અકસ્માત / સુરતના કામરેજ પાસે કાર ડમ્પર સાથે ધડાકાભેર અથડાઈ, એક જ પરિવારના 4ના મોત, શંખેશ્વર દર્શને જતા હતા

સુરતમાંથી પસાર થતાં ભારતમાલા એક્સપ્રેસ વે પર કામરાજ નજીક હેરિયર કાર અને ડંપર વચ્ચે ભયાનક અકસ્માત થયો હતો જેમાં એક જ પરિવારના 4 સભ્યોના ઘટનાસ્થળે જ મોત થયા હતા. એક્સપ્રેસ વે પર ઉભેલા ડમ્પર પાછળ કાર ઘૂસી ગઈ હતી. ડમ્પરમાં એર પ્રેશરની સમસ્યા થતા ચાલકે ડમ્પર ઊભું રાખ્યું હતું.

મુંબઈથી શંખેશ્વર મંદિરે દર્શન માટે જતા હતા

પરિવારના સભ્યો હેરિયર કારમાં બેસીને મુંબઈથી શંખેશ્વર મંદિરે દર્શન માટે જઈ રહ્યાં હતા. કાળમુખી દુર્ઘટનાને પગલે હાઈવે પર અરેરાટી સાથે ભારે અરેરાટી વ્યાપી હતી.

વધુ વાંચો : ક્યારેક કેમ્પસમાં ગાંજાના છોડ મળ્યા તો ક્યારેક વિદેશી વિદ્યાર્થિનીઓ સામે દેહ વેપારનો આરોપ લાગ્યો, 2019થી મારવાડી યુનિવર્સિટી સતત વિવાદમાં

ચાલક ડમ્પર ઊભું રાખ્યું તેમાં ટકરાઈ કાર

મુંબઈથી અમદાવાદ તરફ જતા માર્ગ પર કામરેજ વિસ્તારમાં ટેકનિકલ ખામી સર્જાતા ચાલક ડમ્પર ઊભું રાખ્યું હતુ અને આ દરમિયાન ચાલક કાબુ ગુમાવતા કાર ધડાકાભેર ડમ્પરને ટકરાઈ હતી જેમાં 4ના ઘટનાસ્થળે જ મોત થયા હતા. દુર્ઘટના બાદ એક્સપ્રેસ વે પર અફરાતફરી મચી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ