તમારા કામનું / ખેડૂતોને દર મહિને 3000 રૂપિયા મળશે, દિવાળી પર આ સરકારી સ્કીમમાં કરો અરજી

દેશના નાના અને મધ્યમ ખેડૂતો માટે કેન્દ્ર સરકારે શરૂ કરી છે એક એવી યોજના, જે વૃદ્ધાવસ્થામાં આર્થિક સુરક્ષા આપશે. તેનું નામ છે પ્રધાનમંત્રી કિસાન માનધન યોજના. આ યોજના હેઠળ ખેડૂતોને 60 વર્ષની ઉંમર પછી દર મહિને ₹3,000ની પેન્શન મળશે. હાલ ઘણા ખેડૂતો આ યોજના સાથે જોડાઈ પોતાના ભવિષ્યને સુરક્ષિત બનાવી રહ્યા છે.

કોણ કરી શકે અરજી?

• આ યોજનામાં 18 થી 40 વર્ષની વયના ખેડૂતો અરજી કરી શકે છે.
• ખેડૂતો પોતાની ઉંમર પ્રમાણે દર મહિને નાની રકમ યોગદાન રૂપે જમા કરે છે.
• જો કોઈ ખેડૂત 18 વર્ષની ઉંમરે જોડાય છે, તો દર મહિને ₹55 જમા કરાવવા પડે છે.
• જો કોઈ ખેડૂત 40 વર્ષની ઉંમરે જોડાય છે, તો દર મહિને ₹200 જમા કરાવવા પડશે.
• આ રકમ 60 વર્ષની ઉંમર સુધી જમા કરાવવાની રહેશે. ત્યારબાદ ખેડૂતને જીવનભર ₹3,000 પેન્શન મળશે.

ખેડૂતના અવસાન બાદ શું?

જો 60 વર્ષની ઉંમર પછી ખેડૂતનું અવસાન થાય છે, તો તેમની પત્નીને દર મહિને ₹1,500ની પેન્શન મળશે.

જરૂરી દસ્તાવેજો

આ યોજનામાં જોડાવા માટે ખેડૂતો પાસે નીચેના દસ્તાવેજો હોવા જરૂરી છે.

• આધાર કાર્ડ
• બેંક ખાતાની માહિતી (IFSC અને એકાઉન્ટ નંબર)
• જમીનનો દસ્તાવેજ
• મોબાઈલ નંબર

આ પણ વાંચો : જલ્દી-જલ્દી ચૂકવવા માંગો છો પર્સનલ લોન? તો જાણી લો બેંક વાઇઝ મળતી સુવિધા

કેમ ખાસ છે દિવાળીના સમયે જોડાવું?

દિવાળી સમૃદ્ધિ અને નવી શરૂઆતનું પ્રતિક માનવામાં આવે છે. આ અવસરે જો ખેડૂત આ યોજનામાં રોકાણ શરૂ કરે, તો વૃદ્ધાવસ્થામાં તેમને ખાતરીભર્યો આવક સ્ત્રોત મળી રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ