તમારા કામનું / આયુષ્માન કાર્ડ હોવા છતાં, હોસ્પિટલ મફત સારવાર કરવાની ના પાડે તો અહીં કરો ફરિયાદ

સ્વાસ્થ્ય દરેકના જીવનનો સૌથી મહત્વનો ભાગ છે. સામાન્ય રીતે લોકો બિમારીઓ સામે સુરક્ષા મેળવવા હેલ્થ ઈન્શ્યોરન્સ લે છે, પરંતુ બધા પાસે આ સુવિધા ઉપલબ્ધ નથી. આર્થિક રીતે નબળા વર્ગના લોકો માટે જ સરકારે 2018માં “પ્રધાનમંત્રી આયુષ્માન ભારત યોજના” શરૂ કરી હતી. આ યોજના હેઠળ પાત્ર લોકોને રૂ. 5 લાખ સુધીની મફત સારવાર મળે છે. પરંતુ ઘણીવાર ફરિયાદો સાંભળવામાં આવે છે કે ગંભીર સ્થિતિમાં પણ દર્દીઓને હોસ્પિટલમાં દાખલ કરવામાં આવતાં નથી. હોસ્પિટલ તરફથી વિવિધ બહાના આપવામાં આવે છે અને સારવાર ટાળી દેવામાં આવે છે. આવી પરિસ્થિતિમાં દર્દી અને પરિવાર બંને મુશ્કેલીમાં મુકાઈ જાય છે.

શું કરવું?

જો કોઈ હોસ્પિટલ આયુષ્માન કાર્ડ હોવા છતાં સારવાર આપવાની ના પાડે છે તો તમે સીધી ફરિયાદ કરી શકો છો..

• નેશનલ હેલ્પલાઈન નંબર 14555 પર કૉલ કરીને ફરિયાદ નોંધાવો.
• તમને હોસ્પિટલનું નામ, તમારી સમસ્યા અને તારીખ જેવી વિગતો આપવી પડશે.
• સાચી ફરિયાદ મળતાં જ તાત્કાલિક કાર્યવાહી શરૂ થાય છે.

ઓનલાઈન ફરિયાદ

• https://cgrms.pmjay.gov.in/GRMS/loginnew.htm
• અહીં હોસ્પિટલનું નામ, તારીખ અને ઘટના અંગે વિગત લખી શકો છો.
• આ પ્રોસેસ સરળ રાખવામાં આવી છે જેથી દર્દીઓને કોઈ મુશ્કેલી ન પડે.

રાજ્ય સ્તરે કડક કાર્યવાહી

જો કોઈ હોસ્પિટલ સારવાર આપવાનો ઇન્કાર કરે તો રાજ્ય સ્વાસ્થ્ય એજન્સીઓ પણ આ ફરિયાદોને ગંભીરતાથી લે છે. તેઓ સીધા હોસ્પિટલ મેનેજમેન્ટ પાસે જવાબ માગે છે અને જરૂરી કાર્યવાહી પણ કરે છે.

આ પણ વાંચો: સ્વિમિંગ કોસ્ચ્યુમાં પત્ની ઉતરી બેડરુમ સ્વિમિંગ પુલમાં, ઈચ્છા પૂરી કરવા પતિએ છત પર બનાવ્યો

યાદ રાખો

આયુષ્માન કાર્ડ ધરાવતા દરેક વ્યક્તિને મફત સારવાર મેળવવાનો અધિકાર છે. જો હોસ્પિટલ નકારે તો તરત જ ફરિયાદ કરો અને તમારા હક્કનો લાભ મેળવો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ