દુખદ / વધુ એક વાર ભાગદોડની ભયાનક ઘટના, 10 શ્રદ્ધાળુઓએ ગુમાવ્યા જીવ, તંત્ર દોડતું થયું

Andhra Pradesh Stampede: આંધ્રપ્રદેશના શ્રીકાકુલમ જિલ્લામાં શનિવારે કાસી બુગ્ગા વેંકટેશ્વર સ્વામી મંદિરમાં ભાગદોડ મચી ગઈ હતી. આજે કારતક અગિયારસના દિવસે ભીડમાં દર્શન કરવા માટે ભક્તોની મોટી ભીડ એકઠી થઈ હતી. જેમાં ઓછામાં ઓછા નવ ભક્તોના મોત થયા હતા અને ઘણા લોકો ઘાયલ થયા હતા.

આજે 1 નવેમ્બર કારતક સુદ અગિયારસના દિવસે જ્યારે મંદિરમાં દર્શન કરવા માટે ભક્તોની મોટી ભીડ એકઠી થઈ હતી. શરૂઆતના અહેવાલો અનુસાર, મંદિર સંકુલના પ્રવેશદ્વાર પાસે અચાનક ભીડ વધી ગઈ હતી, જેના કારણે ગભરાટ અને નાસભાગ મચી ગઈ હતી. ભીડના કારણે ઘણા લોકો પડી ગયા હતા અને કચડી નાખવામાં આવ્યા હતા. આ ભાગદોડને લીધે અધિકારીઓને ભય છે કે મૃત્યુઆંક વધી શકે છે, કારણ કે કેટલાક ઘાયલોની હાલત ગંભીર હોવાનું જાણવા મળે છે.

જો કે માહિતી મળતાં વહીવટીતંત્રે રાહત અને બચાવ કામગીરી શરૂ કરી. ઘાયલોને નજીકની સરકારી હોસ્પિટલોમાં દાખલ કરવામાં આવ્યા છે જ્યાં તેમની સારવાર ચાલી રહી છે. જિલ્લા વહીવટીતંત્ર પરિસ્થિતિ પર નજીકથી નજર રાખી રહ્યું છે અને પરિસ્થિતિને કાબુમાં લેવા માટે વધારાના પોલીસ દળો તૈનાત કરવામાં આવ્યા છે.

પ્રત્યક્ષદર્શીઓનું કહેવું છે કે વહેલી સવારથી જ મંદિરમાં ભીડ ઉમટી પડી હતી અને પૂરતી સુરક્ષાના અભાવે પરિસ્થિતિ કાબુ બહાર થઈ ગઈ હતી. સ્થાનિક વહીવટીતંત્રે ઘટનાની તપાસના આદેશ આપ્યા છે અને ભીડ નિયંત્રણમાં ક્યાં ભૂલ થઈ તે શોધવાનો પ્રયાસ કરી રહ્યું છે.

આંધ્રપ્રદેશના મુખ્યમંત્રી એન ચંદ્રબાબુ નાયડુએ જણાવ્યું હતું કે, "શ્રીકાકુલમ જિલ્લામાં કાશીબુગ્ગા વેંકટેશ્વર મંદિરમાં થયેલી ભાગદોડથી હંગામો મચી ગયો છે. આ દુર્ભાગ્યપૂર્ણ ઘટનામાં થયેલા જાનહાનિ અત્યંત દુઃખદ છે. હું મૃતકોના પરિવારો પ્રત્યે મારી ઊંડી સંવેદના વ્યક્ત કરું છું. મેં અધિકારીઓને ઘાયલોને શ્રેષ્ઠ શક્ય સારવાર આપવા નિર્દેશ આપ્યો છે. મેં સ્થાનિક અધિકારીઓ અને જનપ્રતિનિધિઓને સ્થળની મુલાકાત લેવા અને રાહત કામગીરીનું નિરીક્ષણ કરવા જણાવ્યું છે."

વધુ વાંચો: મોતની નાસભાગમાંથી કેવી રીતે બચવું?, ભીડમાં ફસાયા હોય તો શું કરવું?, જાણો સેફ્ટી ટીપ્સ

કેન્દ્રીય મંત્રી નારા લોકેશે અકસ્માત પર કહ્યું, "કાશીબુગ્ગા વેંકટેશ્વર મંદિરમાં થયેલી ભાગદોડ, જેમાં ઘણા ભક્તોના મોત થયા હતા, તે અત્યંત દુઃખદ છે. આ એકાદશી પર એક મોટી દુર્ઘટના હતી. હું મૃતકોના પરિવારો પ્રત્યે મારી ઊંડી સંવેદના વ્યક્ત કરું છું. અમારી સરકાર ભાગદોડમાં ઘાયલ થયેલા લોકોને શ્રેષ્ઠ તબીબી સારવાર પૂરી પાડી રહી છે. માહિતી મળતાં જ મેં અધિકારીઓ, જિલ્લા મંત્રી અત્ચનાયડુ અને સ્થાનિક ધારાસભ્ય ગૌથુ સિરિશા સાથે વાત કરી. મેં પીડિતોને તાત્કાલિક સહાય આપવાનો આદેશ આપ્યો છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ