ગભરાટ / માઉન્ટ આબુ અને આસપાસના વિસ્તારોમાં ભૂકંપના હળવા આંચકા, લોકોમાં થોડી અફરાતફરી

માઉન્ટ આબુ અને તેની આસપાસના વિસ્તારોમાં આજે સાંજે 7:23 વાગ્યે ભૂકંપના હળવા આંચકા અનુભવાયા હતા. અચાનક ધરતી ધ્રુજતાં જ લોકોમાં ભય ફેલાયો અને અનેક લોકો સુરક્ષાના હેતુસર પોતાના ઘરોમાંથી બહાર નીકળી આવ્યા હતા.

સ્થાનિકોમાં ગભરાટનો માહોલ

માઉન્ટ આબુ ઉપરાંત અચલગઢ, ઉડિયા, ગુરુ શિખર, દિલવાડા સહિતના વિસ્તારોના રહેવાસીઓએ ભૂકંપના આંચકા અનુભવ્યાની પુષ્ટિ કરી છે. થોડી ક્ષણો માટે લોકોમાં ગભરાટ જોવા મળ્યો હતો, જોકે ભૂકંપની તીવ્રતા ઓછી હોવાથી કોઈ જાનમાલના નુકસાનના અહેવાલો સામે આવ્યા નથી.

આ પણ વાંચોઃ બોટાદ કલેકટર કચેરીને બોમ્બથી ઉડાવવાની ધમકી, પોલીસ તંત્ર એલર્ટ

ભૂકંપના આંચકા ઓછી તીવ્રતાના હોવાથી લોકોએ રાહતનો શ્વાસ લીધો છે. હાલ સ્થિતિ સંપૂર્ણપણે સામાન્ય છે અને પ્રશાસન દ્વારા પરિસ્થિતિ પર નજર રાખવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ