અમદાવાદ / વિરમગામના ધારાસભ્ય હાર્દિક પટેલને વધુ એક કેસમાં રાહત, પાટીદાર અનામત આંદોલન સમયનો ગુનો પરત ખેંચાયો

વિરમગામના ધારાસભ્ય હાર્દિક પટેલને પાટીદાર અનામત આંદોલન દરમિયાન નોંધાયેલા વધુ એક કેસમાં રાહત મળી છે. રાજ્ય સરકારે પાટીદાર અનામત આંદોલન સમય દરમિયાન નોંધાયેલા કેસોની સમીક્ષા બાદ નિકોલ પોલીસ સ્ટેશનમાં નોંધાયેલો એક વધુ ગુનો પરત ખેંચવાનો નિર્ણય કર્યો છે.

આંદોલન સથે સંકળાયેલા અન્ય નેતાઓને રાહત

આ કેસમાં હાર્દિક પટેલ ઉપરાંત ગીતા પટેલ સહિત આંદોલન સાથે સંકળાયેલા અન્ય નેતાઓને પણ આરોપી તરીકે સામેલ કરવામાં આવ્યા હતા. સરકારના નિર્ણય બાદ તમામ આરોપીઓ સામેનો ગુનો સત્તાવાર રીતે પરત ખેંચવામાં આવ્યો છે.

વિવિધ પોલીસ સ્ટેશનોમાં અનેક કેસ નોંધાયા

ઉલ્લેખનીય છે કે પાટીદાર અનામત આંદોલન દરમિયાન રાજ્યના વિવિધ પોલીસ સ્ટેશનોમાં અનેક કેસ નોંધાયા હતા. છેલ્લા કેટલાક સમયથી સરકાર દ્વારા આવા કેસોની તબક્કાવાર સમીક્ષા કરીને અનેક કેસો પરત ખેંચવામાં આવી રહ્યા છે. નિકોલ પોલીસ સ્ટેશનમાં નોંધાયેલા આ કેસને પરત ખેંચાતા હાર્દિક પટેલ સહિત તમામ આરોપીઓને વધુ એક કાનૂની રાહત મળી છે.

આ પણ વાંચોઃ અમદાવાદમાં પ્રદૂષિત પાણી અને ડ્રેનેજની 12 હજાર ફરિયાદો, સ્માર્ટ સિટી મોડલ પર ઉઠ્યા સવાલ

આ નિર્ણય બાદ રાજકીય વર્તુળોમાં પણ ચર્ચાનો માહોલ જોવા મળી રહ્યો છે. જોકે, આ મુદ્દે હાર્દિક પટેલ અથવા રાજ્ય સરકાર તરફથી કોઈ વિગતવાર સત્તાવાર નિવેદન જાહેર થયું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ