કાર્યવાહી / ભાવનગરનો ચોંકાવનારો કિસ્સો, ફૈઝલે ST બસ સ્ટેન્ડ પર જાહેરમાં જ કાજલને પતાવી દીધી, લોકો જોતા રહ્યા

‎ભાવનગર એસ.ટી. બસ સ્ટેન્ડમાં 3 સપ્ટેમ્બરે બપોરના સમયે ફૈઝલ ઉર્ફે ખાટકી લાખાણીએ કાજલબેન બારૈયા પર ઢીકાપાટુનો માર માર્યો હતો હુમલામાં ગંભીર રીતે ઈજાગ્રસ્ત કાજલબેનને સારવાર માટે સરકારી હોસ્પિટલ ખસેડવામાં આવ્યા હતા, જ્યાં સારવાર દરમિયાન તેમનું મોત થયું હતું. સમગ્ર ઘટનાના CCTV ફૂટેજ પણ સામે આવ્યા છે. ઘટનાને પગલે નીલમબાગ પોલીસે હત્યાનો ગુનો નોંધી તપાસ શરૂ કરી છે.

બંને વચ્ચે અવારનવાર ઝઘડા થતા

‎મળતી માહિતી પ્રમાણે, કાજલબેન અને ફૈઝલ છેલ્લા સાત વર્ષથી ફૂટપાથ પર રહેતા હતા અને બંને વચ્ચે અવારનવાર ઝઘડા થતા હતા. 26 ઓગસ્ટની આસપાસ કાજલબેને જ ફૈઝલને જેલમાંથી છોડાવ્યો હોવાનું પોલીસ તપાસમાં સામે આવ્યું છે.દરમિયાન કાજલબેનના ફૈઝલના મિત્ર રવિ સાથે સંબંધ હોવાની શંકાને લઈ ફૈઝલે બંને સાથે ઝઘડો કર્યો હતો. ત્યારબાદ થયેલી મારામારીમાં કાજલબેનને ગંભીર ઈજાઓ પહોંચી હતી.

આ પણ વાંચોઃ આણંદમાં નકલી ઈંગ્લીશ દારૂ બનાવવાના રેકેટનો પર્દાફાશ, 3 આરોપીની ધરપકડ કરવામાં આવી

પોલીસનો કાફલો તાત્કાલિક ઘટનાસ્થળે પહોંચ્યો

‎ઘટનાની જાણ થતાં નીલમબાગ પોલીસનો કાફલો તાત્કાલિક ઘટનાસ્થળે પહોંચ્યો હતો પોલીસે ઈજાગ્રસ્ત પ્રત્યક્ષદર્શીની પૂછપરછ કરી પંચનામાની કાર્યવાહી પૂર્ણ કરી હતી. સિટી DYSPના જણાવ્યા મુજબ, આરોપી ફૈઝલને પોલીસે હસ્તગત કરી લીધો છે. મૃતકની માતાની ફરિયાદના આધારે હત્યાનો ગુનો નોંધી સમગ્ર મામલે વધુ તપાસ હાથ ધરવામાં આવી છે.

‎ બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ