી ગઈ છે જે તેમના વિઝનને અનુરૂપ છે. ફિલ્મમાં રાધા અને કૃષ્ણનો પ્રેમ કહાનીનું ભાવનાત્મક કેન્દ્ર હશે. સાથે જ તેમના જીવન સાથે જોડાયેલા મહત્વપૂર્ણ પ્રસંગોને પણ મોટા પડદા પર રજૂ કરવામાં આવશે.
આ તસવીર શેર કરો
ADVERTISEMENT
3/6
અહેવાલો અનુસાર ફિલ્મમાં ભગવાન શ્રીકૃષ્ણના જન્મથી લઈને કંસના વધ સુધીની સફર દર્શાવવામાં આવશે. એટલે દર્શકોને કૃષ્ણના જીવનના એક મોટા અને મહત્વપૂર્ણ સમયગાળાની ઝલક જોવા મળી શકે છે.ફિલ્મની કહાનીમાં રાધા અને કૃષ્ણનો પ્રેમ ખાસ મહત્વ ધરાવશે. ભારતીય સંસ્કૃતિ અને ધાર્મિક કથાઓમાં રાધા-કૃષ્ણના પ્રેમને અમર અને અનોખો પ્રેમ માનવામાં આવે છે. રિપોર્ટ્સ અનુસાર ફિલ્મમાં રોમાન્સની સાથે ઇમોશન, ડ્રામા અને ટ્રેજેડીનું પણ મિશ્રણ જોવા મળી શકે છે.
આ તસવીર શેર કરો
4/6
કરણ જોહર આ ફિલ્મને સામાન્ય ફિલ્મની જેમ નહીં પરંતુ ભવ્ય સિનેમેટિક અનુભવ તરીકે રજૂ કરવા માંગે છે. રિપોર્ટ્સ અનુસાર ફિલ્મનું વિઝ્યુઅલ ટ્રીટમેન્ટ મોટા પાયે રાખવામાં આવશે.કૃષ્ણના સમયની દુનિયા, તે સમયનું વાતાવરણ અને ભવ્ય સેટ્સને પડદા પર રજૂ કરવા માટે મોટા સ્તરે તૈયારીઓ કરવામાં આવી શકે છે. કહાનીના ભાવનાત્મક પ્રસંગોને પણ ખાસ રીતે રજૂ કરવામાં આવશે. જોકે ફિલ્મનું ચોક્કસ બજેટ અને શૂટિંગ અંગેની સત્તાવાર માહિતી હજુ સામે આવી નથી.
આ તસવીર શેર કરો
ADVERTISEMENT
5/6
‘રાધા કૃષ્ણ’ની કહાની લખવાની સાથે ફિલ્મનું દિગ્દર્શન કરવાની જવાબદારી ફિલ્મમેકર સચિન રવિને સોંપવામાં આવી હોવાના અહેવાલો છે. સચિન રવિએ વર્ષ 2019માં કન્નડ ફિલ્મ ‘અવને શ્રીમન્નારાયણ’નું દિગ્દર્શન કર્યું હતું. આ ફિલ્મમાં રક્ષિત શેટ્ટી મુખ્ય ભૂમિકામાં જોવા મળ્યા હતા. રિલીઝ બાદ ફિલ્મને સારો પ્રતિસાદ મળ્યો હતો અને તે સ્લીપર હિટ સાબિત થઈ હતી. હવે ધર્મા પ્રોડક્શન્સ સાથે ‘રાધા કૃષ્ણ’ જેવા મોટા પ્રોજેક્ટ પર કામ કરવું સચિન રવિના કરિયરમાં મહત્વપૂર્ણ પડાવ બની શકે છે.
આ તસવીર શેર કરો
6/6
ફિલ્મને લઈને સૌથી મોટો સવાલ તેના કલાકારોને લઈને છે. રાધા અને કૃષ્ણની ભૂમિકામાં કયા કલાકારો જોવા મળશે તે અંગે હાલમાં સસ્પેન્સ જાળવી રાખવામાં આવ્યું છે. ધર્મા પ્રોડક્શન્સ તરફથી સ્ટારકાસ્ટને લઈને હજુ સુધી કોઈ સત્તાવાર જાહેરાત કરવામાં આવી નથી.જો આ પ્રોજેક્ટ કરણ જોહરના વિઝન પ્રમાણે મોટા પાયે બને છે તો તે તેમના કરિયરની અન્ય ફિલ્મોથી એકદમ અલગ ફિલ્મ સાબિત થઈ શકે છે. રાધા-કૃષ્ણની પ્રેમકથા અને કૃષ્ણના જન્મથી કંસ વધ સુધીની કહાનીને મોટા પડદા પર કેવી રીતે રજૂ કરવામાં આવે છે તેના પર દર્શકોની નજર રહેશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
