VIDEO / PM મોદીએ 80 વિદ્યાર્થીઓની લીધી 'પરીક્ષા', 'નો યોર લીડર' પ્રોગ્રામમાં ચર્ચા કરીને આપ્યાં સલાહ-સૂચનો

• સુભાષચંદ્ર બોઝની  જન્મજયંતીએ પીએમ મોદીએ યુવાનો સાથે કરી વાતચીત 
• 'નો યોર લીડર' પ્રોગ્રામમાં જાણી વિદ્યાર્થીઓની સમસ્યાઓ 
• પીએમ મોદીએ વિદ્યાર્થીઓની પરીક્ષા લઈને તેમને સલાહ પણ આપી 

નેતાજી સુભાષચંદ્ર બોઝને તેમની જન્મજયંતીએ સન્માનિત કરવા માટે પીએમ મોદીએ યુવાનો સાથે વાતચીત કરી હતી. 'નો યોર લીડર' કાર્યક્રમ માટે દેશભરના 80 જેટલા યુવાનોને આમંત્રિત કરવામાં આવ્યા હતા. સૌથી પહેલા પીએમ મોદીએ સેન્ટ્રલ હોલમાં તમામ યુવાઓ સાથે મુલાકાત કરી અને તે બાદ ખુલ્લી જગ્યામાં બેસીને ચર્ચા કરી. આ દરમિયાન પીએમ મોદીએ યુવાનોને ફક્ત સલાહ જ ન આપી પરંતુ તેઓ કેટલા સજાગ અને ઉત્સકુ છે તેની પણ પરીક્ષા લઈ લીધી. 

Had a lively interaction with a group of youngsters from across the country who were a part of the ‘Know Your Leader’ programme. Here are highlights from this programme. pic.twitter.com/0MZRZ5L5lx

— Narendra Modi (@narendramodi) January 24, 2023

પીએમ મોદીએ છોકરા-છોકરીઓને કર્યા સવાલ 

પીએમ મોદીએ પૂછ્યું, આપણે સાથે રહ્યાંને 8-10 કલાકનો સમય થયો છે શું તમારામાંથી કોઈ વધારેમાં વધારે નામો કહી શકશો. આ પછી એક છોકરીએ હાથ ઊંચો કર્યો અને કહ્યું કે "હું વિશ્વ ભારતી યુનિવર્સિટી પશ્ચિમ બંગાળથી છું, તમે આ યુનિવર્સિટીના ચાન્સેલર છો. જવાબમાં પીએમ મોદી બોલ્યાં કે આ વાત તમે સવારે પણ કરી હતી. જ્યારે છોકરી એક મિત્રનું પણ નામ ન કહી શકી ત્યારે પીએમ મોદી બોલ્યાં કે ઘણી વાર આપણે કોઈ મિત્રને મળતા હોઈએ ત્યારે વધારે પડતી છૂટ લઈએ છીએ અને આ દરમિયાન આપણને કંઈ યાદ રહેતું નથી. જો આપણે સચેત મને સાંભળીએ તો ઘણું બધું યાદ રાખી શકીએ. પીએમ મોદીએ કહ્યું, "તે સમયે હું તમારી સાથે કનેક્ટ થઈ રહ્યો હતો. તમે જે વ્યક્તિને મળો છો તેનું નામ અને ચહેરો યાદ રાખવાનો પ્રયાસ કરવો જોઈએ. પાંચ વર્ષ પછી જો તમે કોઇની ઓળખ છતી કરશો તો તેને સારું લાગશે.

મોદીએ યુવાનોને પૂછ્યું નેતાજી પાસેથી શું શીખવા માગો છો 
ત્યારબાદ પીએમ મોદીએ પૂછ્યું કે તમે નેતાજી પાસેથી શું શીખવા માંગો છો? આના પર એક વિદ્યાર્થીએ જવાબ આપ્યો કે તે નેતાજી પાસેથી કેવી રીતે આયોજન કરવું તે શીખવા માંગે છે.  વિદ્યાર્થીએ પીએમ મોદીને કહ્યું કે હું તમને મળવા માટે 2015 થી સપના જોઈ રહ્યો છું. હું નેતાજી પાસેથી સ્વપ્નો જોવાનું શીખું છું. ત્યારબાદ પીએમ મોદીએ સેન્ટ્રલ હોલ વિશે સવાલો પૂછ્યા અને ત્યાં આવેલા યુવાનોએ જવાબ આપ્યા.