તમારા કામનું / કરોડો ખેડૂતો માટે ખુશખબર, આ તારીખે જાહેર થશે PM કિસાન યોજનાનો 17મો હપ્તો

PM કિસાન લાભાર્થીઓ માટે મોટી ખુશખબરી સામે આવી છે. કરોડો ખેડૂતોના ખાતામાં આવતા અઠવાડિયે 17મો હપ્તો જાહેર કરી દેવામાં આવશે. હકીકતે સરકારે PM કિસાનનો 17મો હપ્તો જાહેર કરવાની તારીખ ફાઈનલ કરી દીધી છે.

પ્રધાનમંત્રી નરેન્દ્ર મોદી આવતા અઠવાડીયે 18 જૂને બનારસથી PM કિસાન યોજનાના 17માં હપ્તાની જાહેરાત કરશે. તેના હેઠળ 9.3 કરોડ ખેડૂતોને લગભગ 20,000 કરોડની રકમ આપવામાં આવશે.

જાણો આ યોજના વિશે

જણાવી દઈએ કે PM કિસાન સન્માન નિધિ યોજના દુનિયાની સૌથી મોટી DBT યોજના છે. જેના દ્વારા ખેડૂતોને વાર્ષિક 6000ની નાણાકીય સહાય આપવામાં આવે છે. આ યોજના હેઠળ મળતી 6000ની રકમનો ઉપયોગ ખેડૂત પોતાની ખેતી સંબંધિત જરૂરિયાત જેમ કે ખાતર, બીજ, કીટનાશક દવાઓ વગેરે ખરીદવા માટે કરી શકે છે અને કૃષિ ક્ષેત્રમાં પોતાનો ખર્ચ ઓછો કરી વધારે નફો પ્રાપ્ત કરી શકે.

PM બનતાની સાથે જ કર્યા હતા હસ્તાક્ષર

સતત ત્રીજી વખત ભારતના પ્રધાનમંત્રી પદના શપથ લીધા બાદ નરેન્દ્ર મોદીએ સોમવારે સૌથી પહેલા જે ફાઈલ પર હસ્તાક્ષર કર્યા હતા તે PM કિસાન નિધિનો 17મો હપ્તો જાહેર કરવાની હતી.

વધુ વાંચો: ATM માંથી રૂપિયા ઉપાડવા મોંઘા પડશે! જાણો કેટલા રૂપિયાનો વધારો થશે

અધિકારીઓએ જણાવ્યા અનુસાર પ્રધાનમંત્રીએ કહ્યું છે કે નવી સરકારનો પહેલો નિર્ણય ખેડૂતોના કલ્યાણ માટે તેમની પ્રતિબદ્ધતાને દર્શાવે છે અને આવનાર સમયમાં સરકારે ખેડૂતો અને કૃષિ ક્ષેત્ર માટે વધારે કામ કરતા રહેવું જોઈએ. મોદીએ રવિવારે સાંજે સતત ત્રીજી વખત ભારતના પ્રધાનમંત્રી પદના શપથ લીધા હતા.