બોલિવૂડ / મિર્ઝાપુર મુવીનું ટીઝર રિલીઝ, મુન્ના ભૈયા અને ગુડ્ડુ પંડિતનો જોવા મળ્યો જલવો

પ્રાઇમ વિડિયોની સુપરહીટ વેબ સિરીઝ મિર્ઝાપુર હવે એક ફિલ્મના રૂપમાં થિયેટરોમાં ધમાલ મચાવશે. જ્યારથી આ ફિલ્મની જાહેરાત થઈ છે ત્યારથી લોકો તેની રાહ જોઈ રહ્યા છે. હવે ફિલ્મ મેકરે આખરે મિર્ઝાપુર ધ મૂવીનું ટીઝર રીલીઝ કર્યું છે અને આ ટીઝર 4 સપ્ટેમ્બરે થિયેટરોમાં રીલીઝ થનારી ભયંકર એક્શનની હિન્ટ આપે છે.

વેબ સિરીઝની માફક કાલીન ભૈયા (પંકજ ત્રિપાઠી) અને ગુડ્ડુ ભૈયા (અલી ફઝલ) વચ્ચેની બાબલ આ ફિલ્મનું મુખ્ય કેન્દ્રબિંદુ હશે. 2018 માં સેટ કરેલી આ સ્ટોરીની મોટી ખાસિયત એ છે કે વેબ સિરીઝમાં મુન્ના ભૈયાના પાત્રના મૃત્યુ બાદ દિવ્યેન્દુ શર્મા મુન્ના ભૈયા તરીકે પરત ફરે છે. મુન્નાના પ્રિય મિત્ર કમ્પાઉન્ડર (અભિષેક બેનર્જી) પણ જોવા મળશે.

'પંચાયત' ફેમ જીતેન્દ્ર કુમાર ગુડ્ડુના ભાઈ બબલુનો રોલ કરી શકે છે જે વેબ સિરીઝમાં વિક્રાંત મેસી દ્વારા રોલ કરવામાં આવ્યો હતો. કેમ કે વિક્રાંતને મિર્ઝાપુર ધ મૂવીના ટીઝરમાં બતાવવામાં આવ્યો નથી. રવિ કિશન પણ એક નવા પાત્ર સાથે સ્ટોરીમાં જોવા મળે છે.

આ ટીઝર વિશે સૌથી સારી વાત એ છે કે તે તેના પ્લોટ વિશે કોઈ હિન્ટ આપતું નથી. મિર્ઝાપુર ધ મૂવીની સ્ટોરી વેબ સિરીઝના નેરેટીવથી અલગ લાગે છે. વેબ સિરીઝની તુલનામાં ફિલ્મનો સ્કેલ પણ કંઈક અંશે વિસ્તૃત જોવા મળે છે. આ સ્ટોરીમાં નવા વળાંકો અને નવા પાત્રો સાથે ફિલ્મના ટ્રેલર રિલીઝ થયા બાદ જ સારી રીતે ખ્યાલ આવશે.

વધુ વાંચો : લંડનની હાઇ-પ્રોફાઇલ પાર્ટીમાં ઈશા અંબાણીનો જલવો, રેડ આઉટફીટમાં લૂંટી મહેફિલ

મિર્ઝાપુર ધ મૂવીના ડાયરેક્ટર ગુરમીત સિંહ છે જેમણે શરૂઆતથી જ વેબ સિરીઝનું ડાયરેક્શન કર્યું હતું. મતલબ કે આ ફિલ્મની સ્ટોરી સંપૂર્ણપણે વિશ્વસનીય હાથમાં છે. વેબ સિરીઝની કંપેરમાં મિર્ઝાપુર ધ મૂવી કઈ નવી અને રોમાંચક બાબતો લાવે છે તે જોવાનું રહેશે. આ ફિલ્મ 4 સપ્ટેમ્બરે સિનેમાઘરોમાં રિલીઝ થવાની છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ