લોકસભા ચૂંટણી 2024 / 'મુસલમાન સૌથી વધુ કોન્ડોમનો ઉપયોગ કરે છે', અસદુદ્દીન ઓવેસી આવું કેમ બોલ્યા, ડેટા પણ જાહેર કર્યો

ઓલ ઈન્ડિયા મજલિસ-એ-ઈત્તેહાદુલ મુસલમીન (AIMIM)ના ચીફ અસદુદ્દીન ઓવૈસીએ કહ્યું કે મુસ્લિમો કોન્ડોમનો સૌથી વધુ ઉપયોગ કરે છે. વડાપ્રધાન નરેન્દ્ર મોદી પર પ્રહાર કરતા ઓવૈસીએ આ વાત કહી છે. ઓવૈસીએ કહ્યું કે, નરેન્દ્ર મોદી હજુ પણ હિંદુઓમાં ડર ફેલાવવાની કોશિશ કરી રહ્યા છે કે મુસ્લિમ ટૂંક સમયમાં બહુમતી બની જશે. તેમણે કહ્યું, ક્યાં સુધી તમે મુસ્લિમો વિશે ડર ફેલાવશો. અમારો ધર્મ અલગ છે પરંતુ અમે પણ આ દેશના રહેવાસી છીએ.

મુસ્લિમો કોન્ડોમનો સૌથી વધુ ઉપયોગ કરે છેઃ ઓવૈસી

ઓવૈસીએ કહ્યું, તમે નફરતની દીવાલ કેમ બનાવી રહ્યા છો? તમે શા માટે ડર ફેલાવવાનો પ્રયાસ કરી રહ્યા છો કે મુસ્લિમો વધુ બાળકો પેદા કરે છે? મોદી સરકારના આંકડા મુજબ મુસ્લિમોની વસ્તી વૃદ્ધિ દરમાં ઘટાડો થયો છે. મુસ્લિમો કોન્ડોમનો સૌથી વધુ ઉપયોગ કરે છે. આ કહેતા મને કોઈ શરમ નથી.

બહુમતી સમુદાયને ગેરમાર્ગે દોરવાનો પ્રયાસઃ ઓવૈસી

ઓવૈસીએ કહ્યું કે આ મારો ડેટા નથી પરંતુ મોદી સરકારનો ડેટા છે. પરંતુ નરેન્દ્ર મોદી નફરત ફેલાવવામાં વ્યસ્ત છે. તેઓ બહુમતી સમુદાયને ગેરમાર્ગે દોરવા માંગે છે કે મુસ્લિમોનો જન્મ દર સૌથી વધુ છે.

આ પણ વાંચોઃ ઓછા મતદાનથી રાજકીય પક્ષોની ચિંતા વધી, કોંગ્રેસે ચૂંટણી પંચ પાસે મતદાનનો સમય બદલવાની કરી માગ

દેશના વડાપ્રધાન 15 ટકા વસ્તીને ઘૂસણખોરો કહે છેઃ ઓવૈસી

પીએમ મોદીએ કહ્યું હતું કે મનમોહન સિંહ સરકારે કહ્યું હતું કે દેશના સંસાધન પર પહેલો અધિકાર મુસ્લિમોનો છે. તેના જવાબમાં ઓવૈસીએ કહ્યું કે દેશના વડાપ્રધાન 15 ટકા વસ્તીને ઘૂસણખોરો કહે છે. આનાથી વધુ શરમજનક કંઈ હોઈ શકે નહીં. કોંગ્રેસ સહિત વિપક્ષી પાર્ટીઓએ વડાપ્રધાન નરેન્દ્ર મોદી વિરુદ્ધ ચૂંટણી પંચને ફરિયાદ કરી હતી. આ પછી, ચૂંટણી પેનલે બીજેપી અધ્યક્ષને નોટિસ જારી કરીને તેમના સ્ટાર પ્રચારકોને જણાવવા કહ્યું કે તેમની પાસેથી કેવા પ્રકારના ભાષણની અપેક્ષા છે.