ટેક્નોલોજી / હવે આ કંપનીનો પણ આવશે ભગવા રંગનો મોબાઈલ, જાણો ક્યારે થશે લોન્ચ

સેમસંગ તેનો Galaxy S26 Ultra ફોન ઓરેન્જ રંગમાં લોન્ચ કરી રહ્યું છે. આ ફોન સંબંધિત રિપોર્ટ સામે આવી રહ્યા છે જેમાં તેના સંભવિત ફીચર્સ, કલર અને લોન્ચ ટાઈમલાઇન વિશે પણ માહિતી આપવામાં આવી રહી છે. પરંતુ મહત્વની બાબત એ છે કે, એપલે ગયા મહિને કોસ્મિક ઓરેન્જ કલરમાં iPhone 17 Pro લોન્ચ કર્યો હતો જેની કોપી સેમસંગના આ ફોનમાં કરવામાં આવી હોય તેમ જણાઈ રહ્યું છે.  

• નવા ફોનમાં અનેક અપગ્રેડ
  આ વર્ષની શરૂઆતમાં લોન્ચ થયેલા Galaxy S25 Ultra ની જગ્યા મોટા અપગ્રેડ સાથે Galaxy S26 Ultra લેશે. તેમાં બેસ્ટ ડેટા ટ્રાન્સફર સ્પીડ અને મોટા વેપર ચેમ્બર આવી શકે છે. સેમસંગ આ ફોનમાં Snapdragon 8 Elite Gen 5 ચિપસેટ આપી શકે છે. તેને પ્રાઈવેટ ડિસ્પ્લે કે પ્રાઈવેસી ડિસ્પ્લે ફીચરથી પણ સજ્જ કરવામાં આવી શકે છે. તેનાથી માત્ર યુઝર્સને જ ફોનની સ્ક્રીન પરનું ચાલતું કન્ટેન્ટ દેખાશે જે તેમની આસપાસના લોકોને ફોનમાં શું ચાલી રહ્યું છે તે જોવાથી અટકાવશે.
  

• બીજા ફીચર
  

આ ફોન 6.9-ઇંચ M14 QHD+ CoE Dynamic AMOLED ડિસ્પ્લે સાથે લોન્ચ થવાની શક્યતા છે. તે 16GB સુધી RAM સાથે 256GB, 512GB અને 1TB સ્ટોરેજ વેરિઅન્ટમાં આવી શકે છે. તેમાં 200MP મેઈન કેમેરા, 50MP પેરિસ્કોપ લેન્સ, 50MP અલ્ટ્રાવાઇડ સેન્સર અને 12MP ટેલિફોટો લેન્સ આવી શકે છે. આ ફોનમાં  5,000mAh બેટરી પણ હોઈ શકે છે. આ ફોન iPhone 17 Pro ની માફક ઓરેન્જ કલરના ઓપ્શનમાં લોન્ચ થઇ શકે છે.

વધુ વાંચો : WhatsApp માં હવે ફાલતૂ મેસેજ નહીં આવે, આવી રહ્યું છે નવું UserName ફિચર

• કોની સાથે કરશે કોમ્પિટિશન?
  

આ સેમસંગ Galaxy S25 Ultra ફોન વર્ષ 2026 ની શરૂઆતમાં લોન્ચ થઈ શકે છે. પરંતુ સેમસંગ દ્વારા હજુ સુધી તેની તારીખની પુષ્ટિ કરવામાં નથી આવી. લોન્ચ થયા બાદ આ ફોન ગયા મહિને લોન્ચ થયેલા iPhone 17 Pro Max સાથે કોમ્પિટિશન કરતો જોવા મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ