ટેક્નોલોજી / ફેસ દેખાડો, ને રૂપિયા ટ્રાન્સફર! UPI એપ પર શરૂ થવા જઇ રહ્યું છે જોરદાર ફીચર્સ

મુંબઈમાં ગ્લોબલ ફિનટેક ફેસ્ટિવલમાં નેશનલ પેમેન્ટ્સ કોર્પોરેશન ઓફ ઈન્ડિયા (NPCI) UPI પેમેન્ટમાંનવું ફીચર શરૂ કરશે. ડિજિટલ પેમેન્ટને ઝડપી, સરળ અને વધુ સુરક્ષિત બનાવવવા માટે આ ફીચર શરુ કરવામાં આવશે. જેમાં UPI યુઝર્સે પેમેન્ટ કરતી વખતે PIN દાખલ કરવાની જરૂર નહીં રહે. તેના બદલે તેઓ ફેસ ઓથેન્ટીકેશન કે ફિંગરપ્રિન્ટ સ્કેનનો ઉપયોગ કરીને પેમેન્ટ કરી શકશે. આ સુવિધા 8 ઓક્ટોબરથી દેશભરમાં લાગુ થશે.

• નવી સિસ્ટમ આ રીતે કરશે કામ
  નવું ફીચર આધાર-લિંક્ડ બાયોમેટ્રિક ઓળખ દ્વારા પેમેન્ટનું ઓથેન્ટીકેશન કરશે. મતલબ કે જ્યારે કોઈ યુઝર્સ પેમેન્ટને મંજૂરી આપે ત્યારે તેનો ચહેરો કે ફિંગરપ્રિન્ટ UIDAI ના આધાર ડેટા સાથે મેચ કરવામાં આવશે. એકવાર આ વેરીફાઈ થઈ જાય ત્યાર બાદ પેમેન્ટ થઈ જશે. અત્યાર સુધી દરેક UPI ટ્રાન્ઝેક્શન માટે યુઝર્સને 4 કે 6 અંકનો PIN દાખલ કરવો પડતો. પણ હવે ફેસ સ્કેન કે ફિંગરપ્રિન્ટથી પણ આ પેમેન્ટ થઇ જશે.  
  
• RBI માર્ગદર્શિકા કરી હતી જાહેર

RBIએ તાજેતરમાં ડિજિટલ પેમેન્ટ માટે મલ્ટિ-ફેક્ટર ઓથેન્ટિકેશનને સરળ બનાવવા માટે માર્ગદર્શિકા જાહેર કરી હતી. જેમાં બેંકો અને ફિનટેક કંપનીઓને પરંપરાગત પિન સિસ્ટમ સિવાય બાયોમેટ્રિક કે ફેસ બેસ્ડ ઓથેન્ટીકેશન અપનાવવાની મંજૂરી અપાઈ છે. આ પગલું ડિજિટલ પેમેન્ટમાં સુરક્ષા વધારવા અને ફ્રોડના જોખમને ઘટાડવા માટે મહત્વનું મનાય છે.

• ફ્રોડનું પ્રમાણ ઘટશે
  એક્સપર્ટના મતે, બીજા કોઈ માટે ફેસ કે ફિંગરપ્રિન્ટની નકલ કરવી લગભગ અશક્ય છે. તેનાથી UPI ટ્રાન્ઝેક્શનમાં ફ્રોડની શક્યતા ઘટશે. NPCI અને UIDAIએ ડેટા પ્રાઈવેસી અને સુરક્ષા માટે એન્ડ-ટુ-એન્ડ એન્ક્રિપ્શન અને મલ્ટિ-લેયર પ્રોટોકોલ અપનાવ્યા છે.
  

વધુ વાંચો : Whatsapp પર ચેટિંગ કરતા-કરતા કરો બમ્પર કમાણી! એક-બે નહીં 5 રીત તમારા કામની

• શું થશે ફાયદા?
  UPI ટ્રાન્ઝેક્શનમાં PIN દાખલ કરવાની ઝંઝટનો અંત આવશે અને ટ્રાન્ઝેક્શન ઝડપી બનશે.  ફેસ અને ફિંગરપ્રિન્ટ વેરિફાઇથી ફ્રોડનું જોખમ ઘટશે. સિનિયર સિટીઝનને પિન યાદ રાખવામાં મુશ્કેલી પડતી હતી તેમને આ ઝંઝટમાંથી છુટકારો મળશે. આ બદલાવ UPI ને ગ્લોબલ સ્ટાન્ડર્ડ પેમેન્ટ સિસ્ટમની સમકક્ષ બનાવશે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ