5 ફોટો ગેલેરી

Bank 5 Day Week / બેંકોમાં 5 દિવસ કામકાજની માંગ પર સરકારનો સ્પષ્ટ જવાબ! જાણો શું કહ્યું ?

Last Updated: 04:35 PM, 25 September 2026

FOLLOW ON

શેર કરો

સરકારે સ્પષ્ટ કર્યું છે કે બેંકોમાં 5-ડે વર્કિંગ વીક લાગુ કરવા અંગે કોઈ સંમતિ થઈ નથી. જેના વિરોધમાં 28 થી 30 સપ્ટેમ્બર દરમિયાન દેશવ્યાપી બેંક હડતાળ યોજાશે.

1/5

1. બેંક સ્ટ્રાઈક

જો તમે બેંકમાં દર અઠવાડિયે માત્ર 5 દિવસ કામ કરવાની અને શનિ-રવિ એમ બે દિવસની રજાઓની આશા રાખી રહ્યા હતા તો આ સમાચાર તમારા માટે જાણવા ખૂબ જરૂરી છે. નાણા મંત્રાલયના સૂત્રો તરફથી બેંક કર્મચારીઓની '5-ડે વર્કિંગ વીક'ની માંગણી પર સરકારનું વલણ સ્પષ્ટ કરી દેવામાં આવ્યું છે.

આ તસવીર શેર કરો

2/5

2. સરકારનું સ્પષ્ટૌકરણ: ક્યારેય સંમતિ આપી નથી

નાણા મંત્રાલયના ઉચ્ચ સૂત્રો અનુસાર, સરકારે બેંકોમાં અઠવાડિયામાં 5 દિવસ કામ કરવાની વ્યવસ્થા લાગુ કરવા પર ક્યારેય સત્તાવાર સંમતિ આપી ન હતી. યુનિયનો અને સરકાર વચ્ચે આ મુદ્દે કોઈ કરાર કે સમજૂતી થઈ નથી. સરકારનું કહેવું છે કે આ વિષય તેમની સત્તાવાર ચર્ચાનો ભાગ ન હતો પરંતુ બેંક યુનિયનો દ્વારા જ આ માંગણી આગળ ધપાવવામાં આવી રહી છે.

આ તસવીર શેર કરો

3/5

3. માંગણી શું છે અને હાલમાં શું વ્યવસ્થા છે?

હાલના નિયમો મુજબ દેશની બેંકોમાં દર મહિનાના બીજા અને ચોથા શનિવારે રજા હોય છે, જ્યારે પહેલા, ત્રીજા અને પાંચમા શનિવારે બેંકો ખુલ્લી રહે છે. બેંક યુનિયનો લાંબા સમયથી માંગ કરી રહ્યા છે કે કર્મચારીઓને યોગ્ય 'વર્ક-લાઈફ બેલેન્સ' મળે તે માટે દર અઠવાડિયે શનિવાર અને રવિવાર બંને દિવસે રજા જાહેર કરવામાં આવે.

આ તસવીર શેર કરો

4/5

4. 28 થી 30 સપ્ટેમ્બર દેશવ્યાપી હડતાળ

સરકારના આ વલણ વચ્ચે જ બેંક યુનિયનોએ 28 સપ્ટેમ્બરથી 30 સપ્ટેમ્બર 2026 દરમિયાન 3 દિવસની દેશવ્યાપી હડતાળનું આહ્વાન કર્યું છે. હડતાળની મુખ્ય માંગણીઓમાં આ 5-ડે વર્કિંગ વીકની અમલવારી પણ સામેલ છે.

આ તસવીર શેર કરો

5/5

5. જનતા અને ગ્રાહકો પર શું અસર પડશે?

હડતાળના દિવસોમાં બેંક શાખાઓમાં રોકડ જમા-ઉપાડ, ચેક ક્લિયરન્સ અને અન્ય રૂબરૂ કાઉન્ટર સેવાઓ પ્રભાવિત થઈ શકે છે. પણ રાહતની વાત એ છે કે ATM, UPI, ગૂગલ પે,ફોન પે અને નેટ બેંકિંગ જેવી ડિજિટલ સેવાઓ કાર્યરત રહેશે.

આ તસવીર શેર કરો

સંકળાયેલા મુદ્દાઓ

five-day work weekends off bank strike