ઓટો / આ સ્કૂટર પર તૂટી પડ્યાં લોકો, મહિનામાં 4,57,826 ઘરો સુધી પહોંચ્યાં

ભારતીય ગ્રાહકોમાં હીરો ટુ-વ્હીલર ફેમસ છે. ફેબ્રુઆરી 2026 માં હીરો મોટોકોર્પે ફરી એકવાર દેશમાં ટુ-વ્હીલર વેચાણમાં ટોપનું સ્થાન મેળવ્યું છે. ગયા મહિને કુલ 4,57,826 હીરો ટુ-વ્હીલર ખરીદવામાં આવ્યા હતા. આ દરમિયાન હીરોના ટુ-વ્હીલર વેચાણમાં વાર્ષિક ધોરણે 18.39 ટકાનો વધારો થયો છે. આ આંકડો માત્ર એક વર્ષ પહેલા ફેબ્રુઆરી 2025 માં 386,703 યુનિટ હતો. તો ચાલો એવામાં ગયા મહિને ટોપની 10 ટુ-વ્હીલર વેચતી કંપનીઓના વેચાણ પર નજર કરીએ.

• હોન્ડા બીજા ક્રમે
  

આ વેચાણની લિસ્ટમાં હોન્ડા બીજા ક્રમે છે. આ દરમિયાન હોન્ડાએ કુલ 4,31,253 ટુ-વ્હીલર વેચ્યા જે વાર્ષિક ધોરણે 30.74 ટકાનો વધારો દર્શાવે છે. વેચાણની આ લિસ્ટમાં ટીવીએસ ત્રીજા ક્રમે છે. આ દરમિયાન TVS એ કુલ 333,935 ટુ-વ્હીલર વેચ્યા છે  જે વાર્ષિક ધોરણે 31.16% વૃદ્ધિ દર્શાવે છે. બજાજ વેચાણમાં ચોથા ક્રમે છે. આ દરમિયાન 180,846 ટુ-વ્હીલર વેચ્યા છે જે વાર્ષિક ધોરણે 17.28% વૃદ્ધિ દર્શાવે છે.

• 90,000 થી વધુ રોયલ એનફિલ્ડ બાઇકનું વેચાણ
  

સુઝુકી વેચાણમાં પાંચમા ક્રમે છે, આ દરમિયાન 94,398 ટુ-વ્હીલર વેચ્યા છે જે વાર્ષિક ધોરણે 22.13% વૃદ્ધિ દર્શાવે છે. રોયલ એનફિલ્ડ વેચાણમાં છઠ્ઠા ક્રમે છે, આ દરમિયાન 91,216 ટુ-વ્હીલર વેચ્યા છે. જે વાર્ષિક ધોરણે 26.73% વૃદ્ધિ દર્શાવે છે. યામાહા વેચાણમાં સાતમા ક્રમે છે. આ દરમિયાન યામાહાએ કુલ 60,967 ટુ-વ્હીલર વેચ્યા છે જે વાર્ષિક ધોરણે 31.60% વૃદ્ધિ દર્શાવે છે.

વધુ વાંચો : છપ્પરફાડ ડિસ્કાઉન્ટ, એક ઝાટકે 1.30 લાખ સુધી સસ્તી થઈ આ કાર, 8 લાખથી ઓછી પ્રાઈસ

• જાવા-યેઝદી દસમા ક્રમે
  

બીજી તરફ એથર એનર્જી વેચાણ લિસ્ટમાં આઠમા ક્રમે છે. આ દરમિયાન એથર એનર્જીએ કુલ 20,584 ટુ-વ્હીલર વેચ્યા છે જે વાર્ષિક ધોરણે 71.85 ટકાનો વધારો દર્શાવે છે. ગ્રીવ્સ/એમ્પીયરે પણ વેચાણ લિસ્ટમાં નવમા ક્રમે છે. આ દરમિયાન ગ્રીવ્સ/એમ્પીયરે કુલ 4,724 ટુ-વ્હીલર વેચ્યા છે જે વાર્ષિક ધોરણે 27.54 ટકાનો વધારો દર્શાવે છે. તો જાવા-યેઝદી વેચાણ લિસ્ટમાં દસમા ક્રમે છે જે વાર્ષિક ધોરણે 90.13 ટકાનો વધારો દર્શાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ