ક્રાઈમ / સુરતમાં પઠાણી ઉઘરાણીના નામે વ્યાજખોરે યુવક પર ગુજાર્યો ત્રાસ, રૂપિયા વસૂલવા યુવકને ઓફિસમાં બોલાવીને માર્યો માર

સુરતમાં ફરી વ્યાજખોરો બેફામ બન્યાં છે. પઠાણી ઉઘરાણીના નામે વ્યાજખોરે યુવક પર ત્રાસ ગુજાર્યો હતો. વ્યાજે આપેલા રૂપિયા વસૂલવા વ્યાજખોરે યુવકને ઓફિસમાં બોલાવીને માર્યો માર હતો. યુવકને નિર્દયતાપૂર્વક માર મારતા વ્યાજખોરનો વીડિયો વાયરલ થયો હતો જે પછી પોલીસે તપાસ શરુ કરી હતી.

ઓફિસમાં બોલાવી મારપીટ

તાજેતરમાં સુરતમાંથી વ્યાજખોરે યુવકને પોતાની ઓફિસમાં બોલાવીને ઉપરાછાપરી લાફા ઝીંકી માર માર્યાની ઘટના સામે આવી છે. આ ઘટનાનો વીડિયો વાયરલ થયો હતો.

વધુ વાંચો : VIDEO : "અમારી સાથે પણ આવું બને છે", નિરમા યુનિ.માં પ્રોફેસર દ્વારા વિદ્યાર્થીનો કાંઠલો પકડવા પર બોલ્યાં હકાભા ગઢવી

મહિલા સફાઈ કામદાર પર ત્રાસ

ઉલ્લેખનીય છે કે સુરતમાં આ પહેલા પણ વ્યાજખોરોના આતંકની ઘણી ઘટનાઓ સામે આવી હતી. ચાડ એક મહિલા સફાઈ કામદાર પાસેથી 2.5લાખ રૂપિયાના બદલામાં 5.45 લાખ રૂપિયા વસૂલવા છતાં વ્યાજખોરો દ્વારા વધુ ઉઘરાણી કરવામાં આવી રહી હોવાનો મામલો સામે આવ્યો હતો. સુરત પોલીસ દ્વારા બેફામ બનેલા વ્યાજખોરો સામે લાલ આંખ કરવામાં આવી છે અને અવારનવાર કડક કાર્યવાહી કરી ધરપકડ કરવામાં આવે છે. જો કોઈ વ્યાજખોર ગેરકાયદેસર રીતે ઊંચું વ્યાજ વસૂલતો હોય કે ધાકધમકી આપતો હોય, તો નાગરિકોએ તુરંત પોલીસનો સંપર્ક કરવો જોઈએ.

માર મારવાનો વીડિયો વાયરલ

માર મારવાની સમગ્ર ઘટનાનો વીડિયો સોશિયલ મીડિયા પર વાયરલ થતાં ચકચાર મચી હતી. જાહેરમાં દાદાગીરી કરતા વ્યાજખોરોના વિડીયોથી સ્થાનિક લોકોમાં ભારે રોષ ફેલાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ