તમારા કામનું / નોકરી ગઈ કે છોડી તો કંપનીએ તરત કરવું પડશે આ કામ

દેશમાં નવો લેબર કોડ અમલમાં આવી ગયો છે. આ વચ્ચે એક ખાસ બદલાવ કરવામાં આવ્યો છે જે દરેક કર્મચારી માટે મહત્વનું છે. હવે જો તમે કોઈ કંપનીમાં નોકરી કરો છો અને પછી તે છોડો છો તો તમને માત્ર 2 દિવસમાં જ પુરેપુરુ સેટલમેન્ટ મળી જશે. એટલે કે નોકરી છોડ્યા પછી બે દિવસમાં જ તમારા પૈસાનો હિસાબ પૂરો કરી દેવામાં આવશે.

અત્યાર સુધી નોકરી છોડ્યા પછી અથવા નોકરીમાંથી કાઢી મૂક્યા પછી કર્મચારીઓને પોતાનો બાકી પૈસા મેળવવા માટે 40 થી 45 દિવસ સુધી રાહ જોવી પડતી હતી જેના કારણે તેમને ઘણી મુશ્કેલીઓનો સામનો કરવો પડતો હતો. ઘરનું ભાડું ચૂકવવું હોય કે માસિક ખર્ચ સંભાળવો હોય તે માટે પણ મુશ્કેલી ઉભી થતી હતી. પરંતુ હવે આ સમસ્યા દૂર થવા જઈ રહી છે. હવે સેટલમેન્ટ માત્ર 2 દિવસમાં જ કરી દેવામાં આવશે. જોકે કેટલીક શરતો હેઠળ આ સેટલમેન્ટનો સમય હજુ પણ 1 મહિના સુધી હોઈ શકે છે.

શું છે નવો નિયમ?

1 એપ્રિલ 2026થી નવા નિયમ મુજબ કંપનીઓને કર્મચારીઓનું ફુલ એન્ડ ફાઈનલ (FnF) સેટલમેન્ટ માત્ર 2 વર્કિંગ દિવસમાં કરવું ફરજિયાત રહેશે. આ નિયમ Code on Wages, 2019 હેઠળ લાગુ કરવામાં આવ્યો છે. નવા કાયદા મુજબ જો કોઈ કર્મચારી નોકરી છોડે તેને કાઢી મૂકવામાં આવે અથવા કંપની બંધ થઈ જા તો આવી સ્થિતિમાં કંપનીએ તેના તમામ બાકી ચૂકવણાં 2 વર્કિંગ દિવસમાં જ કરવા પડશે. પહેલાં આ પ્રક્રિયામાં 30થી 90 દિવસ સુધીનો સમય લાગતો હતો.

શું છે ફુલ એન્ડ ફાઈનલ સેટલમેન્ટ?

ફુલ એન્ડ ફાઈનલ સેટલમેન્ટનો અર્થ એ છે કે જ્યારે કોઈ કર્મચારીની નોકરી પુરી થાય ત્યારે તેને મળવાના બધા બાકી પૈસાનો હિસાબ કરીને ચૂકવણી કરવામાં આવે છે. આમાં માત્ર સેલેરી જ નહીં પરંતુ અન્ય એલાઉન્સ અને સેવાઓ સાથે જોડાયેલા બધા પેમેન્ટનો પણ સમાવેશ થાય છે.

શું-શું સામેલ હોય છે?

• કામ કરેલા દિવસોના આધારે છેલ્લી મહિનાની સેલેરી
• બાકી રહેલી રજાઓના પૈસા
• પરફોર્મન્સ મુજબ મળતો બોનસ અથવા ઇન્સેન્ટિવ
• ઓફિસ સંબંધિત ખર્ચ જેમ કે મુસાફરી અથવા અન્ય ખર્ચનું રીઇમ્બર્સમેન્ટ
• ટેક્સ, એડવાન્સ સેલેરી, લોન અથવા કંપનીની વસ્તુઓ પરત ન આપવાથી થતી કપાત

આ પણ વાંચોઃ રેલ્વેમાં નોકરી મેળવવાની ઉત્તમ ત્તક, 23 પદો પર થઇ રહી છે ભરતી- જાણો સંપૂર્ણ વિગત

ગ્રેચ્યુઇટી ક્યારે મળે?

નવા લેબર કોડમાં એક મહત્વનો બદલાવ કરવામાં આવ્યો છે. હવે માત્ર એક વર્ષ નોકરી કર્યા પછી પણ કર્મચારીઓને ગ્રેચ્યુઇટીનો લાભ મળશે પહેલાં ગ્રેચ્યુઇટી મેળવવા માટે ઓછામાં ઓછા 5 વર્ષ નોકરી કરવી જરૂરી હતી, પરંતુ હવે આ સમયગાળો ઘટાડવામાં આવ્યો છે. કંપનીએ આ રકમ 30 દિવસની અંદર ચૂકવવી ફરજિયાત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ