બિઝનેસ / પેટ્રોલ-ડીઝલ સહિત LPG અને CNGના લેટેસ્ટ ભાવ આવ્યા સામે, જાણો તમારા શહેરમાં કેટલા છે ભાવ ?

Petrol Diesel Price Today : ઈરાન-અમેરિકા વચ્ચે વધેલા તણાવ વચ્ચે 21 જુલાઈના રોજ પેટ્રોલ, ડીઝલ, LPG અને CNGના નવા ભાવ જાહેર કરવામાં આવ્યા છે. આંતરરાષ્ટ્રીય બજારમાં કાચા તેલની કિંમત પ્રતિ બેરલ 90 ડોલરથી નીચે રહેવા છતાં દેશમાં ઈંધણના ભાવમાં કોઈ મોટો ફેરફાર કરવામાં આવ્યો નથી. ઘરેલુ LPG, કોમર્શિયલ ગેસ સિલિન્ડર તેમજ CNGના ભાવ પણ મોટા ભાગે સ્થિર રહ્યા છે.

પેટ્રોલ અને ડીઝલના તાજા ભાવ

દેશના વિવિધ શહેરોમાં આજે પેટ્રોલ અને ડીઝલના ભાવમાં કોઈ ફેરફાર નોંધાયો નથી.

• અમદાવાદ : પેટ્રોલ ₹94.49, ડીઝલ ₹90.16
• દિલ્હી: પેટ્રોલ ₹102.12, ડીઝલ ₹95.20 પ્રતિ લિટર
• લખનૌ: પેટ્રોલ ₹102.05, ડીઝલ ₹99.28
• પટણા: પેટ્રોલ ₹112.70, ડીઝલ ₹99.87
• અયોધ્યા: પેટ્રોલ ₹102.40, ડીઝલ ₹99.27
• ભોપાલ: પેટ્રોલ ₹114.65, ડીઝલ ₹99.74
• ઇન્દોર: પેટ્રોલ ₹114.61, ડીઝલ ₹99.70
• કોલકાતા: પેટ્રોલ ₹113.51, ડીઝલ ₹99.82
• ચેન્નઈ: પેટ્રોલ ₹107.77, ડીઝલ ₹99.55
• મુંબઈ: પેટ્રોલ ₹111.21, ડીઝલ ₹97.83
• જયપુર: પેટ્રોલ ₹112.66, ડીઝલ ₹97.78 પ્રતિ લિટર

દિલ્હીમાં LPGના તાજા ભાવ

દિલ્હીમાં 14.2 કિલોનો ઘરેલુ LPG સિલિન્ડર આજે ₹942માં ઉપલબ્ધ છે. 5 કિલોનો સિલિન્ડર ₹349.50, 10 કિલોનો LPG સિલિન્ડર ₹673 અને 19 કિલોનો કોમર્શિયલ સિલિન્ડર ₹2,930માં મળી રહ્યો છે. અન્ય શહેરોમાં ઘરેલુ અને કોમર્શિયલ LPGના ભાવ પણ યથાવત છે. કોલકાતામાં ઘરેલુ સિલિન્ડર ₹968 અને કોમર્શિયલ ₹3,081.50, જયપુરમાં ઘરેલુ ₹945.50 અને કોમર્શિયલ ₹2,957.50, ચેન્નઈમાં ઘરેલુ ₹957.50 અને કોમર્શિયલ ₹3,106, દેહરાદૂનમાં ઘરેલુ ₹961 અને કોમર્શિયલ ₹2,983, જ્યારે ઈન્દોરમાં ઘરેલુ સિલિન્ડર ₹970 અને કોમર્શિયલ ₹3,040.50માં મળી રહ્યો છે.

આ વર્ષે LPGમાં કેટલો વધારો થયો?

આ વર્ષે 7 માર્ચે ઘરેલુ LPG સિલિન્ડરના ભાવમાં ₹60નો વધારો કરવામાં આવ્યો હતો, જેના કારણે દિલ્હીમાં ભાવ ₹853થી વધીને ₹913 થયા હતા. ત્યારબાદ 7 જૂને વધુ ₹29નો વધારો થતાં ભાવ ₹942 સુધી પહોંચ્યા. એટલે કે વર્ષ 2026 દરમિયાન અત્યાર સુધી ઘરેલુ LPG સિલિન્ડર કુલ ₹89 મોંઘો થયો છે. બીજી તરફ 1 જુલાઈએ 19 કિલોના કોમર્શિયલ સિલિન્ડરના ભાવમાં ₹183.50નો ઘટાડો કરવામાં આવ્યો હતો. અગાઉ છ મહિનામાં તેના ભાવમાં કુલ ₹1,580.50નો વધારો થયો હતો.

આ પણ વાંચો : સોનામાં 50% ઘટાડાની આગાહી: શું સોનાનો ભાવ અડધો થઈ જશે? નિષ્ણાતોએ કહ્યું, આવું બે વાર બન્યું...

CNGના ભાવ પણ સ્થિર

દિલ્હીમાં CNGનો ભાવ આજે ₹81.09 પ્રતિ કિલોગ્રામ છે. જ્યારે નોઈડા, ગ્રેટર નોઈડા અને ગાઝિયાબાદમાં ₹89.70 પ્રતિ કિલોગ્રામ અને ગુરુગ્રામમાં ₹86.12 પ્રતિ કિલોગ્રામ છે. ઉલ્લેખનીય છે કે મે મહિનામાં CNGના ભાવમાં બે વખત વધારો કરવામાં આવ્યો હતો. ત્યારબાદ દિલ્હીમાં CNGનો ભાવ પ્રથમ વખત ₹80 પ્રતિ કિલોગ્રામથી ઉપર પહોંચ્યો હતો. હાલના તબક્કે CNGના દરોમાં કોઈ નવો ફેરફાર કરવામાં આવ્યો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ